THE HEART OF TRUE LEADER

[Somali-Transporter]

Odayaasha Beelaha Hawiye oo shaaca ka qaaday in ay nabad gelin doonaan cidii iska soo dhiibta ciidamada Itoobiya iyo kuwa DFKM.
Posted to the Web Apr 21, 00:19

Afhayeenka Beelaha Hawiye oo saxaafada la hadlay ayaa shaaca ka qaaday in ay rumeysan yihiin in ciidamada ka soo horjeeda ee Itoobiyaanka ama Soomaalida ah ay yihiin dad lagu soo qasbay dagaalka oo ay ku adag tahay in ay dagaalamaan libinna ka keenaan dagaalkaas qasabka ah.




Asaga oo hadalkiisa sii wata ayuu tibaaxay in ay nabad gelin doonaan cidii iska soo dhiibta ciidamada Itoobiya iyo kuwa DFKM, wuxuuna sheegay in ay iyagu is difaacayaan dhulkoodiina joogaan waxa soo gaarayanna ay u adkeysanayaan maxaa yeelay xaq bay ku socdaan dadka kasoo horjeedanna xaq daro ayey ku socdaan sida uu hadalka u dhigay.



Afhayeenku asaga oo ka hadlayey arrimaha ciidamada tikreega ee ka baxsaday Muqdisho ee isu dhiibay dowlada Yemen ayuu carabka ku dhuftay in ay ka xun yihiin cambaareynayaan hadalka kasoo yeeray dowlada Yemen ee ah in ay dhiibi doonaan ciidamada tikreega ee nafta lasoo cararay



wuxuuna sheegay in ay dowlada Yemen ceeb ku tahay in ay dad naftooda lasoo cararay u dhiibaan cadow aan bixineynin waa sida uu hadalka u dhigay afhayeenka beelaha Hawiye Ahmed Diiriye oo gumaysi diid nabad doon.



dhinaca kale wuxuu afhayeenku xusay in ay burburtay xabad joojintii jilicsaneyd ee ay wada gaareen odayaasha beelaha Hawiye iyo Saraakiisha tikreega asaga oo ku eedeeyey ciidamada tikreegu in ay balantii jabiyeen sidii ay u jabiyeen midii horeba.