Sheerbi, May 22- Buundadii tuulada Sheerbi ee gobolka Karkaar ayaa lagu guulaystay in dib loo hawl-galiyo galabta kaddib markii ay jabtay shalay galinkii hore, taasoo sababtay in uu is-taago isu-socodkii dadka iyo gaadiidka.
Guddoomiyaha Hay'adda waddooyinka Puntland ee NESHA Eng. Xassan Cismaan Cali oo waraysi siiyey idaacadda Daljir ayaa sheegay haatan maritaanka buuntadaasi in ay tahay mid caadi, lana xalliyey cilladdii soo wajahday oo ay sababeen daadadkii ka soo rogmaday roobab deegaankaasi ka da'ay.
Xaaladda ayaa mid caadi ah ku soo laabatay kaddib markii illaa shalay uu taagnaa isu-socodkii dadka iyo gaadiidkii jidkaasi adeegsan jiray, waxaana galabta socdaalkoodii dib u bilaabmay safarraydii u kala jeeday gobollada kala duwan ee Puntland.
Cabdifitaax Cumar Geeddi,
Daljir, Garowe
