Amnesty International Barks At The Governor Of N-Somalia

[zingii]

Nairobi (RBC) War ay soo saartay hey’adda xuquuqda aadanaha ee Amnesty International ayaa lagu sheegay in maamulka Somaliland looga baahan yahay in si deg-deg ah ay u sii daayaan Boqor Cismaan Aw Maxamuud Boqor Buur-Madow oo siddeedii bishan maxkamadda sare ee Hargeysa ku xukuntay hal sanno oo xarig ah, kaddib markii lagu helay dambi ah in uu aflagaado u geestay maamulka Somaliland.

Hey’adda ayaa sheegtay ka hor warkan, in ay xiriir la sameeyay xukuumada madaxweyne Siilaanyo, laakin ay wax jawaab ah aysan ka helin oo ku aadan in la sii daayo boqor buur-madow sida lagu sheegay bayaalka Amnesty International.

Boqor buur-madow ayaa la xiray 15-kii March 2012-ka kaddib markii uu ka soo degay garoonka diyaaradaha Hargeysa ee caasimada Somaliland, isla markaana uu ka soo laabtay dalka isku tagga imaaradka carabta.

Amnesty International ayaa sheegtay in Somaliland ay hadda ku soo badanayaan xayiraadaha xagga xuquuqda aadanaha, laakin Somaliland looga bahan yahay in ay dhowrto qodobka dhowraya xuquuqda bini’aadamka ee lambarkiisu yahay 32 oo ku qoran dastuurka Somaliland iyo mid kale ee 19-aad oo isna dhigaya xuquuqda aadanaha.

Amnesty International ayaa sheegtay in tan iyo sagaalkii July maalin kaddib markii la xukumay Boqor Cismaan Maxamuud buur-madow, in laga wareejiyay xabsiga Hargeysa, lana geeyay xabsiga Mandheera oo 70km u jira magaalada Hargeysa, waana mid aad

Boqor Buur-madow oo ah 45-jir waxa uu ka mid yahay salaadiinta sida weyn looga yaqaan maamulka iskiis ugu dhawaaqay madax bannaani ee Somaliland waqooyiga Soomaaliya, hey’adda

Amnesty International ayaa sheegeysa in ay u dacwootay markii lagu xiray buur-madow dalka isku tagga imaaradka carabta bishii November 2011-ka.

Xirigiisa ayey sheegtay Amnesty International in uu daliil u yahay sida xorida aysan uga jirin Somaliland, kaddib markii intii u dhexeysay Janury ilaa June 2012-ka lagu xiray daraaziin wariyaal ah oo aan waxbo galabsan.

RBC Radio

——————

Xafiiska Wararka Nairobi

[zingii]

HOW PREDICTABLE
Muqdisho (RBC) Warar lagu kalsoon yahay oo ay heshay RBC Radio, ayaa muujinaya in madaxweynaha maamulka Somaliland Axmed Maxamed Maxamuud Siilaanyo uu doonyo in uu cafis madaxweyne lagu sii deeyo, Boqor Cismaan Aw Maxamuud Buur-madow oo dhawaan maxkamadda Hargeysa ay ku xukuntay hal-sanno oo xarig ah, kaddib markii lagu helay dambi ah in uu aflagaado u geestay madaxda Somaliland sida xeer ilaaliyaasha maxkamadda ay sheegeyn.

Warka ayaa intaas ku daraya in madaxweynaha uu qoray warqada cafiska ah ee lagu sii deynayo buur-madow, ayna ka soo baxday xafiiisa, laakin wali arrintan aan la shaacin.

Odayaasha iyo salaadiinta uu ka soo jeedo iyo madax ka tirsan xukuumada Somaliland ayaa la sheegayaa in culeys madaxweynaha ay ku saareyn siddii xabsiga looga saari lahaa boqorka oo ka mid ah dadka ugu caansan Somaliland.

Wararkii ugu dambeeyay waxa ay sheegayaan in buur-madow loo dhaadhiciyay xabsiga Mandheere ee ku yaala magaalada Hargeysa.

Qeybaha kala duwan ee bulashada Hargeysa ayaa cambaareeyay xukunka ku dhacay buur-madow mar haddii ay ku weyday eedihii kala duwanaa ee ay xeer ilaalintu ku soo oogtay boqorka, taasna ay keentay in mar-marsiiyo looga dhigo in uu geestay dambi ah ceebaynta iyo dhaleecaynta madaxda qaranka.

Dadkan waxa ay codsadeen in si degdeg ah loo sii daayo boqorka, oo dib loogu sooceliyo xoriyadiisii sida ay hadalka u dhigeen.

Ma cadda in cafiska madaxweynaha inuu Boqorku aqbali doono iyo in kale maadaama uu dhowr bil xiran yahay, sidoo kale waxa xariga buur-madow aan ka hadli axsaabta mucaaradka ee ka dhisan Somaliland.

RBC Radio

——————-

Xafiiska Wararka Hargeysa