Muqdisho ,Talaado ,Marso , 27, 2007 , Waagacusub Online
Dood uu qabtay Taleefishinka dalka Itoobiya ayaa waxaa la isugu keenay dad ku xeeldheer arrimaha Geeska Afrika iyo arrimaha Qabiilada ku nool Soomaaliya iyo wadamada kale ee geeska Agrika.
Dooddaas oo si weyn loogu lafa guray xaaladda dalka Soomaaliya ayaa la sheegay in Itoobiya dhaliil weyn looga soo jeediyey ujeeddada ay Ciidamadeeda Soomaaliya u geysay oo sida dooddaa lagu sheegay isu bedeshay baa la yiri taageerid qabiil gaar ah oo Soomaaliyeed, gaar ahaan qabiilka uu ka dhashay C/llaahi Yuusuf Axmed oo isagu Madaxweynaha Soomaaliya ah.
Si weyn dooddaas oo loogu lafa guray arrimaha Soomaaliya gaar ahaan xiisadihii dhawaan Muqdisho ka dhacay iyo baaqyadii isdabajooga ahaa ee beelaha Hawiye ay soo saarayeen ayaa siyaasi caan ka ah dalka Itoobiya oo ka tirsan mucaaradka dowladda Itoobiya wuxuu u soo jeediyey dowladda Itoobiya in aysan ka qeyb qaadan dagaallada qabiil ee haatan Muqdisho ka curtay oo qabiil gaar ah aysan qabiil kale oo isla Soomaali ah u gacan bidxeyn una garab suubin.
Itoobiya hadafkii loo geeyay Soomaaliya waa inay Al-qaacidda dagaal la gasho, awood ayayna ku maquunisay oo dalka Soomaaliya ka saartay, haatanna Ciidamada ugu awoodda badan Soomaaliya ee Hawiye ayaa ka soo horjeeda dowladda Federaalka Soomaaliya iyo joogitaanka ciidamada Itoobiya ee Soomaaliya, marka yeysan beelaha hawiye oo dega dhul aad u baaxad weyn oo ku yaala Soomaaliya u loogin beel kale ayuu yiri siyaasigaas .
Dhammaan xubnihii kala ra'yiga ahaa ee Dooddaa ka qayb galay waxay isku hadaf ka noqdeen in Ciidamada Itoobiya aysan ka qayb qaadan dagaalo Qabiil oo ka dhaca Soomaaliya, qabiil Soomaaliyeedna aysan u gacan qaban qabiil kale.
---------------------------------------------------------------
This was truly advantage to Form a United hawiye...... Becasue Ethiopians do not want to get involved with Clan battles...
