29 Febaury 2012 Waagacusub.com-Beesha Mudulood ayaa bun u dubtay Garaad Jamac Garaad Cali oo ah Garaadka guud ee beesha Dhulbahante iyo wafdi uu horkacaya oo socdaal shaqo ku jooga Magaaladda Muqdisho.
Garaad Jamac Garaad Cali oo aqoonyahan wax ku bartay dalka Mareykanka ayaa bunka u marsaday sida qof hore u cuni jiray taas oo madashii lagu buneeysanayay qosol iyo kaftan badan ka abuurtay.
Bunka wuxuu ka mid yahay Sooryada ugu qaalisan ee Beesha Mudulood waloow laga yaabo in bulshada Khaatumo State aqoon badan u laheyn bunka iyo sida loo jibiyo murxaha Madoow ee Saliid Macsarada u yeela UDUGA Carafta badan.
Casuumaada iyo buneeysiga loo sameeyay wafdiga Khaatuma State oo ka dhacay guriga Imaam Maxamud Yusuf Cali waxaa dhinaca beesha Mudulood ka qeybgalay odayaal,Culimo ,waxgarad iyo Siyaasiyiin ay ka soo dhexmuuqdeen Imaam Maxamed Yuusuf Cali,Ugaas Xuseen Jilicow,Xildhibaan Cumar finish,Gudoomiyaha.Gobolka Shabeelada dhexe. Cabdi Jiinow Culusow,Safiir Maxamed Maxamuud Tifow,Agaasime Guud Maxamed Cismaan Cali (Dhagaxtuur) Duqii hore ee Muqdisho Cadde Xasan Gaabow.
Dhamaan Masuuliyiinta beesha Mudulood ayaa wafdiga Khaatumo State ee beesha Dhulbahante ugu hambalyeeyay Midnimada ay gaareen iyo Maamulka ay dadkooda u dhiseen si ay nabad iyo kala dambeyn madaxbanaan uga hergeliyaan gobolada SOOL,SANAAG IYO CEYN.
Casuumada beesha Mudulood oo ay ka horeeysay qado sharaf ay beesha Sacad Habargidir u sameeysay wafdiga Khaatuma State wuxuu ku beegan yahay xilli Madaxweyne Shariif uu siiyay Warqada aqoonsiga in Maamul goboleednimada.
