Ciidanka AMISOM ee gaaray Baydhabo ayaa dhan 100 askar oo horudhac u ah ciidamo kale oo la sheegay inay tagi doonaan dhawaan magaalada Baydhabo kuwaasi oo ka qeybgeli dooni howlgalada ammaanka dalka oo dhan ay kula wareegayaan AMISOM.
“Waxay astaan u yihiin ciidamka aan u dirnay Baydhabo in aan rabno nabad kusoo celinta Soomaaliya iyo ciribtirka Kooxda Al-Shabaab. Waxaana waliba isku sii balaarin doonaa meelo kale oo katirsan dalka oo ay ugu horeyso Baledweyne” Ayuu yiri Taliye kuxigeenka AMISOM Gen, Audace Nduwumunsi
Waxaana uu dhinaca kale Taliye Audace Nduwumunsi sheegay in ciidankiisa iyo kuwa Dowlada baryihii ugu danbeysay qabsanayeen deegaano hor leh oo ay ka ceyrsadeen sida uu hadalka u dhigay Kooxda Al-Shabaab.
Ciidan oo marka loo fiiriyo tiro ahaan aad u yar ayaan la ogeyn waxa ay ka qaban doonaan magaalada Baydhabo oo ay buuxaan ciidamada Itoobiya iyo kuwa qaabka beeleed iyo kan Dowladeed huwan ee wada jooga Baydhabo. Waxaase la dhihi karaa waa ismuujin ay AMISOM ku sheegeyso inay dhawaan tagi doono Baydhabo,Maadaama ciidanka Itoobiya sheegeen inay ka baxayaan Baydhabo dhamaadka bishan lagu jiro ee April.
