Wararka naga soo gaaraya magaalada Baydhabo ee xarunta Dowladda Kmg Soomaaliya ayaa sheegaya in Wafdi uu hoggaaminayo Madaxweyne C/llaahi Yuusuf ay maanta ka ambabixi doonaan garoonka magaaladaasi Baydhabo ayna ku sii jeedaan magaalada Galkacyo ee Gobolka Mudug.
Warar aanu ka helnay xubin ka mid ah wafdiga madaxweynaha sii raacaya ayaa sheegaya in Col. Barre Hiiraale Wasiirka Gaashaandhigga Dowladda Kmg uu ka mid noqonayo wafdiga Madaxweynaha iyagoo kulamo gaar ah kula soo yeelanaya Galkacyo oo uu ku sugan yahay haatan Jen. Cadde Muuse Xirsi oo ah madaxweynaha maamul gobolleedka Puntland.
Ma jiraan faahfaahin dheeri ah oo ka soo baxaya socdaalka Madaxweynaha uu ku tagayo Galkacyo, waxayse warar hoose sheegayaan in ujeeddada ugu weyn ay tahay sidii ay Cadde Muuse isku mowqif ugu istaagi lahaayeen isbeddelka xawliga ku socda ee ka jira Koonfurta Soomaaliya.
Safarka Madaxweyne C/llaahi Yuusuf ayaa waxa uu ku soo aaday xilli ay dhaq-dhaqaaqyo ciidan ka jiraan gobolka Mudug, isla markaana ay qeybo ka mid ah gobolkaasi isku hor fadhiyaan ciidamada Maxkamadaha Islaamiga iyo kuwa Puntland, Cabdi Qeybdiid iyo Itoobiyaan oo dhinac ah
http://www.jowhar.com/news/s06112303.htm
