Gen. Cabdisamad Cali Shire M.kuxigeenka Puntland ayaa waxa uu mahad ballaaran u jeediyay hay’ada Caafimaadka adduunka ee loo yaqaan WHO wuxuuna sheegay in dhismahan uu yahay mid taariikhi ah oo aad u mihiima oo ay ka faa’iidaysan doonaan Ummadda reer Puntland iyo guud ahaan dadka Soomaaliyeed wuxuuna hay’adaha kale ka codsaday in ay si la mid ah hay’adan ay sameeyeen mashaariic wax ku ool ah oo ay Ummaddu ka faa’iidaysato.
Dr. Cali Cabdi madaxa WHO ayaa waxa uu sheegay in ay doonayaan in ay sameeyaan dhisme laba dabaq ah oo casri ah oo aad u wanaagsan kaas oo noqon doona xarun daawada lagu kaydiyo iyo maktabad aad uu ballaaran oo waxtar badan u yeelan doonta Ummadda Soomaaliyeed.
Dr. Cali, waxa uu sheegay in ay rajaynayaan marka ay dhammaato xaruntan in ay ka faa’iidaysan doonaan dadka Soomaaliyeed ee ku nool illaa Muqdisho, dhismahan ayuu ku sheegay in uu yahay kii ugu horeeyay ee WHO ka hirgaliso Soomaaliya wxuuna sheegay in laga dhisayo meel ku habboon oo ay daris la yihiin Wasaarada Caafimaadka Puntland oo ay leeyihiin wadashaqayn wanaagsan.
Dhismaha iyo Mashaariicda Puntland laga hirgasho ayaa waxa sameeya haya’daha Samafalka walow aysan maamulka Puntland aysan ka maqnayn waxaana la sheegaa in 10% ay ku daraan dhaqaalaha ku baxaya mashaariicda markaas socda.
