Look at the donkey ina xirsi qani and look at what cismaan said.
Salaaddiinta Guud ee Habar-yoonis oo Siyaabo kala duwan uga hadlay Shacab lagu laayey Bariga Itoobiya
(Hadhwanaagnews) Thursday, June 09, 2016 01:17:21
Hargaysa(HWN):-Salaaddiinta Beelaha Somaliland qaarkood iyo Beelaha dega Beriga dowlad-deegaanka
Hargaysa(HWN):-Salaaddiinta Beelaha Somaliland qaarkood iyo Beelaha dega Beriga dowlad-deegaanka Soomaalida Itoobiya, ayaa ka hadlay isku dhac-dhex-maray Dad Shacab ah iyo Ciidammo ka kala tirsan kuwa Federaalka Ethiopia iyo Liyuu Booliska Ismaamulka Soomaalida oo laba cisho ka hor ka dhacday deegaanka Jaamac-Dubbad oo ka tirsan degmada Gaashaammo ee gobolka Jarar.
Suldaan Maxamed Suldaan Xirsi Qani iyo Suldaan Cismaan Suldaan Cali Suldaan Madar oo ah Salaaddiinta Beelaha Habar-yoonis ee dega Somaliland iyo Bariga dalka Itoobiya, ayaa Maanta iyagoo ku kala sugan dalalka Somaliland iyo Jarmalka waxay dhacdadaas uga warrameen Saxaafad kala duwan, waxaanu Suldaan Maxamed Tirada dadka dhintay ee la xaqiijiyey oo markii hore lagu sheegay 43 Qof ay inta sugan ee la aasay tahay 24 Qof, baa la raadinayaa.
Suldaan Maxamed Suldaan Xirsi Qani oo Maanta u warramay Laanta Afka Soomaaliga ee Idaacadda VOA isagoo ku sugan Hargeysa, ayaa sheegay inay ka xun yihiin sida wax u dhaceen, isla markaana Baaq u kala diray dowlad-deegaanka Soomaalida Itoobiya iyo Shacabka deegaankaas ku dhaqan.
“Horta, anigu goobta maan joogin, laakiin sida wax u dhaceen waxa weeye, marka hore Ciidanka waa lagu qaldamay, dad yar oo kooban baa ku khaldamay, markii dambena Ciidanku magaalo ayuu yimi Jaamac-Dubbad la yidhaahdo oo Koonfur-Bari ka xigta Gaashaammo oo magaaladii agteeda ama dhex-deeda wax lagaga riday ah, gaadh baa laga qabtay, ka dibna waa la soo ururiyey, ka dibna Rag, Dumar iyo Carruur wixii halkaas joogay waa la laayey, iyagoo loo aanaynayo waxaad isku qolo tihiin dadkii rasaasta nagu riday.” Sidaa ayuu yidhi Suldaan Maxamed Suldaan Xirsi Qani.
Suldaan Maxamed oo ka jawaabayey su’aal laga weydiiyey sida ay dhacdadu ku bilaabantay, waxa uu yidhi; “Waxay ku bilaabantay laba Gaadhi oo isku dhacay oo la yidhi waa la soo jiidayaa oo xagga Gaashaammo loo jiiday, ayaa meel walba qof caqli-xumi waa joogaaye, dad caqli-xun baa is-yidhi Gaadhiga kala hadha yaan la idinka qaban Gaadhigoo bilaa lambar ahe, sidaas bay ku timi dhacdadu, dee wixii Allaah ka qaddarayna way ka dhaceen.”
Suldaan Maxamed Suldaan Xirsi Qani oo la weydiiyey tirada guud ee dadka halkaas ku dhintay iyo waxay kala yihiin, waxa uu ku jawaabay; “Tirada guud ee dhimashada illaa immika 24 Qof baa sugan, Toddoba waa Haween, Lix Carruur ahna waan hubnaa, inta kalena waa Rag Odayaal waawayn iyo Dhalinyaro-ba ah.” Sidoo kale, waxa la weydiiyey Suldaanka dhinaca Ciidanka Itoobiya tirada wax laga yeelay, waxaanu yidhi; “Ma hubo wax Ciidanku sheegay oo ay soo bandhigeenna ma jiro.”
Mar uu Suldaanka la weydiiyey sida ay xaaladda deegaanka wax ka dhaceen tahay iyo inay jiraan wax waanwaan ah oo halkaas laga bilaabay, ayaa ku jawaabay; “Cidda meesha wax lagu yeelay iyo cidda wax yeeshay-ba waa dowlad iyo Shacabkeedee, markaa Shacab kale oo aloosan oo wax ridayaa ma jiro, hawlgal badanna waannu ka samaynay, wixii dowladdooda kaga yimi mooyee wax kale oo dhib ah oo immika jiraa ma jiraan. Dowladdana waxaannu leenahay oo ugu baaqaynaa arrinka halkaas ku joojiya oo halla isku soo gaadho.”
“Maamulka wax ka soo kordhay oo buurani ma jiraan, Ciidankuna sidiibii meesha wax ka dhaceen u deggan yahay, Dadkana Cabsidii uun baa weli dul-hoganaysa, Meydadkana shalay baa la aasay oo la oggolaaday in la aaso, welina waxa la raadinayaa Meydad kale oo meelahaa ku qarsoon in la helo oo meelahaa Baraagaha dhexdooda iyo Kaymaha ku qarsoon in la baadho, xaaladduna waa deggan tahay.” Sidaa ayuu yidhi Suldaan Maxamed oo sii watay Jawaabta uu ka bixiyey Su’aasha kor lagu weydiiyey.
Suldaan Maxamed Suldaan Xirsi waxa uu Baaq u diray Shacabka deegaankaas, dowlad-deegaanka Soomaalida iyo Federaalka Itoobiya, waxaanu yidhi; “Shacabka waxaan leeyahay dadka dhintay Illaahay ha u naxariisto, dhammaanna Samir iyo Iimaan ha innaga siiyo, wax dhibaato ahna yaan la geysannin. Dowladda ayuun baa xal laga sugayaa, dowladdana waxaan u soo jeedinayaa gaar ahaan Madaxweynaha Killalka (dowlad-deegaanka iyo Federaalka Itoobiya-ba in arrintu halkaas isku taagto, bal dibna loo eego wixii dhacay.”
Mar Suldaan Maxamed Suldaan Xirsi Qani uu ka jawaabayey su’aal laga weydiiyey inay jiraan Ergooyin halkaas wax ka dhaceen Xal ahaan u tegay weli iyo in kale, waxa uu yidhi; “Waannu rejaynaynaa, Madaxweynihii dowlad-deegaanku wuu maqan yahay, waxaan rejaynaynaa inuu isaguna arrinta si deg-deg ah uga hawlgalo oo joojiyo, gogol wadahadal iyo nabadeedna uu furo.”
Sidoo kale, Suldaan Cismaan Suldaan Cali Suldaan Madar oo isagoo dalka Jarmalka ku sugan ayuu ka hadlay dhacdadaas foosha xun ee shacabkaas loo gaystay, waxa uu yidhi; “Waxaan doonayaa inaan kelmad ka idhaahdo Xasuuqa ama xaalad aan wax lagu tilmaami karaa jirin oo ka dhacday Tuulada Jaamac-dubbad, Dadka Shacabka ah ee aan wax hub ah sidan ee aan wax dhib ah wadin ee wax colaad ah oo ay u hayaan dowladda Federaalka iyo ta deegaanka (Ethiopia) midna aanay jirin, marwalbana dowladda federaalka laga taageero cid kasta oo ku cadaw ah, ee aan mar iyo laba toona ahayn ee mar walba Shacabkaas la xasuuqayo ee inta ay ku soo duulaan Ciidanka Liyuu Booliska loola baxay xasuuqayaan ayaan u cambaaraynayaa, aadna waan uga xumahay.”
“Dowladda Federaalka Itoobiya waxaan ugu baaqayaa, dadkaa maalin walba Xasuuqu ku dhacayaa waa dadkiinnii, wax dhib ah ma wadaan sidaa aan sheegay, dowladda Itoobiya ka Awoow-ka-awoow way garab-taagan yihiin, nabad baanay ku garab-taagan yihiin, dowladdoodii inaad tihiin bay aamminsan yihiin. Dadkaa maalin walba la xasuuqayo ee sabab la’aanta lagu xasuuqayo dowladda Itoobiya inay tallaabo ka qaaddo ayaan ugu baaqayaa masuuliyiinteeda, si dhab ah loo baadho, ciddii dembigaa gashayna sharciga dowladda Itoobiya u yaalla la mariyo, mar labaad iyo mar saddexaadna waan cambaaraynayaa, waana arrin dhinac kasta oo laga eego fool-xun.” Sidaa ayuu yidhi Suldaan Cismaan Suldaan Cali Suldaan Madar.
Waxaanu sheegay in marar hore dowladda Itoobiya loogala hadlay dhibaatada laga tirsanayo Ciidammada, isla markaana aan waxba laga qaban, immikana talo laga yeelanayo waxa dhacay, sidoo kalena ay dowladda Itoobiya iyo Caalamka-ba u sheegayaan in deegaankaas Xasuuq badheedh ah oo sabab la’aan ahi ka dhacay inay ogaadaan, loona baahan yahay in wax laga qabto.
Hadhwanaagnews/Office
Hargaysa/Somaliland
Looool kii oo ilaabay magaca ninku eedayn lahaa, he was trying to accuse Galaydh and Garaad Cali Jaamac a.k.a Garaad Binti on the dhulos subclan skirmish, he forget the Garaads name and call him " waxa laygu yidhi Jaamac baa la yidhaahdaa" unfortunately the only Graad called Jaamac is the pro Somaliland one.