Tababarka oo soconayay muddo 13-cisho ah ayaa waxaa lagu baranayay badbaadinta qalabka shirkadda,caafimaadka iyo ilaalinta deegaanka.
Maamulaha shirkadda Golis laanteeda magaalada Garoowe Maxamuud Ismaaciil Aw-Cismaan oo ka hadlay munaasabadda lagu soo gabagabeeyay tababarkan ayaa waxaa uu sheegay in tababarkan uu ahaa mid ay ka qaybqaadanayeen 28-xarumood oo ay shirkadda Golis ay ku leedahahay gobolada Nugaal iyo Sool
Waxaa uu sheegay maamulaha laanta Golis ee magaalada Garoowe in tababarkan uu ahaa mid ay ugu talo galeen in shaqaalaha shirkadda lagu baro sidii ay u adaryeeli lahaayeen qalabka shirkadda iyo sidii ay ugu qaybqaadan lahaayeen ilaalinta deegaanka.
Masuuliyiin kale duwan oo sidoo kale kasocotay shirkadda Golis oo ka hadlay xiritaanka tababarka ayaa waxaa ay kula dardaarmeen ka qaybgalayaasha tababarka inay noqdaan kuwa aqoonta ay barteen ku shaqeeya.
Maareyaha Guud ee shirkadda Golis Aadan Sheekh Doon oo ka hadlay munaasabada ayaa sheegay inay shirkadda Golis ay tahay mid ku howlan sidii ay uga qaybqaadan lahayd horumarinta deegaanada ay ka howlgasho islamarkaana tababarkan uu yahay mid qayb ka ah qorshaha ay shirkada ugu qaybqaadanayso horumarinta iyo ilaalinta deegaanka.
Waxaana ugu dambeyntii madaxa shirakadda Golis uu gudoonsiiyay dhamaan xubnaha ka qaybqaatay tababarkan shahaado cadaynaysa tababarada ay qaateen iyo agabyo ay ku howlgalayaan.
Maxamed Saciid Yuusuf
Wakiilka Horseed Media
Garoowe,Puntland.
