Axmed Cadib sarkaalka la raadinyo
Banaabax aad u weyn oo khasaare dhaliyey ayaa maalintii shalay gilgilay magaalada Ceerigaabo ee Gobolka Sanaag.
Banaabaxaas ayaa ka dhashay isku day ciidanka booliska ee magaalada Ceerigaabo ee hoos yimaada maaulka Somaliland ay ku dooneyeen in ay ku soo xiraan sarkaal sare oo ka tirsan booliska gobolka sanaag oo lagu tuhunsan yahay inuu shixnado hub ah dhawr jeer ka soo dajiyey dekedaha macmalka (dabiiciga) ee Maydh iyo Xiis,isla markaana u gudbiyey kooxahada Al Shabaab ee ku dhuumata buuraha xiriirsan ee Golis.
Sarkaalkan oo lagu magacaabo Axmed Cadib ayaa taliska booliska qaybta ceerigaabo ku tuhunsan yihiin inuu ka tirsan yahay,isla markaana xiriir la leeyahay kooxda Alshabaab.
Dadweyne aad u gadoodsan oo u badan beesha sarkaalkaasi ka dhashay ayaa dagaal hubeysan iyo mudaaharad kala hor tahay ciidanka booliska magaalada Ceerigaabo,taas oo sababtay in ciidamada amaanku ku guuldareysteen in ay soo xiraan sarkaalkaas. Xaalada magaalada ayaa la soo werinayaa in ay weli kacsan tahay,sidoo kale Axmed Daaci iyo taagerashiisa oo hubeysan ayaa ka soo muuqday shaashadaha layska arko.
Dawlad goboleedka somaaliyeed ee Puntland ayaa hore ugu eedeyey maamulka Somaliland taageerada kooxada mayalka adag ee ku dhuumata Buuraha Golis.
