TFG SUPPORTERS ARE KUFAR....70 SOMALI SHEIKHS

[Lacageylacag]

Culaamaa ’udiinka dalka Soomaaliya oo markii ugu horeysay taariikhda casriga ee dalka Soomaaliya qaatay mowqif ay ku midaysan yihiin iyagoo isku raacey in diinta islaamka looga baxayo oo lagu gaaloobayo in laga dhinac dagaalamo ciidanka dalka Itoobiya iyo taageerada joogitaanka ciidanka Itoobiya ee dalka Soomaaliya.

Muqdisho, Soomaaliya

Markii ugu horeysa taariikhda casriga ee Soomaaliya ayaa culumaa’udiinka Soomaaliyeed waxa ay mowqif mideysan ka qaateen xaalada dalka Soomaaliya iyagoo ku baaqay in ciidamada Itoobiya inay ka baxaan dalka Soomaaliya haddii kale ay waajib diini tahay in qof walba oo muslin ah ay waajib diini ku tahay inuu la dagaalamo ciidamadaas si looga xoreeyo dalka Soomaaliya.

Culimadaas ayaa shaaca ka qaaday in wax shaki aysan ku jirin in qofkii naftiisa waaya isagoo la dagaalamaya ciidamda Itoobiya ee jooga dalka Soomaaliya uu galayo janada.

Waxaa kale oo ay culimada Soomaalida ay sheegeen in qofkii dhinta isaga oo ku jira safka ciidanka Itoobiya aysan wax shaki ku jirin inuu naarta galayo sida diinta islaamka ay noo sheegtay.

Culumaa’udiinka Soomaaliyeed ayaa uga digay dadka Soomaalida inaan lagu beer laxawsan magac qabiil si loo taageero gaalo isla markaana loola dagaalamo dad muslimiin ah isla markaana waxaa ay sheegeen inaan loo baahneen inuu salaad iyo soon isku daaliyo oo muslinimo been ah uu afka ka sheegto qof ka baxay diinta islaamka oo la saf noqdey gaalo ku kufrisay ilaah S.W. iyo nabigiisii maxamed ahaa N.N.N.K.H.A.

Culumadu waxa ay aad uga digeen taageerada la siiyo gaalada in diinta looga baxo ha yaraato ama ha badnaatee isla markaana islaanimadu aysan aheen in qofku magac muslin leeyahay ama in aabihiis iyo hooyadii ay muslimiin yihiin oo lagu dhalay diinta islaamka.

Bayaankaa ayaa waxa ku muujiyay dhamaan mowqif mideysan dhamaan kooxaha kala duwan ee leh aragtiyada kala duwan ee ah qaabka dowlad islaam ay ku imaan karta iyadoo bayaanka ay ka dhex muuqdaan kooxaha wadamada reer galbeedka ay ku tiriyaan qunyar socodka iyo kuwa ay ku sheegaan seef laboodka taasoo runtii ah miisaan culus oo u baahan in maamulka dalka Itoobiya u dib u gurto ciidamadiisa jooga dalka Soomaaliya maadaama hadda arintu ay u muuqan karto inay yeelato waji kale oo halgan wadaniyeed oo mideeya dhamaan kooxaha kala aragtida duwan ee ka jira dalka Soomaaliya kuwaas oo in badan oo ka mid ah ay ku baaqi jireen in la joojiyo dagaalada hubeysan ee laga dhex wado gudaha dalka Itoobiya maadaama aanan wax natiijo oo aan aheyn burbur iyo barakicis aynaan keeneen.

Haddaba Bayaankaas ayaa u qornaa sidatan:

QORAALKII CULUMAA’UDIINKA WAXAA U QORNAA SIDATAN:-

Ilaahay waxa uu ku waajibiyay culimada in ay dadka xaqa u caddeeyaan. Allaah wuxuu yiri: (( Kuwa qarinaya aayadaha iyo hanuunka cad cad ee aan soo dajinay, ka dib markaan dadka ugu caddaynay kitaabka, kuwaas Allaah ayaa lacnadaya, kuwa wax lacanadana way lacnadayaan)).

Cidna kama qarsoona gumaysiga Xabashida ee Maraykanku kaalmaynayo ee Soomaaliya qabsaday iyo khasaarooyinka ka dhashay ee naf, maal iyo kuwa kaleba leh oo aan la soo koobi karin. Duullaankaan wuxuu ka mid yahay ololaha caalamiga ah ee Maraykanku hoggaaminayo ee lagula dagaallamayo ummadda muslinka ah iyada oo loogu soo gabbanayo waxa loogu yeero: la dagaallanka argagixisada. Haddaba waxaan soo jeedinaynaa baaqaan waqti bulshada reer Muqdisho uu ku soo wajahan yahay dagaal ciribtir ah oo cusub kaas oo abbaaraya dadka rayidka ah oo leh carruur iyo haweenba. Duullaanka Xabshidu waxa uu xoog saarayaa xaafadaha dadweynuhu daggan yihiin. Waxaas oo dhani waxay dhacayaan iyada oo caalamku arkayo, uun maqlayo wax tillaabo ahna aan laga qaadayn.

Bayaankii

Waxaan ugu baaqaynaa shacabkayaga in uu kaga hortago gumaysiga wax kasta oo uu awoodo ilaa cadawgu dib uga gurto dalkuna xoroobo. Waxaa ka xaaraan ah qof kasta oo ka mid ah shacbiga Soomaaliyeed in uu gaalada uga hiilliyo muslimiinta; si ay u gaaraan ujeedooyinkooda gumaysi. Qofkii la soo safta gaalada waxa uu kala xukun yahay axkaamta oo dhan, wuxuuna noqonayaa taargad muqaawamada u calaamaysan. Waxaan uga digaynaa kuwa u hiillinaya gaalada in ay ku sii socdaan u adeegista gaalada.
Waxaa socda xilligaan diyaargaraynta duullaan weyn oo cusub oo looga jeedo in lagu gumaado dadweynaha reer Muqdisho, laguna burburiyo hantidooda, sidaa aawadeed waxaa ugu baaqaynaa bulshaweynta Soomaaliyeed in ay u kacaan sidii looga hortagi lahaa duullaankaas soo fool leh iayaga oo adeegsanaya wax kasta oo ay heli karaan. Caalamka intiisa kalena waxaan ugu baaqaynaa in uu u hawlgalo sidii looga hortagi lahaa masiibada weyn eel ala damacsan yahay dadka rayidka ah ee Soomaaliyeed.
Waxa xilligaan ka socda Muqdisho ma aha dagaal u dhexeeya laba qoys oo Soomaali ah ee waa dagaal u dhexeeya Xabashida oo ay dabada ka waddo Ameerika, ayna hor socdaan dabadhilifyo Soomaali ah oo qabiilooyinka oo dhan ka dhashay. In dagaalka socda loo badalo dagaal sokeeyena waa waxa ay doonayaan cadawgeennu; sidaa darted waa in aynu ka digtoonaano in aynu ku dhacno shirqoolka cadawgu inoo maleegayo.
Waxaan ugu baaqaynaa dhammaan Soomaalida kala qaybqaadanaysa Xabashida dagaalka ay ku soo qaadday shacbiga Soomaaliyeed in ay Rabbi u toobad keenaan oo ay ka waantoobaan xasuuqa ay ku hayaan dadkooda, ayna faraha kala baxaan fal dambiyeedka foosha xun ee ay ku dheceen.
Waxaan ugu baaqaynaa shacbiga Soomaaliyeed, qabaa'ilkiisa iyo kooxihiisaba in ay ku dhaqaaqaan heshiis dhab ah, ayna mashaakilkooda iyagu xallistaan iyada oo aanay cid kale soo faragalin.
Ugu dambayntii waxaan uga tacsiyaynaynaa dhammaan dadkayaga, gaar ahaan kuwa dhibaatooyinku ka soo gaareen xasuuqa gaaladu ku hayso dadkeenna, waxaana xasuusinaynaa in ay leeyihiin Rabbi u hiillinaya oo cid kasta ka awood badan, waxaan kale oo ku boorrinaynaa dadkayaga in ay noqdaan kuwa mutaysta hiilka Alle, ayna ku kalsoonaadaan Rabbigood, isla markaana ay badiyaan baryadiisa.
Gabagabadii Waxaan ka baryaynaa Allaha sare ee awoodda leh in uu ka dul qaado ummaddayada dhibaatooyinka iyo shiddada, isaga ayaa sidaas u ahal ah oo kara'e. Alle ha u naxariisto, hana nabadgaliyo Nabigeenna Muxammad ah, aalkiisa iyo asxaabtiisaba.

Muqdisho 26/03/1428 - 14/04/2007



Culimada Saxiixday:



Sh. Shariif C/nuur Shariif Xasan
Sh. Max'ed Nuur Qawi
Sh. Cali Warsame Xasan
Sh. Cumar Iimaan Abuubakar
Sh. C/laahi Cali Xaashi
Sh. Max'ud Ciise Max'ud
Sh. Nuur Baaruud Gurxan
Sh. Nuur Macallin C/raxmaan
Sh. Jaamac C/salaam Warsame
Sh. C/risaaq Aadan Macallin
Sh. Xasan Xuseen Axmed
Sh. Cilmi Dhuxulow Gacal
Sh. Max'ud Macallin Nuur
Sh. C/laahi Max'ud Ciie
Sh. C/laahi Daahir Jaamac
Sh. Muuse M. Daahir Aweys
Sh. Xasan Max'ud Takar
Sh. Yuusuf Cabdi Cawad
Sh. Cismaan Ibraahin Faarax
Sh. Bashiir Caddow Calasow
Sh. Max'ed Shukri Xasan
Sh. C/laahi Cali Afrax
Sh. Jaamac Cismaan Axmed
Sh. C/laahi Sh. Nuur
Sh. Axmed Bile Xasan
Sh. Max'ed Barow Max'ud
Sh. Basiir Axmed Salaad
Sh. Yuusuf Cali Caynte
Sh. Max'ed Bashaar C/kariim
Sh. Nuur Cali Jaamac
Sh. Max'ud Cabdi Ibraahim
Sh. Xasan Axmed Max'ud (Xasan dheere)
Sh. C/raxmaan Axmed Cilmi ( Abyad )
Sh. Yuusuf Tuurxume Jumcaale
Sh. Max'ed Ibraahim Xayle
Sh. Max'ed C/laahi (Casoowe)
Sh. Axmed Cabdi Dhicisow
Sh. C/laahi Axmed Cali
Sh. Jibriil Ibraahim Cali
Sh. Max'ud Ibraahim Suuley
Sh. C/qani Qorane Max'ed
Sh. Axmed Max'ed Suleymaan
Sh. Axmed C/laahi Carab
Sh. Xasan Max'ed Ibraahim
Sh. C/qaadir Sh. Max'ud Sh. Nuur
Sh. Faarax Cali Xuseen
Sh. Max'ed Aadam Buraale
Sh. Max'ed Muuse Cabdulle
Sh. C/casiis Xasan Faarax
Sh. Xuseen Buulle Axmed
Sh. Axmed Cabdi Aadam
Sh. Cali Max'ed Cumar (Suule)
Sh. Cumar Max'ud Cabdi
Sh. Cali-nuur Axmed Max'ed (xogsade)
Dr. Cali Saalix
Sh. C/raxmaan Max'ud Faarax
Sh. Axmed C/samad
Sh. Max'ud Sh. Axmed Xasan
Sh. Cumar Daahir
Sh. Max'ed Tahliil Warsame
Sh. C/qaadir Xasan Warsame
Sh. C/samad C/laahi Cabdi
Sh. Xuseen C/laahi Barre
Sh. C/fataax Xasan Axmed
Sh. Faysal jaamac
Sh. Muuse Cabdi Caraale
Sh. Xuseen Sh. Cali Fiidow
Sh. Xasan Sh. Max'ud
Sh. Kamaal Xasan Cawl
Sh.C/nuur Xirsi (dhoolweyn)


FG: Waxaa af hayeen u ah culimadaan Soomaaliyeed oo kala joogta dunida daafeheeda waxaa af hayeen u ah Sh. C/nuur Xirsi (dhoolweyn)

Tel:252-1-5572466