Sources:Faroole: Somaliland aanu wada hadalno oo aan heshiino laga yaabee inaan isla Go’no!
Madaxweynaha Puntland Cabdiraxmaan Faroole oo ugu baaqay Somaliland inay la heshiiso Puntland, halka uu digniin u diray Dowlada Federaalka inaysan ku xadgudbin Dastuurka Federaalka.
Madaxweynaha Dowlada Puntland Cabdiraxmaan Maxamed Faroole oo khudbad dheer kasoo jeediyey Shirka Urur Siyaasadeedkiisa uga furmay magaalada Garowe ayaa ka hadlay in wadahadalo u socdaan Puntland iyo Somaliland, isagoo ugu baaqay maamulka Soomaaliland inay heshiiyaan.
Madaxweyne Faroole ayaa khudbadiisa ku sheegay in arrimaha Gooni isu taaga Soomaaliland ay tahay mid mar danbe laga hadli doono, balse marka hore ay gudboontahay in Puntland iyo Somaliland dhexdooda wadahadalaan oo ay heshiiyaan, wuxuuna sheegay inay hada socdaan wadahadalo hoose.
Madaxweyne Faroole ayaa dhinaca kale digniin u diray Dowlada Federaalka oo uu sheegay in Xukuumadiisa aysan iska eegan doonin iyadoo lagu tumanayo Dastuurka Federaalka Soomaaliya.
Dhageyso Madaxweynaha Puntland oo ka hadlayey arrimaha Federaalka Soomaaliya ayaa yiri:
“…Ma jireyso in lagu tunto Dastuurka (Federaalka) anagana (Puntland) aan iska eeganeyno…Anagu diyaar baan u nahay in dowlada Federaalka ah ee Kumeel gaarka ah, maye hada kumeel gaar ma ahee Dowladee waxaa Kumeel gaar ah Dastuurka, diyaar baan u nahay inaan la shaqeyno balse inay (Dowlada Federaalka) tiraaho inagaa wax walba sameenayna Laga yeeli maayo, Anaga ka yeeli meyno, Adduunka ka yeeli maayo, Soomaalina ka yeeli meyso….”
Dhinaca kale Madaxweynaha Puntland oo ka hadlayey Baaqa uu u dirayo Somaliland ayaa yiri:
“…Qolooyinka (Somaliland) iyagu hada tashaday oo gooni aaday, anaguna malihin kaalaya khasab baanu idinku heysanayaan, Laakiin waxa naga dhaxeeya aan ka heshiino Bal waxa kale waa la isugu imaan doonaayee..Waxbaa naga Dhexeeya…”
http://horseedmedia.net/2013/02/01/faro ... sla-goano/
The reaction from a Somalilander politician, who strongly rejected Faroole's idea and denounced Puntlandi
The reaction from a emotional Khastumo mother aka Original Dervishes people who see's Faroole as a traitor
