Intii Aan Badqabayee.....Imminkoon BASTEEY Ahay..BAROOR ...

[Daanyeer]

"Intii aan BAD qabayee HAWSHIISU igu BADAN haba BARAN lahaayaa haw u bixin lahaayaa..IMMINKOON besteey ahay BAROOR miyaa wax ii TARI" Sister Kadijo Foodeey

........................................................................................................,
Max'ed dheere "Waxaa laga keenay dalka Yeman 5 kun oo qori, waxaana la siiyey hal qoys

Guddoomiyaha guddiga siyaasada maamulka gobolka Sh/dhexe Maxamed Cumar Xabeeb (M/dheere) ayaa ku tilmaamay mid cadaalad darro ah hadal uu maalintii shalay aheyd siiyey laanta afka Soomaaliga ee idaacadda BBC-da wasiirka qorsheynta & iskaashiga caalamiga ah ee xukuumada federaalka Prof. C/risaaq Cusmaan Xasan (Juurille) oo ku saabsanaa in saraakiisha beesha caalamka ee booqday magaalada Baydhaba ay balan qaadeen inay si deg deg ah u bixin doonaan deeqo kala duwan oo oo lagu maalgelinayo ciidamada booliska & kuwo ku xareysan xerada Deynuunaay iyo mashaariic iyo dhismayaal kale oo ay dowladu ku yeelan doonto magaalada Baydhabo.

"Hadalka ka soo yeeray wasiir ku sheega Juriile waxaa uu ka hor imanayaa qodobka 12aad ee axdiga ku meel gaarka ah oo dhigaya in wixii deeq ah ee la helo si siman loogu qeybiyo gobolada dalka Soomaaliya" ayuu yiri Max'ed Cumar Xabeeb (M/dheere), wuxuuna ku tilmaamay mas'uuliyiinta sarsare ee dowladda kuwo indha la' oo aysan u muuqan wax uu ku sheegay cadaaladda.

"Waxaa laga keenay dalka Yeman 5 kun oo qori, waxaana la siiyey hal qoys, haddana waxaa muuqata 3500 maleeshiyo oo uu hal qoys leeyahay in la doonayo in lagu maalgeliyo hantidii beesha caalamku ugu talo-galay Qaranka Soomaaliya, arrintaasina waa arrin laga naxo" ayuu yiri Max'ed dheere, wuxuuna sheegay in uu u soo jeedinayo beesha caalamka in aysan u kala eexaan Soomaalida, isla markaana deeqaha ay siinayaan aysan noqdaan kuwo la siiyo hal gobol, sida uu hadalka u dhigay.

"Waxaan beesha caalamka mar labaad uga digayaa in aysan mar kale Soomaalida isku dirin, waayo Soomaalidu ma ahan hal gobol & hal qoys" ayuu yiri Max'ed dheere.

Dhinaca kale, Max'ed dheere ayaa horay si weyn u difaaci jiray siyaasadda dowladda federaalka muddadii ay Jowhar ku sugnaayeen xubnaha labada gole, madaxweynaha & ra'isul wasaaraha, iyadoo ay dad badani is-weydiinayaan sababta xilligan ku soo beegtay cambaareynta Max'ed dheere ee mas'uuliyiinta sarsare ee dowladda federaalka, ee uu kaga gaabsaday mudadii ay Jowhar ku sugnaayeen.

C/shakuur Cilmi Xasan-Muqdisho-Soomaaliya
cabdishakuur48@hotmail.com

dayniilecom @hotmail.com