god bless USA , f-king piratesCiidamo Maraykan ah ayaa xalay saqdii dhexe si xoog ah kusoo furtay labo qof oo shaqaalaha gargaarka ee caalamiga ah ka tirsan oo lagu haystey agagaarka degmada Cadaado ee gobolka Galguduud.
Dhowr diyaaradood oo kuwa qumaatiga u kaca ah oo ay la socdeen tira ciidamada Maraykanka ah ayaa weerarkaas fuliyey.
8-kamid ah kooxdii Burcada ahayd ee labdaas qof mudada bilaha ah hastey ayaa la toogtey sidoo kale waxaa la dhawaacay 7-kale oo ragaas ka tirsan.
Labdii qof ee afduubka loo heystey oo ah nin iyo haweeney u kala dhashay dalalka Maraykanka iyo Denmarka ayaa laga soo furtay gacanta Burcad-badeeda iyaga oo bed qaba.
Diyaaradaha weerarka qaaday ayaa ka kacay garoonka diyaaradaha ee magaalada Gaalkacayo oo ay xalay ka duulaan tageen sida ay xaqiijiyeen dad goob joogeyaal ah oo magaalada Gaalkacayo ku sugan.
Waa markii ugu horeysey ee ay ciidamada Maraykanku weerar noocan oo kale ah gudaha dalka Soomaaliya ka fuliyaan si ay usoo furtyaan la haystayaal Burcad badeeda u afduuban.
Bishii 10-aad ee sanadkii tegey ayeyna ahayd markii labada qof ee xalay dib xoriyadooda u helay laga qabsaday koonfurta magaalada Gaalkacayo dhinaca uu maamulka Galmudug ka arimiyo, waxayna ka howlgelayeen hay’ad miino baarista ka shaqeysa oo lagu magacaabo DDG.
Horseed Media
