SomaliNet Forums

Socdaal aan dhawaan ku tagay magaalada Cadan ee dalka Yemen iyo magaalada Bombay ee dalka India ayaa waxaan ku kulmay ereyo inta badan aan u haystay af soomaali, balse aan ogaaday in ay yihiin Carabi iyo af Hindi iyo af Ingriisi.

Ereyadan ayaa ah kuwa inta badan laga adeegsado dhulka ay soomaalidu degto gaar ahaan Somaliland iyo Djibouti.

Hadaba haddii aan tusaale u soo qaato, magaalda Cadan waxay ka mid tahay magaalooyinka saldhiga u ahaa gumaysigii Ingiriiska, waxaanay taasi keentay in ka sokow dadka carabta ah ee ku noolaa ay la soo degaan qowmiyado kale oo uu ingiriisku gumaysto, sida Soomaalida iyo Hindida. Waxaana jira xaafado weli sita magacdii ay Soomaalidu u bixisay, Sida xaafadda Sh Isxaaq, Xaafadda Qalloocan, Xaafadda Xaafuun.

Lahjadda looga hadlo magaalada Cadan ee af carabigi ah waxaa loo yaqaanaa Cadani, waxaana ku jira ereyo badan oo ku jira af Soomaaliga kuwaasi oo la iigu sheegay in ay asalkoodu af Hindi tahay.

Hadaba haddii aan tusaale u soo qaato qaar mid ah ereyadaasi iyo macnohooda waa kuwan:-

Bundad: Xidhmo

Baana-hays: biyo qabow amma cabitaan qabow

Baanad: qalab baaburta lagu furfuro

Baagiye: cunto la cuno oo daqiiqda laga sameeyo

Baabuur: Gaariga la wato

Rooti: Roodhi amma furunka la cuno

Shamiis: Shaati amma Shaarka la xirto

Dekad: Marsada Maraakiibta amma Jidka la maro

Miis: Qalabka wax la saarto ee kursiga la socda

Raashin: Cunno

Saabaan: Alaab

Keenshale: Dhar ay dumarka laabta ku xidhaan

Googarad: Dhar kale oo ay dumarku xidhaan

Cusheer: Cunto lacuno oo macmacaanka ka mid ah

Shootali: Dun adag amma Jawaanka dunta ka samaysan

Doobi: Dhar maydhaha

Kurjad: Alaab badan amma wax is watta

Shaadir: Jilbaab amma marada dumarku hagoogtaan

Kaladh: Raqabadda Shaadhka

Sarkaal; Mas'uul amma taliye

Kildhi: Weelka shaaha lagu karsado

Laangadhe: Qof lugta wax ka qaba

Bangalo: nooc guryaha ka mid ah

Bandarad: Dhisme dabaq ah

Hagbad: Lacag la iska ururiyo amma ayuuto

Dismis: qalb kale oo baaburta lagu furo

Karraani: Shaqaale Xafiis

Dirawal: Wade Baabur

Makhal: meesha lacagta lagu bixiyo

Kuuli: Shaqaale dhismo

Geerash: goobta baaburta lagu hagaajiyo

Qureec: cuntada aroorta la cuno

Basbaas: Xawaash kulul oo cunada lagu darsado

Duqad: hilibka la shiiday

Badrad: Kibir

Curri:bisadda amma mukulaasha labka ah

Xafiis: goob shaqo

Dhakhtar: diktoor amma goob caafimaad

Basali, Xabxabi, Zaytuuni: qaar ka mid ah magacda midabada

Saani: toos

Jambal, amma Sandal: Kabo la xidho

Saanfuur: nabaro wajiga ka soo baxa wakhtiga kulaylaha

Sanuunad: Suugo cuntada lagu darsado

Sekkad: dhismayaal isku xidhan

Buuri: Tubaako

Huuri: Doon yar

Cuwaaf: raashin galabtii la cuno amma sahay

Xaafad: Deegaan amma hoy

Fataatiir: shay caruurtu ku ciyaarto

Shaaqi; Shaqaale

Intaas ayaa qorlaakn ku soo koobayaa, waxaana xigi doona mid kale oooo aan ku eegi doono ereyada af soomaaliga ka mid noqday ee luqada Igiriiska iyo carabiga laga soo dheegtay.
Haddii ay jiraan erayo kuwan la mid ah oo aad maanka ku hayso fadlan nala wadaaga anaga iyo akhristyaasha.

Mahadsanidiin