TFG and AU soldiers started to disarm the terrorists

[COSTA]

Howlgallo balaaran ayaa waxa ey maanta ka soconayaan inta badan xaafadaha magaalada Muqdiho, howlgalladaasoo ey si wada jir ah u wadaan ciidamada Midowga Afrika iyo kuwa dowladda federalka Somaliya.

Howlgallada ciidamadan ayaa waxaa si weyn looga dareemayaa xaafadihii ey dhwaan dagaaladu ku dhexmareen ciidmada dowladda iyo maleeshiyo xaafadeed oo isa soo uruursaday kana soo horjeeda dowladda.

Waxaa sidoo kale howlgalladan maanta ey ka soconayaan isgoyska Km4 oo ey si toos ah ula wareegeen ciidamo kasoo jeeda dalka Uganda, iyadoo ey isgoyskaas iminka caadi ey umarayaan gaadiidka iyo daweynaha intaba.

Howlgalladan laga bilaabay caasimadda ayaa kusoo beegmay xilli sadexdii cisho ee lasoo dhaafay uu dagaal ba`an ka socday magaalada Muqdisho kuwaasoo u dhexeeyay maleeshiyaad xaafadeed oo isa soo urursaday iyo ciidamada dowladda, iyadoo iminka ey dagan tahay xaaladda amaan ee goobahan lahu diriray.

Shacabka reer Muqdisho ayaa aad usoo dhaweeyay howlgalada laga sameynayo isgoysyada iyo xaafadaha qaar ee magaalada Muqdisho.