23 ardey oo u badan Gabdho ayaa maanta ka qalinjebiyey Machadka Caafimaadka ee Xaaji Cabaid ee magaalada Garowe, Xafladda qalinjebinta ayaa ka dhacdey Wasaaradda Caafimaadka Puntland, waxaana ka soo qaybgalay masuuliyiin ka socota maamulka Puntland sida Wasiirka maamul wanaaga, wasiir kuxigeenka caafimaadka iyo qaar kale.
Maamulaha Machadka Caafimaadka Ardo Siciid Gacamey ayaa sheegtey in ardeydan ay muddo saddex sano ah machadka dhiganayeen, isla markaana muddo 8 bilood ay ka shaqeynayeen Isbitaalka Guud ee magaalada Garowe, halkaas oo ay tababar ku qaadanayeen mudadaas.
Ardo Siciid Gacaney ayaa sheegtey in ay maamulka Puntland ka codsanayso in uu la dedaalo ardeydan in ay waxabarashadooda sii wataan, kuwii raba fursad shaqona muhimad la siiyo si ay u sii wataan wixii ay barteen.
Wasiiru Dawlaha maamul Wanaaga Puntland Maxamed Ciise Faarax (Gaashaan) ayaa ugu danbeyntii guddoonsiiyey shahaadooyinka ardeydaa, waxaana uu ardeyda kula taliyey inaysan waxbarashadu ahayn mid dhamaad leh ee ay halkaas ka sii wadaan.
