We placed a bomb under his bed- Sh. Cali/dheere

[Talo alle udaa]

Sabti, June 11, 2011 (HOL) – Xarrakatul Shabaabul Mujaahidiin ayaa beeniyay inay ruux haweeney ah u adeegsadeen dilka wasiirkii arrimaha gudaha iyo ammaanka Qaranka ee Soomaaliya, iyagoo sheegay inay sariirtiisa ugu rakibeen qalabka dilay ayna howlgalku iyagu si toos ah u fliyeen.

Afhayeenka Xarrakatul Shabaab Sheekh Cali Maxamuud Raage (Sheekh Cali Dheere) oo maanta shir jaraa'id ku qabtay Muqdisho ayaa xusay inaysan dilkaas haweeney u adeegsan ayna wararka arrinatn ku saabsan ee la isla dhexmaryo ay been yihiin.

"Waxaan Alle mahaddii inoo suurogashay inaan wasiirkii arrimaha gudaha ee DKMG ah ugu xirno sariirtiisa qalabkii dili lahaa, isagoo sheeganaya inuu mas'uul ka yahay ammaanka gudaha," ayuu yiri Sheekh Cali Dheere oo sheegay in wasiirku uu ahaa caqabadda keliya ee hortaagnaa Xarrakatul Shabaab.

Sheekh Cali Dheere, wuxuu sheegay in dariiqa uu maray wasiirka ay xubnaha kale ee dowladda sugayso, isagoo xusay in taangiyada AMSIOM aysan geerida ka difaaci karin, balse ay kula talinayaan inta aysan geeridu haleelin inay kasoo laabtaan falka ay ku jiraan.

Wasiirkii hore ee arrimaha gudaha iyo ammaanka Qaranka Soomaaliya C/shakuur Sheekh Xasan Faarax ayaa wuxuu u dhintay xalay fiidkii dhaawacyo culus oo kasoo gaaray qarax lagula beegsaday gurigiisa shalay gallinkii dambe.

Hadalka afhayeenka Xarrakatul Shabaab ayaa meesha ka saaraya warar sheegayay in qaraxaas ay fulisay gabar ardayad ahayd oo gurgiisa ku noolayd uuna waalid u ahaa, taasoo lafteeda ku dhimatay qaraxa dilay wasiirka.

Ugu dambeyn, afhayeenka Xarrakatul Shabaab wuxuu ka hadlay dibadbaxyadii ka dhacayay Muqdisho maalmihii lasoo dhaafay, isagoo sheegay inaysan waxba ka badalayn siyaasadda DKMG ah oo uu sheegay inaysan marnaba salka dhigan, isagoo xusay in tobanka gobol ee ay ka taliyaan ay nabadgalyo ka jirto.

Xarrakada Al-shabaab ayaa horay u dilay shan wasiir oo ka tirsanaa xukuumaddii Cumar C/rashiid Cali Sharma'arke, kuwaasoo kala ahaa: Cumar Xaashi Aadan oo bishii Abriil 2009 lagu dilay Baladweyne, Qamar Aadan Cali, Ibraahim Xasan Caddow, Axmed C/llaahi Waayeel iyo Suleymaan Colaad Rooble oo iyagana lagu dilay qarax ka dahcay Hotel Shaamow 03-dii - Diseembar - 2009.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya

[grandpakhalif]

"NO suicide bombing involved"

Muqdisho: (Sh. M. Network) Xarakada Al Shabaab ayaa beenisay in qof haweeney ah ay fulisay falkii shalay lagu dilay wasiirkii amniga Qaranka Xukuumada KMG Soomaaliya, iyagoo dhinaca kale faah faahin ka bixiyay habka loo dilay wasiirkaasi.



Afhayeenka Xarakada Al Shabaab Sheekh Cali Max’uud Raage ( Cali Dheere) oo maanta Shir jaraa’id ku qabtay Magaalada Muqdisho ayaa sheegay in Al Shabaab ay ka dambeeyeen qarixii lagu dilay Alla ha u naxariistee C/shakuur Sheekh Xasan, isagoo tilmaamay in qaraxa ay u dhigeen gurigiisa gaar ahaan sariirta uu ku seexdo hoostiisa.



Cali Dheere waxa uu sheegay in ay la socdeen saacadaha uu guriga soo galayo C/shakuur sidaasina ay ugu suurta gashay Al Shabaab in ay qaraxa ugu fuliyaan ragii weerarka abaabulay.



Afhayeenka waxa uu been abuur ku tilmaamay wararka sheegaya in qof haweeney ah ay ka dambeysay qaraxa lagu dilay wasiirka, isagoo xusay in dowladda KMG iyo AMISOM ay ka been abuuraanayaan haweeneydii xalay ku dhimatay qaraxii lagu dilay wasiirkii arimaha gudaha iyo amniga qaranka Xukuumada KMG Soomaaliya.



“Waxba ilmihiina iyo dumarkiina haku mar marsiyoonina, waxaan idin leenahay inaga ayaa dilnay xarakada Al Shabaab ayaa dishay” ayuu yiri Cali Dheere.



Sheekh Cali Max’uud Raage waxa uu xusay in wasiirka geeriyooday uu ahaa caqabad hortaagneyd xarakada Al Shabaab, waxaana uu xusay in uu ahaa isku xirihii howlgalka ciidamada dowladda iyo AMISOM ay uga soo horjeedeen xarakada Al Shabaab.



Waxa uu digniin u diray Afhayeenka AL Shabaab masuuliyiinta kale ee dowladda KMG Soomaaliya, isagoo sheegay in aysan ku baxsan doonin sida uu hadalka u dhigay taangiyada AMISOM ee lagu qaado, wuxuuxna carabka ku dhuftay in sida ay doonaan ay u dili karaan.



Hadalka xarakada Al Shabaab ayaa imaanaya xili la hadal hayay in qof haweeney ah ay ka dambeeysay qarixii uu u geeriyooday wasiirkii arimaha gudaha iyo amniga qaranka Xukuumada KMG C/shakuur Sheekh C/raxmaan.



Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.