Beelaha Sacad iyo Wagardhac oo heshiis maamul iyo is faham k

[Hiiraan boy]

Wararka ka imaanayo Magaalada Gelinsoor ee gobolka Galgaduud ayaa sheegaya inay degaankaas isugu tageen dhinacyada dhaqanka iyo siyaasada beesha Sacad iyo Wagar dhac Mareexaan kadibna ay isku afgarteen heshiis gundigiisu yahay isfaham iyo sameeynta maamul labada beel isku raacsan yihiin si loo gaaro horumar dhinaca degaanka ah iyo nabad ku wada noolaansho guud.

Suldaan Cabdi Naasir Jaamac Seed oo Waagacusub la soo xiriiray ayaa xaqiijiyay in heshiiskaas labada beelood ku wada gaareen Gelinsoor ,wuxuuna dhinaca kale tibaaxay in dhawaan degaanadaas looga dhawaaqi doono Maamul buuxa oo soo celiya nidaam iyo kala dambeeyn.

“ Beelaha Wagar Mareexaan iyo Sacaf Habargidir way xaliyeen khilaafaadkii u dhaxeeyay,waxayna wada dhisan doonaan maamul ka hergelo dhamaan degaanada labada beel si wax loo wada qabsado loona hiigsado horumar “ayuu yiri Suldaan Cabdi Naasir Jaamac Seed oo hada ku sugan gelinsoor.

“ Heshiiska Sacad iyo Wagardhac waxaa uu ka dhashay wada hadal mudo dheer socday,waxaana aad ugu faraxsanahay inuu maanta guul ku dhamaaday”ayuu yiri Suldaanka beesha Wagar dhac,Suldaan Siciid Cismaan Faarax oo Waagacusub u waramayay isagoo ku sugan Gelinsoor.

Heshiiska Sacad iyo Wagardhac waxaa ka qaybgalay sedex boqol oo labada beel ka socday oo ay ka mid ahaayeen culumaa'udiinka ahlu suna waljameeca oo uu hogaaminayay Sheekh Aadan cali Jimcaale Ilkacase.waxaa kale oo goob joog ka ahaa Gudoomiyaha koofurta Gaalkacyo Xuseen Cabdulle Aaw Cali iyo taliyaha Ciidanka Aag 1-aad Axmed Cabdilahi Maxamed Afgub.

Si kastaba ha ahaatee labada beelood ayaa degaankaa wadaagi jiray balse colaad xilli ka hore ka dhacday Gelinsoor ayaa sababtay in beelaha Wagardhac isaga hayaamaan.