aan ooyee albaabka ii xidha.

biko · Post by **biko** » Thu Dec 28, 2006 9:27 pm

Awawgay ninkii adoonsaday
ninkii aabahay indhaha tiray
ninkii anigana i iibsaday
hadaan arkayoonan ka aarsan karayn
hadaanan Aadanow unuunka jarayn
aan ooyee albaabka ii xidha.

Isagoo Iglan joogabuu i diloo
ushuu soo fidshaa i iimaysoo
waataa aramidii i oofa tirtaye
itaal dari aan la eedaadoo
aan ooyee albaabka ii xidha.

Bal oggow isticmaarku abidkii
iriduu marinaayo awr raran
irbadbuu ku dayaa ayaamaa horee
Ragan aan arkayee u abasaxayow
ninowna ha odhan soomaalaan ahee
ordoo magacana ka iibsada.

Libaaxa anayiyo Abaarso ka ciyay
Abu Riin Lo'da joogtabaa urisoo
ooday jebisaa intay u dhacdoo
amsaxuu ka guraa idiilkeede
waakaa isticmaarkii ii daayee
Ragan aan arkayee u abasaxayow
in shaahiyo keegu waa urugee
iimawdee axankaaga weynee.

Ugaadha ninkii gatee urursada
ka soo arkabaa aduun ka baxshee
ninkaa imanaaya awgii waa
kaa isticmaarkii ii daayee
Ragan aan arkayee u abasaxayow
ordoo magacana ka iibsada.

XidigtaJSL · Post by **XidigtaJSL** » Thu Dec 28, 2006 11:08 pm

Afrikada Ilaahow

Ibraahim Sulaymaan (Ibraahim Gadhle) (HY)

Allahayow adduunyada markaad, taagtay udubkeeda
Ama aad abuurtay khalqiga, Aadan iyo Xaawo
Maalintuu Iblayskuna kufriyoo, diiday amarkaaga

Imminkiyo ayaantaa maxaa, belo adeegeysa
Imisaa ardaa fiican iyo, aqal madoobaaday
Ubadkay siteen iyo maxaa, dumar agoonoobay

Imisaa arwaax hoyatay oo, gaal iyo islaan leh
Axmadkii la doortiyo maxaa, nebiyo loo ooyay
Abuubakar Siddiiq iyo inuu, Caliba iil jiifo

Inkastoon ogsoonahay inaan, axadba waaraynin
Wadka Eebe soo diro wax baa, aniga ii dheere
Ifka ruuxa joogaa kol uun buu, ku istareexaaye

Kol uun bay anfaaciga macaan, iligga saaraane
Ikhtiyaar kol uun bay helaan, uumiyaha kale eh
Aasiyaba waxay leeyihiin aarmi iyo xooge

Annagana Orobbaa sidii, awrta noo rarata
Waaggii iftiimaba kun baa, lanaga aasaaye
Bal qabsoo ugaadhiyo sidii, adhiga weeyaane
Eygaa ciyaayana hadduu, dhaamo inankeenna

Afrikadan Ilaahow maxaa, laga abuuraayey?
Allahayow alhuumiyo maxaad, iinta ugu yeeshay?
Allahayow awood iyo maxaad, aalad ugu diidday?
Ummaddaada Eebbow maxaa, loogu kala eexday?

Ingiriis ragguu laayey baan, cidi ilaaweyne
Axmad Guray unuunkay jareen, ehel ha waayaane
Oomaarna waad wada ogtihiin, uubtii loo qodaye

Sayidkii addoonsiga nebcaa, aakhiro u tabiye
Waa kuwii Cadhoolana ajalay, calankan awgiiye
Halyeygii Bashiir bay dharaar, adhaxda gooyeene

Maxamuud sidii loo arjumay, aamus laga qaadye
Imaam Cusmaan baa ku maqan, ololeheeniiye
Ablay bay u quudheen nin ragi, kuma ataageene

Eeddii gumaystaha haddaan, in yar ka faalloodo
Axaddii bishii Maaris iyo, hore isniintiiba
Eedaanka waaberi markuu, noo addimay sheekhu

Waa kuwii intay ururiyeen, edeg ka buuxsheen e
Waa kuwii awaaraha na tubay, aqab la'aaneed e
Waa kuwii uqaylkii guriyo, kii arrimin lahaaye

Waa kuwii hablaha ugub diliyo, Aaminiyo Luule
Waa kuwii Aamaar iyo dugaag, oomman noo qubaye
Immikana kuwaa talinayay, eebada u tumiye

Isticmaarku ooduu dhigiyo, qodaxdii waa taalle
Ma ilbixin kuwii aan lahaa, way ka aargudane
Iglan baaba loo dhoofiyaa, weli addoontiiye

Iib baa Amriik loogu diray, odayo waaweyne
Almaaniyana kolay tahay, nala asqaysiiye
Kol hadday abiid ii yihiin, oohintiyo ciilku

Uurkii islaantii maxaan, uga abuurmaayay?
Oofta iyo hooyaday maxay, adhaxda ii saartay?
Allahayow awoowiyo muxuu, aabbe ii dhalayay?

XidigtaJSL · Post by **XidigtaJSL** » Thu Dec 28, 2006 11:16 pm

Cirsan-ka-yeedh, 1969

Axmed Ismail Dirie "Qaasim", HY

Waa gabay abwaanku ku sifaynayo sidii loo dhibsaday maamulkii Waagaas jirey Isagoo saadaalinaya isbeddel inuu dhici doono. Isbeddelkaasi waakii dhacay Hayeeshee ma noqon mid lagu caano maalo oo waatii Caada-qaatayaal caynaanka dalka boobeen.
Cashadii gashaba waagu waa caynad gooniyahe
...
Caammadu waxay moodayaan curasho Dayreede
Cilmi Felegga way garan raggii Caalimka ahaaye
Anigaase Moorada cakiran kuu caddayn kara'e
Cirsan-ka-yeedhkii maantana warbuu sheegay Caliyo'e
Wuxu yidhi halkuu ku cuyubnaa cirirki soo dhaafye
Carruuraha la dhacay Awliyada laga cadhaysiiyey
Carshigaaba laga soo aqbalay cabashadoodiiye
Caawaa la kala soocayaa Caabud iyo Gaal'e
Casha aan fogeyn waxays beddeli ciidan fara weyne
Caaddaa rag koraybuu nabsigu hoos u soo celinne
Caanuhu dhawaan way ka quban ciil dar loo qabaye
Inay Curaddo khayr lihi kacaan ciiddan la arkeeye
Ceeryaamo Subaxeed nin nool curadka roob moodye
Marse haddii cadceed lagu dhexdaro wayska cidinciide
Caloolyow aan kugu raagihayn ciidda haw qodin'e
Cagta ii dhig waakaa nabsigi soo cadceedsadaye

Galol · Post by **Galol** » Thu Dec 28, 2006 11:26 pm

Biko

That famous piece by Belayo Cas(later changed to Barkhad Cas) was an uncharacteristically over the top emotional outburst by this great playwright.

I like his hedonistic work and like his tragicomedy pieces even more.

Daanyeer · Post by **Daanyeer** » Sat Dec 30, 2006 3:05 pm

'aan ooyee albaabka ii xidha'

DESERVED to be TTTed

ABSAME' · Post by **ABSAME'** » Sat Dec 30, 2006 5:53 pm

Iidoor folks, don't worry.

Enemy_Of_Mad_Mullah · Post by **Enemy_Of_Mad_Mullah** » Sat Dec 30, 2006 5:58 pm

maanta ogadeen waa lugu xaaray Laughing

Daanyeer · Post by **Daanyeer** » Sun Dec 31, 2006 8:04 am

'aan ooyee albaabka ii xidha'

Daanyeer · Post by **Daanyeer** » Mon Jan 01, 2007 1:21 pm

'aan ooyee albaabka ii xidha'

biko · Post by **biko** » Mon Jan 01, 2007 1:25 pm

'aan ooyee albaabka ii xidha'

Daanyeer · Post by **Daanyeer** » Tue Jan 02, 2007 2:20 pm

'aan ooyee albaabka ii xidha'

Ashlee · Post by **Ashlee** » Tue Jan 02, 2007 2:22 pm

WAT A PUSSIHOLE WAT U CRYIN 4 ?! Confused

---> EXIT

Sakhraan · Post by **Sakhraan** » Tue Jan 02, 2007 4:25 pm

REER SHEIKH IDOOR YAA DHINTAY Confused

..........AAN ILMEEYEE IRRIDA II XIDHA.

SAKHRAAN>SEEKER OF TRUTH & JUSTICE

Daanyeer · Post by **Daanyeer** » Wed Jan 03, 2007 2:26 pm

'aan ooyee albaabka ii xidha'

COSTA · Post by **COSTA** » Wed Jan 03, 2007 2:31 pm

Real men dont cry Monkey boy Ragga somaliyed ha ceebeen