Madaxweyne ku xigeenka Puntland Gen,Cabdi samad Cali Shire ayaa maanta dhagax dhigey isbatal loogu talo galay dadka dhimarka la’, waxana gacan ka geystey jaaliyada Puntlad ee Germany.
Kasokow madaxweyne ku xigeenka waxaa soo xaadirey wasiiro ka tirsan xukuumada uu horkacayo ku xigeenka wasiirka caafimaadka Maxamed Xasan Ducaale,maamulka gobolka Nugaal iyo kan degmada
iyo madaxa xarunta xanaanaynta dad dhimarka l’a ee Nasrulah.Wasiir ku xigeenka Caafimaadka Puntland Dr,Ducaale oo ugu horeyntii ka hadlay furitaankii xaflada ayaa mahad balaaran u soo jeediyey jaaliyada
reer Puntland ee dalka Jarmalka,sidoo kalena waxa uu sheegay inuu ku faraxsanyahay in markii ugu horeysey Puntland laga hirgelinayo isbtal gaar u ah dhimirka.Wakiilka jaaliyada reer Puntland Jarmalka oo iska
soo aruuriyey dhaqaalaha lagu dhisayo isbitalka Dr, Abu Shacar oo isna hadal koobaan ka soo jeediyey madasha ayaa ka waramay qaabka ay iskugu keenen lacagaha lagu dhisayo isbitalkan,waxana uu ku darey in
jaaliyada Puntland ee dalka Holland kaalin ka geysatey dhisitaanka isbitalka.Xaawo Qayloweyne waa gudoomiyaha ururka Nasrulah oo gacanta ku haya xarunta lagu xanaaneyo dadka dhimirka l’a waxayna dhankeeda
amaantey jaaliyada Puntland ee ku dhaqan dalalka Yurub. Sidoo kalena waxay u soo gudbisey madaxda iyo masuuliyiinta dawlada waxyaabaha ay xaruntoodu tabayso.
http://www.garoweonline.com/artman2/pub ... igey.shtml
