Cabdi Xasan Cawaale, waxa uu ahaa hogaamiye kooxeed ee aan ka mid noqon ururkii loogu magac-daray argagax la dirirka ee ay hogaamiyo kooxedyadi Muqdishow dhiseen balse markii danbe ka soo horjeestay maxaakiimtii markii ay baaris sharci daro ah ugu dhaqaaqeen gaari uu watay oo marayey wadada tarabuunka.
Cabdi Qayb-diid, wuxuu billaabay dhaqdhaqaaq uu kaga soo horjeedo maxaakiimtii, wuxuuse diiday in uu xubin toos ah ka noqdo ururkaasi. qaar ka mid ah beeshii uu ka soo jeeday ayaa billaabay in ay weeraro dhinaca afka ah iyo mid fal ku qaadaan Cabdi Qayb-diid.
Wuxuu Cabdi ogol u noqday wadahadal kasta oo lagu kale dhaxgaliyo isagaiyo maxaakiimtii Muqdisho, hasayeeshee waxaa diiday oo wax walba ka doorbuday in Cabdi uu hubkiisa soo wareejiyo xubno ka tirsanaa maxkamadah oo u arkayey fursad ay ku hanan karaan maamulka Muqdishow.
Cabdi Qayb-diid waxa uu diiday in uu hubkiisa ku wareejiyo maxaakiimtii waxaana billawday dagaal culus, oo ay ciidamadii iyo hogaankii maxaakiimta ku tilmaameen kii ugu adkaa ee ay ciidankooda ka qayb galaan.
3maalmood ku dhan, ayaa dagaal nooc walba ah lagu hayey Cabdi Qayb-diid iyo dadkiisa, waxaana dagaalkaas ka qayb galay ciidamo kor u dhaafay 6 kun oo maxaakiimtii ka socotay, dagaalkaasi wuxuu ku dhamaaday awood loo sheegtay Cabdi Qayb-diid iyo ciidankiisii. wuxuuna si xeeladeysan uga baxsaday goobtii dagaalka.
Dad ku beel ah iyo kuwii maxaakiimta ku jiray ayaa Cabdi ku tilmaamay in uu ahaa nin gaal ah oo xarigii Ilaah ka furtay, waxaana maalin cad hubkiisii lagu qaatay xaruntiisii, waxana dhacday in gurigiis uu damcay in uu xoog ku dago mid ka mid ahaa madaxdii maxaakiimta.
Cabdi markii uu Muqdishow ka baxay wuxuu abaaray Baydhaba, oo uu uga sii gudbay dhinaca Gaalkacyo, waxaase halkaasi uga daba tagay ciidankii maxkamadaha oo dagaal habeen madow dhacay looga awood sheegtay deegaanka Bandiiradley, hase ahaatee waxaa la isku mari waayey deegaano kale. Intii uu Gaalkacyo ku sugnaa ayuu wuxuu yiri Cabdi col iyo nabad tay doonto ha ahaatee Muqdishow waan ku soo noqonayaa, taasoo dad badan wax aan suuragal ahayn u arkeen.
Si kastaba ha ahaatee, waxaa meesha ka baxay maxaakiimtii dagaal socday muddo 10 maalmood ah kadib, waxaase dareen weyn uu galay ganacsatada Muqdishow, oo si degdeg ah ula xiriiray Cabdi Qayb-diid, si loo badbaadiyo hantida faraha badan ee taala Suuqa Bakaarah.
Cabdi Qayb-diid wuxuu darbadiiba ku dhaqaaqay in uu howl-galo badbaadinta hantida, wuxuuna aqoonsiyo siiyey ilaalada suuq Bakaaraha, kuna dhiiragaliyey in ay hantidooda ka difaacdaan cid kasta oo oo soo damaaciiso, isagana uu wakhti walba ka caawin doono difaac hantida.
Ganacsatada Muqdishow, ayaa markaa waxa ay Cabdi Qayb-diid u bixiyeen Cabdi Nasteex, Cabdi halyey iyo magacyo kale.
Wuxuu ahaa ninkii loogu itaal sheegtay maaliyadda ganacsatada suuqa Bakaaraha, wuxuuna noqday mas'uulkii ugu horreeyey ee u istaagay badbaadinta hantida ganacsatadii maalkooda lagu jabiyey.
------------------------
What a funny character this lil dude is...
