Culays bay haaynjirtoo
Xanuun bay la hingatee
Hooyadu waa lama huraan
Hadii kale waxaan lahaa
Habeen gooruu habsaday
Caanihii bay nagu habtoo
Horaadkay noodhigtoo
Dharkii bay na huwisaye
hooyadu waa lama huraan
calooshaadoon hif oran
adiga oon ka hanqa bixin
hunguri ma haweysatee
hooyadu waa lama huraan
hadaaq gooraad tahayoo
talaabta aan la holikarin
adoon ciidii hanbaday
dhaqsaba waa ku hinjisaye
hooyadu waa lama huraan
afka aan ku hadalniyo
hanaankee niyo hubqaad
hagaag bay noo bartaye
hooyadu waa lama huraan
anagoonhaybad qabin
halbeesa suubsankarin
habaaskay naga huftoo
waatii noo hiilisaye
hooyadu waa lama huraan
sidaanu halis ugalin
hunguriga ay suubisaa
dhaqsaba hoo nama dhahdee
intii ay ka hubsataa
iyada ayaa ku hormartee
hooyadu waa lama huraan
reerku haduu yahay hayaan
hayinka aan saaranahay
hogaankay haysatoo
hoosbay kaala hadashoo
intii aadka hurudaa
waa kuu heestaa hadane
hooyadu waalama huraan
cilmiga shiiq ku hormariyo
nin hamaan iyo hanad
iyadaa soo hanjirtaye
hooyadu waa lama huraan
hadii loobaahdo hiil
geesiga loo habar wacdiyo
fulayga aan haadka hubin
iyadaa soo hayn jirtee
hooyadu waa lama huraan
deeqsi aad soo haybsatiyo
hamuuntii kaa ba shiyo
baqaylka aan kula hadlayn
iyadaa soo hayn jirtaye
hooyadu waa lama huraan
aabuhu waa hawsha guud
iyaguna hoosbay hayaan
habayntii guriga iyo
hoygii bay noohuftaye
hooyadu waa lama huraan
geed yara kaahooshay meel
hadii aad haah dhahdaa
hugii bay ka handadoo
iyada oon hagar lahayn
haw waatii soo dhahdee
hooyadu waa lama huraan
odaygu waa haajiraa
hawuu meel ugu kacaa
haduusan mowdku helin
hortaaday taagan tahee
hooyadu waa lama huraan
habeenkaad soo dhaxdaa
hurdada aad uma heshoo
qalbiga waa ka hamidoo
hilow bay kuu qabtaye
hooyadu waa lama huraan
horey adigoon ahayn
dadkiibay u hanjabtoo
halyeey baykaa dhigtoo
amaan bayku huwisoo
hooyadu waa lama huraan
abaarta hawaarsatiyo
haraad meel loogu go ay
hay haato dhaankuna yahay
cirkuna haawanahayaa
halihii ay soo heshaa
haday hoo inadhahdaa
anaga oon soo hanbayn
waatii aan heensanoo
hamuunteedii horiyo
dhib bay la hagoogataye
hooyadu waa lama huraan
sidii awr haama wada
dusheedaan halam sanoo
ha goortaa nama dhahdee
waa noo sii hoorsataye
hooyadu waa lama huraan
marada ay nagu hantiday
hadaan hoos uga dhacnaa
wadnihii bay ka hinqatoo
calooshay ka halcataye
hooyadu waa lama huraan
alaabta hortaada taal
hadaad laad ku hurguftaa
habaar weyn kuma dhahdee
inyar bay ka hifataye
hooyadu waa lama huraan
hilaw laha ay dhashaa
hadii meel laga hayaa
aasuu haaraa habeyn
waatii hoogeysatoo
ilmadu hililiqatee
hooyadu waa lama huraan
hadaan been lagu hadlayn
wadnaha hawdiisiyo
halbowlaha dhiiga wada
hareer baa laga dhigoo
halkay joogaan iyagu
yaaloo soo wada hoyadaye
hooyadu waa lama huraan
hantida aad leedihiyo
wixii aad haabataa
hadii loosiiyo hibo
abaal kooda lama helee
hooyadu waa lama huraan
hadaada haday gashaa
hoga goortii lagu dhigo
wadaadadu kula hadlaan
aabaha looma habar wacee
waxaad tahay ina heblee
hooyadu waa lama huraan
aduunyadu waa haween
halkaa layskuma hayee
nin doonaaba ha hadlee
hooyadu waa lama huraan
aduunyadu waa haween
halkaa layskuma hayee
nin doonaaba ha hadlee
hooyadu waa lama huraan
hirar gaa gaabaniyo
hawada ayaan ka hadlayaa
waxba anigoon hanbayn
hubaashiina aan hayaa
hooyadu waa lama huraan
hanfada ruuxii noqdaa
hawraar kaama hantiyee
waxba anigoon hanbayn
hubaashiina aan hayaa
hooyadu waa lama huraan
hooyo
....
listen to it Carays Ciise, Hooyo lama huran on here http://www.golkhatumo.com/maqal.htm
