Munaasabadani oo ay ka soo qeybgaleen mas’uuliyiin ka socotay Midowga Afrika, AMISOM iyo dowladda KMG ayaa waxa uu Midowga Afrika qalab milatari uu ku gudoonsiiyay dowladda KMG Soomaaliya taas oo ka dhacday fariisamaha ugu weyn oo ay ciidamada AMISOM ku leeyihiin magaalada Muqdisho.
Qalabka milatari ee lagu wareejiyay dowladda KMG Soomaaliya ayaa waxa ay is kugu jireen gaadiidka dagaalka, kuwa ciidamada lagu qaado ee waa weyn iyo waliba booyadaha biyaha qaada, waxana deeqdan ay ka timid dowladda Maraykanka iyadoo loo soo marsiiyay ururka Midowga Afrika si loogu wareejiyo ciidamda dowladda KMG Soomaaliya.
Ra’isul wasara ku xigeenka ahna wasiirka ganacsiga iyo war shadaha ee xukuumada KMG Cabdi Wahaab Ugaas Xuseen Ugaas Khaliif oo dowladda KMG u gudoomay qalabkan milatari ayaa waxa uu sheegay intani ay tusaale u tahay in ciidamada qalabka sida ay cagta saareen wadadii loogu talagalay.
Cabdi Wahaab Ugaas Xuseen Ugaas Khaliif ayaa sidoo kale sheegay in ciidamada xooga dalka Soomaaliya ay diyaar u yihiin in ay gudtaan dowrkooda kaga aadan hanashada dalka Soomaaliya.
Ugu danbeen goobtan qalabka milatari lagu wareejinayay ayaa waxaa ku sugnaa Jerry Rawlings oo ah ergayga Midowga Afrika ee Soomaaliya waxana uu sheegay in qalabkan Milatari ay ciidamada dowladda ka caawinayso in ay ka guuleeystaan Al Shababa oo dagaalo kala soo horjeeda dowladda.
