Dhamaan meelihi ay ku sugnayeen jabhadda Raaskambooni waxaa si xoog ah ula wareegey ciidamada Col Bare Aadan Shire waxaana la sheegaya in gacanta lagu hayo Maxaabiis badan oo jabhadda Raskambooni ka tirsan iyo 4 gaadiidka dagaalka ah,waxaana ciidamada jabhadda Raaskambooni noqdeen sidii tusbax dabada laga furey markii xabadu bilaabatey.
Xarunta Jabhadda Raaskambooni waxaa ku socda madaafiic aad u xoogan oo ciidamada Bare hiiraale ku garaacayo,waxaana sidoo kale ciidamadan raaskambooni la sheegaya inay codsanayaan inay isa soo dhibaan isla markaasna laga daayo madaafiicda,dagaalkan ayaa ah mid xoogan isla markaasna safeyn ahaa.
Dhaawaca iyo dhimashada labada dhinac ayaa la sheegayaa inay daadsan yihiin wadooyinka kismaayo iyadoo Maleeshiyaad badan oo jabhadda Raaskambooni ka tirsan laga dul qaatey qoryihi way wateen,waxaana dagaalkan yahay midkii ugu xumaa ee kismaayo ka dhacay intii dagaalada soo laab laabtey ka dhaceen magaalada kismaayo.
Ugu dambeyntii Dagaalkan maanta ayaa sababay in Raaskambooni dhamaan farisiimihi ay ku lahayeen magaalada kismaayo laga wareegey iyadoo ay ku harsan yihiin Madaxtooyada oo hadda dagaalo culusi ka socdaan isla markaasna lagu hareereysan yahay. Dhinaca kale dagaalkan ayaa imaanaya xilli uu madaxweyne Bare hiiraale balan ku qaaday inaan kismaayo aysan sii joogi doonin Jabhadda Raaskambooni.
Isha Ku Hay Allgalgaduud
Allgalgaduud@gmail.com
