sanad guuradii 25aad ee aasaaska ururkii snm oo si weyn looga xusay magaalada ha
News
Muj. Xasan Ciise Jaamac oo ku maamusan gudoomiyaha SNM, kana mid ahaa aasaasayaashii SNM iyo weliba hogaamiyayaashii waaweynaa ee SNM, isla markaana ahaa Madaxweyne-kuxigeenkii dawladdii u horaysay ee Somaliland lagaga dhawaaqo bishii May 1991-kii ayaa ka mid ahaa dadkii khud-badaha ka jeediyey fagaaraha Beerta Xoriyada
Sannad-guurada 25-naad ee kasoo wareegtay aas-aaska Ururka SNM oo sannad-kasta la xuso 6-ka April ayaa Maanta laga xusay magaalada Hargeysa, waxaana isu soo baxa munaasibadaa ku saabsan lagu qabtay fagaaraha beerta Xoriyada ee Magaalada Hargeysa., iyadoo ay kasoo qeyb galeen masuuliyiin ka kala socday sadexda gole, qaran,qaar ka tirsan hogaamiyayaashii ururka SNM, hogaanka Jimciyada Sooyaal, xubno ka socday xisbiyada qaranka iyo dadweyne aad u tiro badan.
Muj. Xasan Ciise Jaamac oo ku maamusan gudoomiyaha SNM, kana mid ahaa aasaasayaashii SNM iyo weliba hogaamiyayaashii waaweynaa ee SNM, isla markaana ahaa Madaxweyne-kuxigeenkii dawladdii u horaysay ee Somaliland lagaga dhawaaqo bishii May 1991-kii ayaa ka mid ahaa dadkii khud-badaha ka jeediyey fagaaraha Beerta Xoriyada, wuxuuna Xasan Ciise sharaxaad uu ka bixiyey nuxurka iyo ujeedada munaasibadani xambaarsan tahay ka sokow, ka hadlay qoddobo dhawr ah oo la xidhiidha dhinaca siyaasadda.
Muj. Xasan Ciise Jaamac ayaa ka waramay aasaaskii ururka SNM iyo maraaxilkii kala duwanaa ee uu soo maray iyo halgankii dheeraa ee uu usoo galay xorayntii dalka iyo lasoo noqoshada madaxbanaanidiisa, kaasoo ka dhashay cadaalad daradii uu taliskii Afwayne kula dhaqmayey dadweynaha reer Somaliland, Muj. Xasan waxa uu sheegay inay dayacan yihiin agoontii & naafadii SNM waxanu Xukuumada usoo jeediyey inay xil iska saarto.
Mujaahidku waxa uu nasiib daro ku tilaamay in Goleyaasha Xukuumadu ay kala garan waayaan xilalkii ay kala lahaayeen, waxanu dawlada ugu ujeediyey inay xisbiyada mucaraadka kala tashato caqabadaha ad adag ee dalka lasoo gudboonaadaan.
Wasiirka Warfaafinta & Wacyigelinta Md. Cabdilaahi Maxamed Ducaale oo isna halkaa ka hadlay ayaa ka waramay taariikhdii uu dalkani soo maray iyo halka uu maanta taagan yahay iyo loogu baahan yahay in layska kaashado horumarka dalka, qiimaha ay maalintani leedahay iyo sida waajib qaran u tahay in la weyneeyo xuskeeda, waxanu kula dardaarmay jimciyada Mujaahidiinta ee Sooyaal inay la yimaadaan mashaariic waxqabad oo wax loogu qabto naafada iyo agoonta Ururka SNM.
Wasiirka warfaafintu waxa uu digniin u jeediyey Maamul Goboleedka Puntland oo uu sheegay in aanay Somaliland dib ugu dul qaadan doonin farogelinta iyo daansaaniga ay ku hayaan dhul ka mid ah Somaliland.
Wasiir-kuxigeenka Cadaalada & Garsoorka Md.Yuusuf Ciise (Talaabo) oo ka mid ah hogaamiyayaashii ururka SNM xiliyadii uu dagaalka hubaysan kula jirey talisikii Siyaad Barre ayaa cod-baahiyaha lagu soo dhoweeyey waxanu halkaana ka jeediyey khudbad siyaasadeed uu dhinacyo badan taabanaysay, isaga oo wax ka taataabtay waayihii siyaasadeed ee SNM, ayaa ugu horayn ka waramay waayihii siyaasadeed ee uu Ururka SNM usoo maray dib u xoreynta dalka.
Gudoomiyaha Xisbiga siyaasiga ee Kulmiye Mujaahid Axmed Maxamed Maxamuud (Siilaanyo), oo ahaa gudoomiyihii ugu mudada dheeraa ururka SNM oo isna munaasibadaa hadal aad u qiimo badan ka jeediyey ayaa ka waramay sooyaalkii taariikh ee uu soo maray, halgankii dheeraa ee usoo maray, himilooyinkii & ujeedooyinkii laga lahaa halganka
The fruitbearing jihaad made this possible:
