BREAKING NEWS 1100 killed in Moqdiso in 4 day war

[Hiiraan boy]

Gudiga Beelaha Hawiye oo soo saaray War bixin ka hadleysa qasaarihii ka dhashay Dagaaladii Muqdisho
Click here to find Shabelle news in English

Mogadishu 09, April.07 ( Sh.M.Network) Guddigii dhowaan Odayaasha Beelaha Hawiye ay u magacaabeen qiimeynta qasaarihii ka dhashay dagaaladii dhowaan ka dhacay magaalada Muqdisho ayaa maanta soo saaray war bixin tilmaameysa in ay geeriyoodeen ku dhowaad 1100 ruux iyo qodobo kale oo ku aadan qasaaraha kale ee dagaaladaasi ay geysteen, iyadoo dadkaasi lagu xasuuqay 10 KM oo isku weer ah sida lagu sheegay War bixinta.

War bixintaan oo nuqul ka mid ah ay soo gaartay Shabelle ayaa waxa ay u qorneyd sidaa:-

War bixinta Gudiga ayaa waxa ay u qorneyd sidaan.

Guddiga qiimeynta waxyeeladii ay geysteen dagaaladii ka dhacay Muqdisho 29/03/07--01-04-2007..

Ujeedo: Qiimeyn xasuuq, barakac, burbur iyo qasaare loo geeystay dadka degan Muqdisho.

Guddiga qiimeynta qasaarihii dagaaladii Muqdisho oo ay magacaabeen Guddiga Beelaha Hawiye kana kooban saraakiil, Dhaqaatiir, culuma udiin, ganacsato, macalimiin, una xilsaareen soo uruurinta iyo diwaan galinta qasaarihii, burburkii iyo barakicii ku dhacay shacabka Somaliyeed ee dagan magaalada Muqdisho, taasoo ay geysteen ciidamada Ethiopia iyo kuwa dowladda KMG ah.

Gudiga waxa ay ku soo uruuriyeen kuna qiimeeyeen qasaaraha leh dhimasho, dhaawac, barakac, burbur, tacadiyo ka dhan baniaadnimada sida xabsi, jirdil, kufsi, waali, hurdo la'aan, dhac IWM.

Guddiga waxa ay soo uruuriyeen xogta hoos ku qoran.

1. Xasuuqa Dadweeynaha,
A: Dhimasho:

Dadkii lagu xasuuqay duulaankii ciidamada Ethiopia iyo TFG oo iskaashanaya kana dhacay masaafo gaareysa 10 KM oo ay sheegtay dowladda KMG ah, in la baneeyo, lagana guuro, waxaana lagu dilay dad rayid ah oo gaaraya 1086 ruux oo isugu jira caruur, haween, dad da' ah iyo dhalinyaro.

B: Dhaawac
Dhaawaca ka dhashay duulaankaasi waxa uu gaarayaa 4344 ruux oo isugu jira dhaawac, culus, mid fudud, una badan Dumar, Caruur iyo Waayeel.

2. Barakaca.

Dadka Muqdish dagan waxaa lagu qiyaasay (2.400.000) waxaana guryahoodii ka barakacay (1.400.000) qof, iyadoo halmilyan ay ka baxeen xaafadaha Muqdisho halka inta kalena ay ku dhex qaxeen xaafadaha kale ee magaalada Muqdisho, dadkaasi oo la ildaran biyo la'aan, cunto la'aan, hoy la'aan, cuduro uu ka mid yahay shuban biyoodka, amaan darro ay kala kulmeen burcadka wadooyinka, iyadoo la soo sheegayo in ka badan 70 dhac maalin walba ah oo isugu jira dilal, boob, hanti iyo kufsi.

3. Burburka hantida.

Hantida ku burburtay dagaaladii ka dhacay magaalada Muqdisho waxaa lagu qiyaasay $1.5 billion oo dollar, hantidaasi oo kala ah mid guud, mid gaar ahaaneed, sida:-
A:-hantida guud, sida goobaha waxbarashada, jaamacadaha, iskuulada, dugsiyada qur'aanka, Warshadaha, Isbitaalada, shirkadaha ganacsiga, wadooyinka iyo masjidyada
B: hantida gaar ahaaneed sida guryaha, Bakhaarada, baabuurta iyo dukaamada.
c: Tirada Isbitaalada ee wax gaareen oona xirmay waxaa ka mid ah, Xayaat, Carafaat, Ayaan, Al-imra, Alxikma, Xasan Jiis.
D: Tirada iskuulada ku xirmay dagaaladii Muqdisho ka dhacay waxa ay gaarayaan 275 Iskuul, tirada ardeyda dhiganeysay iskuuladaasi, waxa ay gaarayaan 155.300 ardeyd oo hadda waxbarasho la'aan ay heysato, iyadoo tirada, xiisooyinka waxbarasho ee baaqday xilliga dagaalada waxa ay gaarayaan 30.030.000 oo xiiso.
E: Tirada Jaamacadaha ku xirmay waxa ay gaarayaan 13 jaamacadood, ardeyda jaamacadahaasi dhigata waxa ay gaarayaan in ka badan 5.800 kuwaasi oo aan waxbarasho heysan.
F: Tirada Dugsiyada qur'aanka ku xirmay waxa ay gaarayaan 1096 Dugsi Qur'aan, dugsiyadaasi oo ay dhiganayeen 56.760 arday.
G: Tirada warshadaha wax ku noqday dagaaladaasi waa 36 warshadood.

4. Xadgudubyada bani-aadnimada ka baxsan.
Xadgudubyada loo geeystay dadka aan waxba galabsan waxa ay isugu jiraan dad xabsi ku jira oo tiradooda lagu qiyaasay in ka badan 500 oo ruux, waxaana ka mid ah xadgudubyadaasi
1. Jirdil loo geeystay dad maraayo wadooyinka si sabab la'aan ah.
2. kufsi loo geeystay gabar Somali ah sida Suuban Max'ed Maalin oo lagu kufsaday meelo kale
3. Meydad badan oo yaala guryaha oo la diiday in la aaso 10 cesho, yaalana ilaa hadda goobaha ay gacanta ku hayaan ciidamada dowladda.
4. Madaafiicda loo adeegsanayo shacabka, waxaa ka mid ah Taankiyo, BM, Diyaaradaha dagaalka, Bambooyin, madaafiicda goobta iyo wixii la mid ah oo lagu garaacayo goobaha dadka rayidka ay dagan yihiin si aan loo meel dayin.

5. Dhibaatooyinka Maskaxeed ee ay reebtay madaafiicda goobta ee dadka rayidka ah lagu garaacay waxaa ka mid ah waalida, hurdo la'aanta, naxdin, dhiciska iyo dhiig-baxa haweenka.

6. Adeegyada bulshada oo istaagay.
Dhamaan waxaa istaagay adeegyada nolosha bulshada sida waxbarashada, biyaha, korontada, dhaq dhaqaaqa ganacsiga, warshadaha socdaalka, dekedda iyo Airaporka, Goobaha caafimaadka, wadooyinka, suuqyada, dhaq dhaqaaqa dadweynaha IWM.

7. Boobka hantida dadwenaha.
Waxaa la boobay dhamaan dukaamadii, bakhaaradii iyo guryihii ku yaalay goobaha dagaaladu ay ka dhaceen.

8. Codsi Beesha Caalamka.
A: Un ka AU, EU, Jaamacadda carabta iyo ururada islaamka iyo hay'adaha xuquuqul insaanka, waxaan ka codsaneynaa in ay u soo diraan guddi baaris ah xasuuqii ka dhacay Muqdisho, ayna diwaan galiyaan talaabada laga qaadayo cidda geysatay xasuuqaasi.
B: Waxaan beesha caalamka iyo hay'adaha samafalka ka codsaneynaa in ay la soo gaaraan gargaar bani-aadnimo dadka Somaliyeed ee ka barakacay magaalada Muqdisho, kuwaasi oo ku dhibaateysan daafaha magaalada iyo gobolada, halkaasi oo ay ku heysato cunto la'aan, Biyo la'aan, Hoy la'aan iyo dawo la'aan.

Ilaha Xogta.
1. Goobaha caafimaadka
2. Idaacadaha.iyo saxaafadda Muqdisho
3.kormeer goobihii dagaaladu ay ka dhaceen.
4. kormeer goobihii loo barakacay.
5. hay'adaha u udooda xuquuqul inskaanka.
6. hay'adaha Waxbarashada.
7. wareysiyo dad goobjoog ah.

Magacyada Guddiga Diyaariyay xogtaan waxaa ka mid ah.

1. Dr. Max'ed Maxamuud Max'ed Dheere. (Gudoomiye)
2. Col, Xuseen Siyaad Qoorgaab ( K/xigeen)
3. C/laahi Sheekh Xasan.
4. Inj, C/qaadir Cali max'ed.
5. Inj, Max'uud Max'ed Faarax
6. Dr. Bashiir Axmed Cismaan.
7. C/xakiin Axmed Fareey
8. Axmed Max'ed Ciirre
9. Max'ed Muuse Sheekh.
10. Siraaji Sheekh Isxaaq.
11. C/casiis Axmed Xirsi.
3.

[Somaliman%]

haawiiye dont shut up do they 1000 people dead big deal they killed millions.

stop making fake news and spreading this bull otherwise another 1000 people will get shelled, respect your masters or you'll face the consequences.

[eyes-only]

Inaa lilaahi wa inaa ileeyhi raajicuun

What they did was a massacre.