SomaliNet Forums

Wafti Ka Socda Shirkado Maalgashi Oo Laga Leeyahay Ingiriiska Oo Soo Gaadhay Hargeysa.

Hargeysa (Ramaas) June 18, 2011 – Wafti balaadhan oo ka socda shirkado maalgashi oo laga leeyahay wadanka Inigiriiska ayaa saaka kas oo dagay garoonka Cigaal International Airport ee magaalada Hargeisa. Waftigaas waxa hogaaminayay Garyaqaan Maxamed Yusuf Cali Guray, oo ah gudoomiyaha Rugta ganacsiga ee Anglo-Somaliland Chamber of commerce ee magaalada London.




Mudane Maxamed Yusuf waxa waftiga ku wehelinayay Maareeyaha shirkada maalgashiga ee SAVOY Investment Management, Mr. Paul D Heber iyo sarkaal kale oo ka socda shirkada Maalgashiga Saliida iyo Gaasta ee LIBERTAS, Mr. Alex MacDonald.

Waftigu waxay caawa la kulmi doonaan Madaxwaynaha Jamhuuriyada Somaliland Md. Axmed Maxamed Siilaanyo, waxaa sidoo kale la filayaa inay safaro ku tagaan magaalooyinka Berbera, Burco iyo Ceerigaabo. Waftigu sidoo kale waxay sugayaan wafti kale oo ka socda dalka Maleeshiya oo galabta la filayo inay soo gaadhaan caasimada, kuwaas oo maalgashi ku samayn doona warshada hilibka ee Magaalada Burco.



Waftiga uu hogaaminayo ganacsade Maxamed Yuusuf Cali Guray, waxay todobaadkan ku qaban doonaan shir balaadhan oo lagu lafo guri doono fursadaha maalgashi ee ka furan dalka si loogu soo jeediyo khayraadka Somaliland indhaha caalamka. Halkan kala socda kulanka waftigu caawa la yeelan doono Madaxwaynaha



Ramaasnews Desk

Hargeysa

http://www.ramaasnews.com/news.php?readmore=6857

Madaxweynaha Somaliland Oo Kulan La Yeeshay Wufuudii Shirkadaha Maalgashiga Ingriiska Iyo Maleeshiyaanka.





http://oodweynenews.com/news/82461-mada ... awiro.html

Waftigii Ka Socday Shirkadaha Maalgashiga Ingiriiska Iyo Maleeshiyaanka Oo Maanta Booqasho Ku Tagay Magaalooyinka Burco Iyo Berbera.


Burco (Ramaas) June 19, 2011 – Waftigan oo safar shaqo ku yimi dalka maalintii shalayto ayaa saaka subaxnimadii hore u ambabaxay dhinaca magaalada Berbera oo ay uga sii gudbayeen magaalada Burco.

Waftigu waxa uu magaalada Berbera ee gobolka Saaxil soo gaadhay abaaro 10kii subaxnimo, waxaana ugu horayn qaabilay badhasaabka gobolka Saaxil Md Maxamuud Cali Saleebaan (Ramaax). Guddoomiyaha gobolka oo ugu horayn hadal kooban oo soo dhawayn ah ka jeediyay kulanka waftiga oo ku qabsoomay xafiiska badhasaabka ayaa waftiga aad ugaga mahadnaqay booqashadooda.


Guddoomiyuhu waxa uu sheegay in xoolaha nool yihiin shay Somaliland qani ku tahay, hase ahaatee aanay dadkeedu aqoon buuxda u lahayn sidii si dhamaystiran loogaga faaiidaysan lahaa xoolaha nool. Waxaanu waftiga u sheegay inay soo dhawaynayaan wada shaqayn kasta oo dhex marta labada dhinac, una fududayn doonaan hawlahooda maalgashi.


Waxa sidoo kale madasha ka hadlay Md Maxamed Yusuf Cali Guray oo isagu waftiga hogaaminayay, waxaana uu ka waramay ujeeddada booqashada waftiga iyo shirkadaha maalgashi ee ay ka socdaan. Waxaana hadaladiisii kamid ahaa “Anniga ayaa waftigan kasoo kaxeeyay wadamadoodii si ay indhahooda ugu arkaan fursadaha maalgashi ee ka jira dalka, waxaana noo suurto gashay in aanu isu keeno waftigan Ingiriiska ah iyo waftiga Maleeshiyaanka ah.”


Kulankaas kadib waxa badhasaabka iyo waftigu booqdeen Maxjarka Magaalada Berbera oo ah xarun lagu daryeelo caafimaadka xoolaha nool ee ka dhoofa dekeda Berbera. Sidoo kale waxay waftigu booqdeen dekeda caalamiga ah ee Berbera. Waxaana waftiga soo mariyay dhamaan qaybaha kala duwan ee dekeda maareeyaha dekeda Berbera Md Axmed Yusuf Dirir. Waxay sidoo kale booqasho ku tageen xarunta haamaha kaydka shidaalka Berbera.

Intaas kadib waftigu waxay usoo kicitimeen dhinaca magaalada Burco ee gobolka Togdheer oo ay booqdeen Mashruuca Warshada Hilibka oo ay maalgalinayaan ganacsatada Maleeshiyaan ahi. Mashruucan ayaa illaa hadda hawshiisu socotaa, waxaana la rajaynayaa in dhawaan mashruucu hirgalo.


Sidoo kale, waftigu waxay ay kulamo iyo qado sharaf la yeesheen Wasiirka Xanaanada Xoolaha Dr. Cabdi Aw Daahir, Badhasaabka gobolka, Md. Yaasin Muxumad Cabdi iyo Maayorka Burco Md Maxamud Axmed Xasan. Kulanka oo uu ugu horayn ka hadlay Guddoomiyaha gobolka, ayaa sheegay inay gacmo furan kusoo dhawaynayaan waftiga. Sidoo kale Wasiir Cabdi Aw Daahir oo isna hadal kooban ka jeediyay munaasibada qado sharafta loo sameeyay waftiga ayaa sheegay in maadaama wasaaradiisu dalka u qaabilsan tahay xoolaha nool in ay si toos ah ula shaqayn doonaan waftiga.


Ugu dambayntii waftiga oo ay weheliyaan masuuliyiinta gobolka Togdheer iyo Wasiirka Xanaanada Xoolaha Dr. Cabdi Aw Daahir ayaa booqday xarunta naaxinta xoolaha ee magaalada Burco, xaruntan oo ku fadhida dhul baaxad wayn leh oo lagu qiyasay 6.5 km ayaa loogu talo galay in lagu nafaqeeyo xoolaha laqalayo iyo kuwa la dhoofinayoba.


Ramaasnews Desk

Burco.

Maxamed Yuusuf Cali Guray is a good businessman InshaAllah its a success

i am hearing this will be big

Wafti Maalgashadayaal Ingiriis iyo Maleesiyaan ah oo Soo Gaadhay Burco.




http://www.togdheernews.com//index.php? ... 6&Itemid=1