Dagaal Kulul Oo Shallay Ka Dhacay Yoocane Oo Ka Tirsan Deegaanka Xarshin Ee Kililka Shanaad Ethiopia Dhimashadu Waa 25
Somaliland.Org — Hargeisa, Somaliland — 5 July, 2006
--------------------------------------------------------------------------------
Hargeysa (Somaliland.Org)-- Dagaal kulul ayaa shallay wuxuu ka dhacay Yoocano oo ka tirsan Deegaanka Xarshin ee kililka Shanaad ee Soomaalida Ethiopia, dagaalkani oo sida lagaga soo waramayo aagaasi ay soo qaadeen Maleeshiyadda Ethiopia la dagaalanta ee ONLF kuna soo qaadeen Beelaha reer Somaliland ee degen deegaankaasi.
Jabhadda ONLF oo ****** u gubtay 60 gaadhi oo laga lahaa Somaliland isla markaana dishay lix qof oo ****** ayaa sida wararku sheegayaan waxay weerar ku soo qaadeen Deeganka Yoocane shallay gelinkii ****** halkaasi oo Beelaha reer Somaliland-na ay difaac adag ka galleen, Shabakadda Somaliland.Org oo goor dhawayd maanta khadka telefoonka ee magaalada Xarshin kula xidhiidhay dad xogogaal ah oo ku sugna aagga Yoocane ee dagaalku ka qarxay ayaa u xaqiijiyey Somaliland.Org in dhimashadu tahay 24 qof oo laga dilay Maleeshiyadda gardarada weerarka ku soo qaaday ee ONLF ugu yaraan 14 qof, halka
Beelaha Somaliland ee difaaca ku jirayna dhimashada soo gaadhay dhantahay 10 qof, dhaawaca ayaa soo gaadhaya Cisbitaalka guud ee magaalada Hargeysa, halka la sheegaayo in dhaawaca ONLF loo qaaday iyagana dhinaca Jig Jiga ee xarunta Ismaamulka Soomaalida Ethiopia, dadka ku dhaawacmay dhinaca Beelaha Somaliland ayaa gaadhaya 5 Qof halka dhaawaca Maleeshiyadda Gardarada weerarka ku soo qaadday ee ONLF uu gaadhayo 40-meeyo, Sarkaal ka tirsan Cisbitaalka Guud ee magaalada Hargeysa ayaa Somaliland.Org wuxuu u xaqiijiyey in xallay saqdii dhexe la keenay Cisbitaalka Hargeysa laba Qof oo dhaawac ah oo mid xaaladiisu halis ku jirtay balse hadda aad u fiican, ma jirto wax waan waan ama wada hadal ah oo labada dhinac u dhexeeya, salaadiinta iyo cuqaasha Somaliland ee ku sugan hadda Hargeysa ayaa iyaguna dhinacooda waxay ku jiraan Xiisad qaboojin iyo inay la hadlaan dhinacooda.
Muddo hadda bil laga joogo ayaa Xukuumadda Somaliland waxay Xabsiyada ka sii daysay 24 Maxbuus oo lagu eedeeynaayey inay abaabul militery oo ka dhan ah dawladda Ethiopia ka fulinayeen gudaha Somaliland, taasi oo dedaalkeeda ay galleen Salaadiinta iyo Cuqaasha Reer Somaliland, iyadoo dhinaca kale ugu yaraan 60 gaadhi oo xamuul ah lagu gubay xuduudka Ethiopia iyo Somaliland oo ay gubeen Maleeshiyaddka ONLF, lama garan karo hadda waxaa soo cusboonaysiiyey Colaadani ay ONLF ku soo qaaday Beelaha Somaliland.
