Waxaa galabta gaaray magaalada Nairobi ee dalka Kenya Wafdi uu hogaaminayo gudoomiyaha Baarlamaanka Soomaaliya Mudane Shariif Xasan Sheekh Aadan kuwaasi oo ka ambo baxay magaalada Muqdisho.
Wafdiga Gudoomiyaha Baarlamaanka ayaa waxaa ka mid ah Xildhibaano ka tirsan Baarlamaanka Soomaaliya waxaana kusoo dhoweeyey garoonka diyaaradaha Joma Kenyata ee magaalada Nairobi mas,uuliyiinta Safaaradda Soomaaliya ee Kenya iyo Mudanayaal Baarlamaanka ka tirsan oo horey u joogay magaalada Niarobi.
Magaalada Niarobi inta uu joogo Mudane Shariif Xasan Sheekh Aadan waxa uu halkaasi kula kulmi doono xubno ka tirsan Beesha Caalamka,Safiirro iyo Mas’uuliyiinta hay’adaha ee xafiisyada arrimaha Soomaaliya quseeya mas’uulka ka ah.
Kadib magaalada Nairobi Gudoomiyaha Baarlamaanka Soomaaliya waxa uu usii gudbi doonaa dalka Boqortooyada Sacuudi Carabiya halkaasi oo uu utagayo gudashada Cimrada.