cajiibBurco-(Qori)-Ciidamada Miletariga ee Fadhiisinka ku leh Deegaanka KALSHAALE ayaa shalay xabsiga dhigay laba nin oo reer Qorilugud ah oo la kala yidhaahdo Muuse C/llaahi Qudh-qudhle iyo Cabdi Suufi, kuwaas oo isku deyey inay dib u qodaan Baraagihii ay Xukuumadda Somaliland Aastay ee Dilku ka dhacay. Sida wararka uu ku soo tebiyey Weriyaha Gobolkaasi ay sheegayaan waxa ay nimankani ku Dacwoonayaan in Lacag Xukuumaddu ugu talogashay in loo celiyo si Barkadaha loo Aaso oo ay hore u diideen in dib loo siiyo ama Xukuumaddii laga soo qaaday dib loogu celiyo iyaga oo ugu Hanjabey cidii lacagtaas loo soo dhiibay haddii ay Lacagtaas cadayn weydo halka ay ku baxday ay Dib u qodanayaan Baraagahoodii.
Taliyaha Qaybta Booliiska ee Gobolka Togdheer General Saleebaan Ducaale Ubaxle (Dhega-cade) ayaa xaqiijiyey Jiritaanka Warkaa, Sheegayna in ay Labadaa Nin ku hayaan Saldhiga Dhexe ee Booliiska Gobolka Togdheer, isaga oo sheegay in ay ku soo wareejiyeen Ciidanka Qaranka ee Fadhiisinka ku leh Deegaanka Kalshaale, kuwaas oo soo qabtay markii ay tageen goobtii Baraagaha laga Aasay. Sidoo kale dhacdadan ay labada Nin ku talaabsadeen waxa cadeeyey niman reer Qorilugud ah oo sheegay khilaafka jiraa inuu Salka ku hayo Lacagtii Xukuumaddu ku soo bixisay in loo celiyo Qoysaskii Baraagaha laga Aasay ee Reer Qorilugud in ay fara dhexdood ka baxday, Lacagtaasi oo aan Dadkii La siin Xukuumaddana loo celin. Si kastaba arrintu ha ahaatee wararka aanu ka helayno Deegaankaas ayaa sheegaya sababta wakhtigan keentay in Nimankaasi abuuraan ama bilaabaan khilaafkan inay tahay sidii loo fashilin lahaa Baaqii Suldaanka Guud ee Beelaha Habarjeclo ugu baaqay Reer Buuhoodle Gogosha Nabadgelyo taasoo maalmahanba tashigeedii iyo Fulinteediiba shirar Doceedyo uga furmeen beelaha Habarjeclo Deegaanka Qorilugud.
QorilugudWebnews Chief Editor
There will be plenty of Meat 