Minister of Finance & Minister of Internal Affairs of the Federal Government both land in Garowe Puntland ahead of a larger Federal Delegation Headed by the President.





Garowe (WCaaf) Wasaaradda Caafimaadka Dowladda Puntland ayaa maalintii Sabtida 15-Feb-2013 waxaa booqasho ku yimid Wasiirka Maaliyadda iyo Qorshaynta Dowladda Federaalka ah ee Soomaaliya Mudane Cawil Xassan Sulleymaan, Wasiirka Arimaha gudaha Dowladda Federaalka ah ee Soomaaliya Mudane C/kariim Xassan Guuleed.Gudoomiye ku xigeenka Gobalka Banaadir, Xildhibaano iyo Wasiiro iyo Xildhibaano ka tirsan Golayaash dowladda Puntland.
Waftigan ayaa si diiran loogu soo dhaweeyey xarunta Wasaaradda Caafimaadka, waxayna kulan kooban la yeesheen Wasiirka Caafimaadka Puntland Dr. Cali C/laahi Warsame kadibna waxa waftiga Hoolka Shirarka ee Wasaaradda Caafimaadka loogu soo bandhigey waxqabadka Wasaaradda Caafimaadka Puntland heerka uu taagan yahay, Himilooyinka fog ee la qorsheeyey in la gaaro 5 ta sano ee soo socota iyo caqabaadkii sanooyinkii hore soo qabsaday wasaaradda caafimaadka.
Agaasimaha guud ee Wasaaradda Caafimaadka Dr. C/risaaq Xirsi Xassan ayaa madaxda usoo bandhigay hormarka ay wasaaradda Caafimaadku ka samaysay dhinaca caafimaadka iyadoo uu guud ahaan dul maray agaasimuhu xaaladaha caafimaadka Puntland, cuduradda ku badan wadanka iyo dadka ka faa’idaysta adeegyada caafimaadka Puntland oo agaasimuhu sheegay inay gobalada Soomaaliya oo dhan ka yimaadaan.
Wasiirka Caafimaadka Puntland Dr. Cali C/laahi Warsame ayaa markaas madaxda waxa uu uga mahadceshay booqashadooda taariikhiga ah ee ay ku yimaadeen Wasaaradda Caafimaadka Puntland, waxaa uu wasiirku sheegay in Puntland ay ka mid tahay dowladda Federaalka ah ee Soomaaliya ayna wax weyn ka dhaxeeyaan kuna aadan arimaha bulshada, wasiirku waxa uu sheegay inay xiriir dhow oo wadashaqeyneed leeyihiin labada wasaaradood ee Federalka iyo Puntland wax badana ay isdhaafsadaan sida tabobarada iyo adeegyada qaarkood. Waxa uu wasiirku sheegay in loo wada shaqeynayo umadda Soomaaliyeed kuwooda u nugul ee hooyada iyo dhalaanka taasna ay ka leeyihiin siyaasad cad oo lagu badbaadinayo umadda Soomaaliyeed.
http://puntlandi.com/wasiiradda-maaliya ... nd-sawiro/


