puntland participate piracy conference in UAE

[FBISOMALIA]

Wasiirka Dakadaha iyo Gaadiidka Bada Puntland Oo Ka Warbixiyay Kulan Dhawaan Ka Dhacay Dalka Isku Taga Imaraadka Carabta

Boosaso ( RBC Radio) Wasiirka dakadaha iyo Gaadiidka Bada Puntland ayaa ka Hadaly Arimaha la Xiriira Shir dhawaan Ka dhacay Dalka Emaraatka Carabta.

Eng:Siciid Maxmed Raage Wasiirka dakadaha iyo Gaadiidka Bada Puntland ayaa RBC Radio U Sheegay Maanta in Halkaasi Kaga qayb qaateen Kulan Balaaran oo looga hadlayay arimha Burcad Badeeda.

Kulanka ka dhacay Dubai ayaa waxa ka soo Qaybgalay Dalal gaaraya 50 dal oo Daneynaya ka Hortaga Burcad Badeeda Geeska Africa Gaar ahaan Dalka Somalia.

Wasiir Siciid Maxmed Raage ayaa sheegay in ay shirkaasi Ka Qaygaleen isaga iyo Wasiirka Maaliyada Puntland Faarax Cali Shrre.

Iyadoona halkaasi ay ka soo jeediyeen baahiyaha kala duwan ee la xiriira ka hortaga Burcad Badeeda La sheegay in ay Ka Howlgalaan Qaybo Ka mid ah Xeebaha Puntland.

Wasiirka Dakadaha ayaa Qeexay in Halkaasi ay ka heleen taagero Faraban oo dhinacyo Kala duwan Taabaneysa Taasi ugu Horeysa Dayactirka Xabsiyada Puntland iyo Tababarka Ciidamda La dagaalanka Puntland.

Ugu danbeytiina Beesha Caalamka ayuu ugu Baaqay in ay Sii laba jibaarto Taageerada La siinayo Puntland Dhinaca La dagaalanka Burcad badeeda Xeebaha somalia.

RBC Radio