puntlanders protest agains car petrol

[FBISOMALIA]

Gaadiidka dadwaynaha ee magaalada Garoowe oo sameeyay shaqo joojin

Wadayaasha gaadiidka dadwaynaha ee magaalada Garoowe ee caasimadda Puntland ayaa maanta sameeyay shaqo joojin,kadib markii ay ka cawdeen sicir barar ku yimid qiimaha shidaalka iyo qarashaadka lagu raaco gaadiidka dadwaynaha oo noqday kuwa aan dabooli karin baahiyahooda.

Qaar ka mid ah dareewalada gaadiidka ayaa saaka cabasho ka muujiyay sicirka shidaalka iyo qiimaha ay ku raraan gaadiidka dadwaynaha,waxaana ay cabashadooda u gudbiyeen dowladda hoose ee magaalada Garoowe si’ay wax uga qabato arintan.

Xoghayaha dowladda hoose ee magaalada Garoowe Qaasin Maxamed Cali oo la hadlay Horseed Media kadib markii ay cabasho soo gaarsiiyeen dareewalada gaadiidka ayaa waxaa uu sheegay in dareewalada u soo gubiyeen inay ku taageeraan in lacag kun shilin Soomali ah in loogu daro qiimaha ay ku raraan gaadiidka oo horay u ahayd sadex kun oo Sh.So. ah.

Waxaa uu sheegay xoghayaha dowladda hoose inay jirtay dhibaatooyin la xariirta qiimaha lagu raaco gaadiidka,waxaana uu sheegay inay isla garteen in arintan ay kawada hadlaan maalinta bari,isagoona sheegay inay kala hadli doonaan arimo badan oo ka mid tahay horumarinta wadooyinka magaalada Garoowe.

Shaqo joojinta ay sameeyeen dareewalada gaadiidka ee magaalada Garoowe ayaa imaanaysa xilli magaalooyinka Boosaaso iyo Gaalkacyo lagu raaco gaadiidka dadwaynaha ee ka shaqeeya xaafadaha magaalooyinkaasi lacag dhan 5000 Sh.So. ah.

Maxamed Saciid Yuusuf
Wakiilka Horseed Media
Garoowe,Puntland.