DEG DEG: Col Maxamuud Gaafow oo 53 Sano Ka Tirsanaa Ciidamad

[ina aadan]

Muqdisho (RBC) Waxaa caawa fiidkii degmada Wadajir ee magaalada Muqdisho lagu dilay Allah ha u naxariistee Col. Maxamuud Gaafow oo ahaa taliyihii ciidamada badda ee saldhigga Xamar.
Sida ay Raxanreeb u sheegeen ehelada marxuumka, rag illaa afar nin lagu sheegay oo ku hubeysnaa bastoolado ayaa Col Maxamuud Gaafow ku weeraray albaabka gurigiisa xilli uu ku jirey weyso qaadka salaada Maqrib oo xilligeeda la joogay.
Ehelada ayaa sheegay in Marxuumka ay rasaas fara badan madaxa iyo feeraha kaga fureen ragga soo weeraray iyadoo Col. Maxamuud uu isla goobta ku geeriyooday.
Kooxdii weerarka fulisay ayaa la sheegay inay goobta ka baxsadeen iyagoo aan la qabanin.
Geerida Col. Maxamuud Gaafow waxaa isla caawa ka tacsiyeeyey taliyaha ciidamada badda ee dalka Admiral Faarax Qarre oo sheegay inay tacsi qaran u dirayaan ehelka iyo dhammaan ciidamada qalabka-sida ee Soomaaliyeed.
Admiral Faarax Qarre ayaa ku eedeeyay dilka Col. Maxamuud Gaafow inay ka dambeyso kooxda Al Shabaab oo sida uu sheegay horey dilal badan dalka gudihiisa uga geystay.
Lama yaqaano sababta ka dambeysa dilkan, inkastoo saraakiisha ciidamada ay sheegeen in ciidan ilaalo ah ay ku sugnaayeen guriga Col. Maxamuud Gaafow oo ah meesha dilka loogu geystay. Mana jiryo wax war ah oo laama amaanka Muqdisho gaar ahaan saraakiisha degmada Wadajir ay ka sheegeen dilkan caawa ka dhacay Muqdisho ee loo geystay taliyaha ciidamada badda ee saldhiga Xamar.
Taariikh kooban
Allah ha u naxariisteeCol. Maxamuud Gaafow wuxuu ka mid ahaa dhalinyaradii ciidamada gashay sanadkii 1960-kii markii xornimada Soomaaliya la siiyey isagoo mudo 53 sano ah ku jiray ciidamada Soomaaliya, wuxuuna soo maray heerar kala duwan ee ciidamada isagoo ka mid ahaa saraakiishii ugu horreysay ee ciidamada badda jamhuuriyadda Soomaaliya.
Col. Maxamuud Gaafow wuxuu derejada korneyl ka gaaray ciidamada badda, wuxuuna ku sugnaa Muqdisho mudadii burburka dalku ku jiray.
Markii dhowaan dib loo yagleelay hoggaanka ciidamada badda Soomaaliya waxaa Col. Maxamuud Gaafow loo magacaabay taliyaha saldhiga Xamar ee ciidamada badda, waxaana taliskiisa hoos imaanayey dhammaan ciidamada badda laga soo bilaabo gobolka Mudug illaa Shabeelaha Hoose degmooyinka xeebaha ku yaalla ee ay ciidamada talisyada ku lahaan jireen.
Marxuumka ayaa noqonaya sarkaalkii ugu derejada sarreeyay ee ciidamada qalabkasida ka mid ah oo lagu dilo Muqdisho mudo ka badan saddex sano.

RBC Radio

[MenaceToSociety]

Just few weeks ago this deceased individual was on the news when he claimed that he lost 140k dollars inside the airport when the save was broken into. The cctv was even tempered with, still this dude announced to the whole world that the money was stolen at the most guarded place in Somalia today which is the airport. A lot of people thought only one person stole it and I aint gona mention it now that he can't defend himself.

That money was to renovate the immigration building.

Allla maxaa meesha corruption ka socda..140 k bey ku leeyihiin wey luntay on a daylight

[kambuli]

Menace,
You are mixing oranges and apples here..The deceased is not the Gaafow you are talking about...That Gaafow is is the immigration guy..

[MenaceToSociety]

Ma gaafow kalaa jira? Holly molly! Alla ya rahma hadaa..but the other gafoow is corrupt, intii uu xaday isaga buu ku leeyahay qamsadii baa loo soo dhacay