Critical battle in ceelwaaq vs the invaders

[grandpakhalif]

Dagaal Al-shabaab iyo Kenya ku dhexmaray Deegaan ku dhow degmada Ceelwaaq ee Gobolka Gedo

Axad, November 13, 2011 (HOL) — Dagaal u dhexeeyay Ciidamada Kenya iyo xoogag taabacsan Xarakada Al-shabaab ayaa ka dhacay deegaan ku dhow degmada Ceelwaaq ee Gobolka Gedo oo ay fariisin ku leeyihiin ciidamada Kenya iyo kuwa DKMG ah.

Wararka laga helayo degmada Ceelwaaq ee gobolka Gedo ayaa sheegaya in xalay uu billowday dagaalka uuna soo gaaray saakay aroortii hore, iyadoo la sheegay inay jiraan khasaarooyin ka dhashay, balse aan la ogeyn tirada rasmig ah.

Dagaalka ayaa billowday markii xoogagga Xarakada Al-shabaab ay weerarro ku qaadeen fariisimo ay ciidamada Kenya ku leeyihiin duleedka degmada Ceelwaaq, iyadoo dagaalka dhexmaray labada dhinac uu ahaa mid xooggan.

Xukuumada Kenya ayaan ka hadlin dagaalka, balse waxaa xaqiijisay inuu dhacay Xarakada Al-shabaab oo dagaal kula jirta Kenya, waxaana dagaalkan uu qayb ka noqonayaa dagaallo horay u dhexmaray labada dhinac.

Isgaarsiinta degmada Ceelwaaq ayaa u go'an sababo la xiriira dagaalkii xalay ka dhacay duleedka degmadaas, iyadoo dadka degmadaas daggan ay cabsi weyn ku beertay dagaalkii xalay illaa saakay socday.

Al-shabaab ayaa dhowr jeer oo hore sheegtay inay khasaare ku gaarsiisay dagaalo ay la gashay ciidamada Kenya ee ku sugan gudaha Soomaaliya, iyadoo sidoo kale ay saraakiisha Kenya sheegeen inay dileen tiro ka mid ah Al-shabaab iyagana laga dilay askar.

Maxamed Xaaji Xuseen, Hiiraan Online
maxuseen@hiiraan.com