Dibax ballaaran oo maanta ka dhacay magaalada Cabudwaaq ee ka tirsan maamulka Galmudug ayaa waxaa lagu taageerayey Madaxweyne Ahmed Ducaale Geelle “ Xaaf” oo dhawaan go’aan uu soo saaray muran badan uu ka dhashay.
Dadweynaha Cabudwaaq ayaa sheegay inuu Madaxweyne Xaaf yahay mas’uulka ugu sareeya siyaasada Galmudug, isagana uu yahay shaqsiga mudan in looga danbeeyo go’aanada uu ka qaatay arrimaha Khaliijka.
“ Dadku madax ayey leeyihiin, waxaana madax u ah Madaxweyne Xaaf,haddii uu isaga go’aan masiiri ah inoo gaaray waa in lagu raacaa, ee ma ahan in dowlada dhexe ku kicisaa kuwii isaga ka hooseeyey” ayuu yiri siyaasi Cali Ceelbuur oo ka mid ahaa dadkii la hadlay dibadbaxayaasha.
Dhinaca kale, dowlada Soomaaliya ayaa lagu eedeeyey inay wado faragelin ka dhan ah maamulada taageeray xulufada Sacuudiga iyo Imaaraadka, iyaddoo dowlada si cad go’aankeeda dhexdhexaadnimada uu u yahay mid taageero u ah Qatar.
“ Reer Cabudwaaq oo aan kala harin ayaan codkooda ku sheegayaa in Madaxweyne Xaaf garabkiisa aan nahay, oo ku raacsanahay go’aankiisa, wixii hoggaankiisa qalqalgelinayana meel ayaan uga soo wada jeesaneynaa” ayey tiri Khadra Warsame Ashkir.
Baabuur lagu wada dhejiyey sawirada Madaxweyne Xaaf oo lagu rakibay sameecado laga maqlayo buraanbur lagu ammaanayo Madaxweyne Xaaf iyo isbaheysiga Sacuudiga ayaa magaalada ay la dhexmareen dibadbaxaayasha Cabudwaaq. Waxaana Buraanburkaasi tirineysa Maymuun Abdiqaadir.
Tan iyo markii uu soo baxay khilaafka ka dhashay go’aanka Madaxweyne Xaaf we Khaliijka ayaa waxaa dibadbaxyo kala duwan oo lagu taageerayo ka dhaceen magaalooyinka Galkacyo, Cadaado iyo Cabudwaaq. Waxaana wali socda xiisado siyaasadeed oo ka dhex socda magaalada Cadaado.
Wariye: Mahad Xasan Diini,
Radio VOS, Caabudwaaq,
http://www.kismaayo24.com/sawirro-reer- ... khaliijka/
Why do these demonstrations only ever have a few dozen people?
Apparently those few ingrates were representative of us.