Garoowe:(Allpuntland)-Waxgaradka, Aqoonyanada iyo ganacsato beerlay ah oo degta deegaano hoosyimaada caasimada Puntland ee Garoowe islamarkaasna ku abtirsata Beesha Cumar Maxamuud Saleebaan oo kamid ah beelaha Waaweyn ee Puntland degta ayaa shalay (Jimacadi) Waxay Casumaad qado sharfeed ah oo heerkii ugu wanaagsanaa loosoo diyaariyey u sameeyey Isimada, Waxgaradka iyo Aqoonyahanka gobolada Sool iyo Mudug ee Magaalada Garoowe u jooga dhamaynta Wajigii labaad uguna danbeeyey ee lagu xalinayo Mushkiladii Gaalkacyo ka dhacday Horaantii bishii Sagaalaad ee lasoo dhaafay.
Casumaadan oo ka dhacday Deegaan barwaaqeed magaalada Garoowe 20-Km Dhanka Bariga uga beegan oo lagu Magacaabo Jibagalle ayaa waxaa ka qaybgalay isimo kasoo kala jeeda gobolada Sool iyo Mudug islamarkaasna kamid ahaa Gudigii Beelaha Daarood ee ku jirtay dhamaynta Mushkiladii gaalkacyo shirgudoona ka ahaa xalinta colaadaas oo qaybteedii labaad loo fadhiyo, Waxaana isimadaas kamid ahaa Islaan Bashiir Islaan Cabdille Islaan Faarax, Caaqil Cabdiwahaab Maxamuud Guray,Nabadoon Cabdi Diiriye Guuye (Cabdiqurax), Malaaq Dhagow, Suldaan Cabdisalaan Suldaan Maxamuud, Suldaan Cabdullaahi Axmed Nuur, Suldaan.Cabdulqaadir Yaasiin Cali-Keenadiid, Ugaas Cabdullaahi Ciise, Garaad Mushqari, Ugaas Cabdullaahi Ciiise, Garaad Cabdisalaan Caaqil Iimaan iyo Xubno katirsan dawlada Puntland oo ay kamidyihiin Xildhibaan. Cabdulqaadir Faarax Bootaan iyo Gudoomiyaha gobolka Mudug Mudane.Maxamed Yuusuf Jaamac (Tigey), iyadoo casumaadana ay ka qaybgaleen xubno kamid ah Aqoonyahanada iyo Jaaliyada Beesha.
