Somaliland budget 2012 will be 95 million dollars
Posted: Mon Jan 02, 2012 6:37 am
Guddidii Madaxweyne Siilaanyo u saaray Siyaasadda Miisaaniyadda 2012-ka oo u gudbiyay Miisaaniyad dhan Sagaashan Milyan oo Doolar
Waxay guddidu soo saartay in Miisaaniyadda Sanadkan ay noqoto mid Qaran oo ay ku jiraan dhamaan Dakhliyadda Hay’adaha Qaranku
Hargeysa(Waaheen) Gudidii Lixda Wasiir ahaa ee uu Madaxweyne Siilaanyo u magacaabay Siyaasadda Miisaaniyadda Qaranka iyo Dakhli kordhinta ee sanadkan 2012-ka ayaa Madaxweyne Siilaanyo u gudbiyay warbixin dhamaystiran oo ay u arkaan inay tahay siyaasadda kaliya ee lagu hagi karo Dakhliga iyo Kharashka Odoroska Miisaaniyadda oo dhan sagaashan Milyan oo Doolar.
Guddidu waxa ay sheegtay Miisaaniyadda Sanadkani inay tahay mid Qaran oo ay ku jiraan dhamaan Dakhliyadda Hay’addaha Qaranka Sida, Baanka, Hay’adda Wadooyinka, (SRA), Wershadaha Laydhka, Madbacada Qaranka, Wakaaladaha Biyaha, Haamaha Kaydka Shiidaalka Berbera, Dekedda Berbera, Wasaaradda Duulista iyo hawada($3) iyo Deeqaha Hay’addaha Caalamiga ah iyo Dawladdaha Hoose oo miisaaniyadooda ansixinteeda ay leeyihiin Golayaasha Deegaanku.
Guddida Wasiiradda ahi waxa ay qoraalkooda ku sheegeen in Odoroska Dakhliga Miisaaniyada sanadkan 2012-ka ee Dawladda Dhexe uu noqdo (540,000,000,000) oo u dhiganta $90,000,000(Sagaashan Milyan oo Dollar) sidoo kale dakhliga hay’adaha madaxa banaan uu noqdo 133,593,959,062($22,265,9.85), dawladaha hoosena 67,786,503,889($11,297,751), gobolada barrina 22,574,633,428($3,762,439).
Waxa ay Wasiiraddu sheegeen inay isla qaateen:-
1. in korodhsiimada Kastamadu sanadkan 2012 ka ka hooseyso 10% dakhligii dhabta ahaa ee 2011 ka soo baxay
2. in xooga la saaro dakhliga ka soo xerooda Cashuuraha berriga, gaar ahaan cashuurta Iibka iyo Cashuuraha macaashal macaashka.
3. In cashuurta macaashal macaashka ee soo dejiyayaasha 0.5% ku dhacaya qiimaha badeecadaha soo dega horumarin ahaan laga qadimo kastamada 1 january, 2012.
4. In la laalo cashuuraha caqabadaha ku noqonaya maalgashiga
5. In Cashuuraha Qaadka iyo Sigaarka lagu kordhiyo 5%
6. In cashuurta cusboonaysiinta liisanka xawaaladaha laga dhigo ugu yaraan $2000 ugu badnaana $10,000 inta u dhaxaysana loo xisaabiyo wakiilkiiba ama xafiiskiiba $100
7. In shirkadaha Maalgashiga ee Macdanta iyo Batroolka lacagaha ay bixiyaan noockasta oo ay yihiin lagu shubo Khasnada Dawladda
8. In tacriifada shirkadaha Isgaadhsiintu ay noqoto tii guddidii wasiiradda ahaa iyo shirkadaha Isgaadhsiintu ay isla saxeexeen
9. In wixii hay’adaha caalamiga ahi ku caawiyaan hay’adaha dawlada heshiisyadooda loo soo gudbiyo wasaarada Maaliyada iyo wasaaradda qorsheynta, sidoo kalana xisaab celintooda bil kasta loo soo gudbiyo wasaaradda Maaliyadda
10. In Iskuuladda gaarka loo leeyahay ay bixiyaan cashuurta macaash macaashka mushaharka macalimiinta iyo hawl wadeenadda kale ee iskuuladda ka hawlgala, sidoo kalana guryaha kirada ah ee ay ku jiraan ay ka qaadaan mulkiilaha guriga cashuurta macaashal macaashka kirada guryaha.
Waxay guddidu soo saartay in Miisaaniyadda Sanadkan ay noqoto mid Qaran oo ay ku jiraan dhamaan Dakhliyadda Hay’adaha Qaranku
Hargeysa(Waaheen) Gudidii Lixda Wasiir ahaa ee uu Madaxweyne Siilaanyo u magacaabay Siyaasadda Miisaaniyadda Qaranka iyo Dakhli kordhinta ee sanadkan 2012-ka ayaa Madaxweyne Siilaanyo u gudbiyay warbixin dhamaystiran oo ay u arkaan inay tahay siyaasadda kaliya ee lagu hagi karo Dakhliga iyo Kharashka Odoroska Miisaaniyadda oo dhan sagaashan Milyan oo Doolar.
Guddidu waxa ay sheegtay Miisaaniyadda Sanadkani inay tahay mid Qaran oo ay ku jiraan dhamaan Dakhliyadda Hay’addaha Qaranka Sida, Baanka, Hay’adda Wadooyinka, (SRA), Wershadaha Laydhka, Madbacada Qaranka, Wakaaladaha Biyaha, Haamaha Kaydka Shiidaalka Berbera, Dekedda Berbera, Wasaaradda Duulista iyo hawada($3) iyo Deeqaha Hay’addaha Caalamiga ah iyo Dawladdaha Hoose oo miisaaniyadooda ansixinteeda ay leeyihiin Golayaasha Deegaanku.
Guddida Wasiiradda ahi waxa ay qoraalkooda ku sheegeen in Odoroska Dakhliga Miisaaniyada sanadkan 2012-ka ee Dawladda Dhexe uu noqdo (540,000,000,000) oo u dhiganta $90,000,000(Sagaashan Milyan oo Dollar) sidoo kale dakhliga hay’adaha madaxa banaan uu noqdo 133,593,959,062($22,265,9.85), dawladaha hoosena 67,786,503,889($11,297,751), gobolada barrina 22,574,633,428($3,762,439).
Waxa ay Wasiiraddu sheegeen inay isla qaateen:-
1. in korodhsiimada Kastamadu sanadkan 2012 ka ka hooseyso 10% dakhligii dhabta ahaa ee 2011 ka soo baxay
2. in xooga la saaro dakhliga ka soo xerooda Cashuuraha berriga, gaar ahaan cashuurta Iibka iyo Cashuuraha macaashal macaashka.
3. In cashuurta macaashal macaashka ee soo dejiyayaasha 0.5% ku dhacaya qiimaha badeecadaha soo dega horumarin ahaan laga qadimo kastamada 1 january, 2012.
4. In la laalo cashuuraha caqabadaha ku noqonaya maalgashiga
5. In Cashuuraha Qaadka iyo Sigaarka lagu kordhiyo 5%
6. In cashuurta cusboonaysiinta liisanka xawaaladaha laga dhigo ugu yaraan $2000 ugu badnaana $10,000 inta u dhaxaysana loo xisaabiyo wakiilkiiba ama xafiiskiiba $100
7. In shirkadaha Maalgashiga ee Macdanta iyo Batroolka lacagaha ay bixiyaan noockasta oo ay yihiin lagu shubo Khasnada Dawladda
8. In tacriifada shirkadaha Isgaadhsiintu ay noqoto tii guddidii wasiiradda ahaa iyo shirkadaha Isgaadhsiintu ay isla saxeexeen
9. In wixii hay’adaha caalamiga ahi ku caawiyaan hay’adaha dawlada heshiisyadooda loo soo gudbiyo wasaarada Maaliyada iyo wasaaradda qorsheynta, sidoo kalana xisaab celintooda bil kasta loo soo gudbiyo wasaaradda Maaliyadda
10. In Iskuuladda gaarka loo leeyahay ay bixiyaan cashuurta macaash macaashka mushaharka macalimiinta iyo hawl wadeenadda kale ee iskuuladda ka hawlgala, sidoo kalana guryaha kirada ah ee ay ku jiraan ay ka qaadaan mulkiilaha guriga cashuurta macaashal macaashka kirada guryaha.
