Wasaaradda waxbarashada ee dowladda Puntland ayaa maanta dalka Ethopia u dirtey 40,kadib markii deeq waxbarasho ay ka heshey dowladda Dhexe ee Ethopia.Aradayda maanta loo direy dalka Ethopia ayaa ah dufcadii labaad oo ay Puntland waxbarasho ugu dirto dalka Ethopia,ayadoo sanadkii aanu soo dhaafney ee 2010 ay Puntland ka heshey dalka Ethopia 123 kursi balse ay deeqdaasi heshey arday dhamayd 63 ardey,waxaana sanadkan 2011 deeqdii midaas ka yar heley 40 ardey.
Wasiirka waxbarashadda Puntland oo ka hadley xaflad lagu sagootinayey ardeyda oo maanta Garowe ka dhacdey ayaa sheegey in sadexdii sano ee la soo dhaafey ay deeqo waxbarasho u direen ardey gaaraysa 456 ardey.
Madaxwayne ku xigeenka Puntland oo isna madasha sagootinta ka hadley ayaa kula dar’daarmey ardayda maanta aadaysa dalka Ethopia in ay noqdaan kuwo ka faa’idaysta fursadooda,islamarkaana ay dhowraan dalka ay u socdaan shuurcdiisa iyo dhaqamadiisa.
Goobta waxa kalo ka hadley qunsulka Ethopia u fadhiya Puntland Mudane Asmalesh Wal-damiirat waxaana uu tilmaamey in ay sanadada soo socda ay labai laabi doonaan da’daaladooda ku aadan deeqaha waxbarasho ee ay Puntland siinayaan.
Maanta ayaa la filaya in ardaydu ay u safraan magaladda Hargaysa,islamarkaana ay uga gubaan dalka Ethopia,iyago kala dhigan doona 16 jaamacadood oo ku kala yaala goboladda kala duwan ee Ethopia sida uu sheegey wasiirka waxbarashadda Puntland.
