The people from North Galkacyo loot businesses owned by people from Bay and Bakool
Xaaladda magaalada Gaalkacyo ayaa maanta kacsanayd kadib markii habeenimadii xalay halkaasi lagu dhaawacay mid kamid ah ganacsatada magaalada ugu caansan, iyadoo sidoo kale xalay weerar geystay khasaare dhaawac ah loo geystay Idaacadda Daljir ee magaaladaasi.
Qaar kamid ah dadweynaha ayaa maanta sameeyey banaanbaxyo ay uga soo horjeedaan falalka ammaan darro, waxayna boob u geysteen qaar kamid ah goobaha ganacsi ee dadka kasoo gobolada Bay iyo Bakool.
Beegsiga dadka kasoo jeeda goboladaasi ayaa yimi kadib markii dad dhowr ah oo loo qab qabtay dilalkii magaalada ka dhacay ay noqdeen dadka kasoo goboladaasi Bay iyo Bakool.
Galabta xaafadda Israac kooxo hubaysan ayaa ku dilay 6-ruux oo ah dhalinyaro lasoo sheegay in ay kasoo jeedaan gobolada Bay iyo Bakool.
Waxaa sidoo kale jiray boob loo geystay goobo ganacsi oo ay dadkaasi magaalada ku lahaayeen, waxaana la boobay alaabtii oolayd.
Madaxweynaha Puntland ayaa dhowaan magaalada usoo magcaabay maamul cusub kaasi oo loogu talagalay in ay wax ka qabtaan xaaladaha kasii daraaya ee magaalada Gaalkacyo ka jira.
Dhanka kale magaalada Garoowe ayaa waxaa maanta ka baxay Ciidamo badan oo isugu jira Boolis, Daraawiish iyo kuwa Sirdoonka Puntland ee PIS-ta, waxaana la sheegay in ay galabta gudaha u galeen magaalada Gaalkacyo.
Xaaladda magaalada Gaalkacyo ayaa maal mahan kasii daraysay xaga ammaanka, waxaana jira dilal iyo qaraxyo ka dhacay asbuucyadii lasoo dhaafay.
