Hogaamiye cunsuriyadedka Rer Hargaysa ee lagu magacabo Adan (siiro) oo xaran ku sheegay lacagta loo ururinayo abaraha kajira koonfurta Somalia
Hogaamiye qab yaaladedka Rer Hargaysa ee lagu magacabo Aadan Maxamuud (Siiro) oo ka mid ah dadka qabyaladu madax martay ee Hargaysa oogu caansan ayaa sheegay in lacagta loo aruurinayo abaaraha ka jira Koonfurta Soomaaliya in ay tahay Xaaraan, mar uu ka hadlayay masjid ku yaala Xaafada Xawaadle ee Magaalada Hargeysa,
Hogaamiyahan Aadan ayaa ku tilmaamay arintaas mid aan diinta sal ku lahayn, asaga oo sheegay in abaaraha ka jira Somaliland ay tahay in lacagtaas loogu Deeqo waasifuu hadalka u dhigaye.
Hogaamiyahan Cunsuriyadu madax martay ayaa ku canaantay in Maamulka Siilaanyo, in ay u jan jeerto Somaliweyn, waxa uuna sheegay arintaas ay tahay waxa ay SNM ka Dagaalanatay oo dhiig loo daadiyay magaca Somaliweyn.
“ Waxaa la yidhii lacag ayaa loo aruurinayaa Koonfurta Soomaaliya, waxaan leeyahay dadka lacagaha aruurinaya waa dad dano gaar ah wata, oo meesha dan ka arkay, waxaan u sheegaynaa in ay tahay arintaas Xaaraan cad oo aan diinta islaamka meel uga Oolin” ayuu yidhi Cunsuri Sare (Siiro).
“ abaaraha ka jira Dhulka Isaaqa maa lacagta loo Aruuriyo, Xukuumada hada jirtana ee Siilanyona waxaa lagu xantaa in ay u jan jeedho Somaliwey, Waxaan leenanay lacagtaas waa xaraan in Xamar la geeyo” yidhii asaga oo la hadlayay Taagerayaal gaar ah oo ku dukada Masjid uu asagu dhisay.
Sidoo kale waxa uu ku xadgudbay Hogaamiyahan shanta tiir ee islaamka oo uu ku sheegay mida koowaad in ay tahay ashahaadka halka mida kale uu ku sheegay in ay tahay Qadiyada Isaaqnimada , Taas oo ay Culumada Rer Hargaysa ka hadlin.
Siiro ayaa waxaa lagu tilmaamaa in uu yahay Wadad ku sheeg Qadiyada qabaa’ilka ay madax Martay.
-------------------------
Warmaha Sh Aadan Siiro Tuurayaa waa wax ula jeedo leh!
Aanba iraahdo Sh Aadan Siiro anoon Jecleyn inaan wax ka dhimo Xaq ama Sifo uu leeyahay, waxaase iga yaabiyay Dhiiranaantiisa iyo Arxandarada ka muuqata maruu isla jaljaleecinayay Mikarofonka asagoo Ciidda Fidriga Khudbo jeedinayay ama Jimcihii xigay, waxaaa dad badan isweydiinayaan intee Damiirkiisii iyo Diinkiisii iyo Dadnimadiisii ku dhinteen? Arxan darada Intaas la eg miyaa Dad Diin Islaam ku abtirsada ku jirta?, Caro intaas gaartay miyaa Nin labis Culimo leh dad Gaajo u dhimanaya wax lagu sadaqeestay ka muujiynaaa? inteese Diinta Daliil uga helay inuu sheegto inay Xaraan tahay in loo gargaaro Soomaliya Masaakiinta Gaajada u dhamaneysa ee Gaal iyo Muslimba ka dhiidhiyeen?.
Sh Adan waxaa muuqata hadalkan iyo Doodan uu ka kiciyay Maalinkii Ciida iyo Jicaha Xigayba waxaa uu ka leeyahay ula jeedo kale iyo iska horkeen Dowlad iyo Shacabka Somaliland, waxaana arintaas muujinaya Khudbooyinkiisii soo jireenka ahaa ee Xambaarsanaa Dhinbilaha Dabka ah iyo Fidnida asagoo si gaar ah ula beegta Khudba kasta inuu Falanqeeyo Siyaasada Madaxweyne Siiraanyo asagoo ay ka muuqato inuusan marna ku farxin guushii uu ku gaaray Hogaaminta Somaliland, waxaanan ka aqriyay jaraa’id kasoo baxa Magaalada Hargeysa mudo Shan bil laga joogo inuu ku Eedeyay Dwlada Siilaanyo inuu gacan saar la leeyahay kooxaha loo yaqaan Argagixisada taasoo uu ula jeeday inuu iska hor keeno Maamulka Somaliland iyo Dowlada Itoobiya, marka waxaa muuqata Sh Adan dantiisa waa inuu dhabar jabiyo Siyaasada Dowlada Siilaanyo hadey Arimaha Gudaha tahay iyo hadey Arimaha Debada tahayba.
Marka labaad waxan ugu baaqayaa inta Iimaanka iyo Insaannimada ku hartay ee Dagan Somaliland ama afka Soomaliga ku hadasha ee Muslimiinta ah qodabadan soo socda.
1- Marka koowaad u kalmeynta dadka Koonfurta Soomaliya ku dhamaanaya waa tii Rabi jano looga rajeyn lahaa Ajarna lagu Doonan lahaa waxaa Daliil ah Axaadiistan soo socoto:
Waxa uu nabiga Xadiis saxiix ah uga Sheekeeyay Umadihii hore waxaa jiray Naag Zaaniyad aheyd oo wax wanaag ah aan sameyn .. Maalin ayadoo socota ayhay haraaday waxay dhex gashay Ceel si ay biyo uga Cabto markii ay kasoo baxday Ceelkii ayay aragtay Eey Haraad dartii la Cunaya Ciidii Ceelka hareertiisa Biyaha gaareen inta ay ka Naxday haraadka Eeyga haya ayay Ceelkii ku laabatay oo Kobteedii biyo ugu soo qaaday Eeygiina waraabisay, arintaas darteed ayuu Nabiga Raxmada badan ku Sheegay Raxmada ay Eeyga ay u muujisay aawadeed inuu Allaah haweyneydaas ugu Naxariistay oo Dembigeediina ku Dhaafay Jano ku geeyay, waxaa kaloo la yaab leh xasuusina mudan waxa ay wax siisay waa Eey, waxa ay ku siisayna waa kab, waxaana lagu Abaal mariyay Dembi Dhaaf iyo Jano, bal ka warama waxa hada Sadaqada la siiyay waa Dad, hadana Muslimiin ah, hadana Ehel ah dhan kasta ama Nasab ama Xidid intaba kula wadaaga maxaa Alle looga rajeynayaa?!
Arintaas waxay Daliil u tahay Ruuxii naf Go’eysa nooleeya ee badbaadiya inuu Ajar weyn leeyahay Xayawaanba ha ahaado waxa uu badbadbaadiyay, Allaahna waxaa uu Quraanka ku Sheegay: [Cidii nooleysa Nafna waxay la mid tahay isagoo Nooleeyay dadkoo dhan].
2- Dadka Dhamaanaya waa Dad Muslimiin ah Muslimiintana waa waloolo Dhamaantood waxaana intaas usii Dheer waa Dad dadkii ugu dhawaa Dadka ku Nool Soomaliland ama Hargeysa gaar in ay Caawiyaan waa Waajib Sharci ah waxaana u Daliila Daliilada soo socda:
Waxaa uu Allaah Quraanka ku Sheegay in dad Mu’miniinta ahi Waloolo yihiin sida ku Cad Suurada Al-Xujuraat Aayadeeda:
Waxaa kaloo Nabiga Suuban xadiis Saxiix ah ku Sheegay in ay jir Qura isu yihiin Muslimiinta oo haduu Jirku Xubin ka mid ah Bukooda sida Caadada ah waxaa la Bukooda jirka oo dhan sidaas ooo kalana Hadii Muslim Xanuun iyo Dhibaato soo gaarto waxaa la xanuunsada oo ka Murga Dhibtiisa Muslim kasta.
Dhanka kalana Dad ku wada hadla Afka Soomaliga waxaa ka dhaxeeya wax aan ka dhaxeyn dadyoyga kale ee Caalamka hadey tahay Nasabkii Dhalashada iyo hadey ama Xididnimo waayo waa dhamaantood waa Abti iyo Adeer, waxayna isku leeyhiin Xuquuqo ka sii Dheeraada Xaqii Diinka, arintaasoo sababeysa inay si gaar ah isugu Damqadaan isna Caawiyaan Xiliga Dhibaatada, Allaahna waxaa uu Quraanka ku leeyahay: [Ka Dhowrsada Eebihiina aad wax isku warsataan iyo Qaraabada, Eebana wuxuu yahay Korkiina ilaaliye]
Nabiga raxmada Badan waxaad Ogtihiin inuu Maalin Malmaha ka mid ah Arkay Duruufeysan oo Reer Mudar ah oo Goyaal huwan Dhar iyo Cuno toona aan heysan, arintaasoo uu aad uga naxay Nabiga raxmad darteed Wejigiisa la Doorsoontay asagoo ku Murugeysan Dhibaatada Dadkaas Muslimiinta ah ku Dhacday, markaa ayuu Muslimiintii Faray in la Caawiyo Dadkaas taasoo ay Muslimiintii kaliftay inay ku tartamaan caawinta Masaakiintaas Dhibaatada ku habsatay.
Marka waxan leeyahay Soomaali oo dhan waxay isu yihiin Jigjiga, wajeer, D’Jabuti, Hargeysa, Boosaaso iyo Muqdisho meel ay Caalamka ka joogaanba wixii Nabiga Reer Mudar u ahaayeen, waxay kaloo isu yihiin waxii ay Nabiga Suuban Reer Masar u ahaayeen, waxaad Xasuusataan Markii uu Nabiga Noolaa waxa uu Muslimiinta ugu Bishaareeyay inay Guulo badan gaari doonaan Dhul badana Gacantooda Hoos Imaan doono, Dhulkaas oo uu Tilmaan ka bixiyay nooca Lacagta ah ee laga Isticmaalo asagoo faray dadkaas in loo Raxmado lana Xil dhowqro asagoo yiri waxay igu leeyhiin: {Nasab iyo Xidid} Bukhaari oo wariyay xadiiskan waxaa uu Cinwaan uga dhigay inay kuwa Qarabada ah kheyrka ay heestaan wax ka siiyaan Qaraabadooda, waxaana ay Culimadaa yiraahdeen waxaa soo wada galaya Nasan iyo Xidid inta kula ehel ah ruuxa.
Marka Xigtana Dadka ku nool ama Maamulka ka jira Soomaliland 600kun ma Malaayiinba d Doolarba hadii ay siiyeen Masaakiin iyo Dad gaajo u dhimanaya maxay hantidooda u dhintay maxaase ka soo gaaraya oo dhibaata ah?.
Hadii aan su’aashaas ka Jawaabo Somalilan waxba uma dhinto 600 kun iyo Malaayiin Doolar oo ay sadaqo ahaan u bixieen, waxaaba la hubaa inay ka faaiidi doonaan afar jeerba marka hore Alle agtiisa waxay u tahay Ajar iyo xasano ay geesteen taasaanaba ku filan, marka labaadna Sadaqada Maalkooda ma Nusqaamin ee Maalka ayaa ku barakakooba, marka sadaxaadna sadaqadu waxay kla badbaadisaa Dadka la baxay Balaayo iyo Dhibaato kusoo fool laheyd, Marka Afaraadna waxa aad Sadaqada siiseen waa dad Insaan ah amaba Muslim ah amaba Qaraabo aha oo waxaa imaan karta Maalin ayagana markooda loo baahdo ileen waa Aduune oo waa galad walaal la gashaday iyo Ixsaan loo hormarsaday Dadkuna waa isu Abaal gudaaye!
1- Boowdada Markii aan ka Jabay, Boqonka Taagtiisa.
2- Habeenkiiba wey Bidhan lahaa, Bahalki Cawlaaye
3- Ragii Buurta Dheer igala baxay, Beerka ka Ogsooni
4- Bah Cilaamo goortey Dhamaan, Iga Dul Booyeysay
5- Bah Sadheyna Baga inay I tiri, Beerka ka Ogsooni
6- Ninkii Burunji inuu igu Cunaa, Ii Bariidinayay.
7- Ee aan bar kale ii tareyn, Beerka ka Ogsooni.
8- Ninkii Balad Shiheeye iga jiray, ee soona Bixi waayay.
9- Ee inaan bogsadaa Jeclaa, Beerka ka Ogsooni.
10- Lexaad waa Badhaadhee, haduu ii Bogsadao Xoogu.
11- Hadii uu Biixiyaha Eebahey, isugu key Beego.
12- Abaal Badh ah, Abaal Bur ah, Abaal Bur iyo dheeraad ah.
13- Ninba Kiisa kaan ugu Badli, Beerka ka Ogsooni!
Gunaanad: Dooda garadarada ah iyo Shubahad uu daliilada u raadsanayo Sh Adan waa wax ula jeedo, marka koowaade dan siyaasadeed ayuu ka leeyahay ee sadaqada dan kama laha , marka labaadna waa Dood gaf iyo Xaqdara ah waayo Shareecada waxaa ka buuxa Daliilo badan iyo Nusuus fara badan oo muujinaya Ruuxa inuu asagoo baahan walaal kale oo ka baahi badan wax u door bidi karo waa haduu Diin dank a leeyahay, sida inuu Nin saxaabada ka mid ahuu caruurtiisa seexiyay markii uu Ogaady in Cunada Reerka u taala aysan wada deeqin Marti iyo caruurtiisa si uu Martidiisa u sooro Aqalkiisiina Mugdi yuu ka dhigay si martigu ugu qaato in lala Cunaya Cunada taasoo uu Nabiga aad ugu farxay markii loo waxyooday waxa ay sameeyeen Qoyskaas!.
Waxaanan Allaah ka baryayaa inuu xaqa kuwa ku dhagan oo hawada aan raacin naga dhigo iyo in Sh Adan inuu Siirada fahamsiiyo Fidnadiisana ka ilaaliyo Guud ahaan Soomali gaar ahaan dadka ku nool Somaliland.
W/Q: Asad Cali Axmad
asadcnx@hotmail.com
youre not Convincing anybody 
