Weerar Lagu Qaaday Ciidamada Ethiopia & Kuwa Imbagathi...

[Hiiraan boy]

Wararka naga soo gaaraya magaalada Muqdisho ayaa sheegaya in Kooxo hubeysan oo aan la garan ayaa xalay fiidkii weerar ba'an ku qaaday fariisimo ay joogaan Maleeshiyaadka Imbagathi & kuwa Ethiopian-ka ee deegaanka Suuq Bacaad,iyadoo weerarkaasi khasaare u geystay....
Weeraraan oo dhacay 8-da fiidnimo ee xalay ayaa kooxaha hubeysan waxaa ay rasaas huwiyen fariisimo ay si wada jir ah u wada fadhiyeen cidamada labada dhinac iyadoo halkaasi khasaare uu ka dhashay, waxaana la sheegaya in halkaasi mid kamid ah askarta Maleeshiyaadka Imbagathi uu ku dhintay, Askari Ethiopian ahna uu ku dhaawacmay, lama oga ilaa hadda kooxihii weerarka soo qaaday cidii ay ahaayeen hayeeshee maalmihii lasoo dhaafay ayaa waxaa qaar kamid ah dadka deegaanka ay ku baaqayeen ciidamada Ethiopian-ka in ay ka baxaan goobaha sida gaarka ah loo leeyahay oo ay fariisimaha ka dhigteen ee ku yaala degaanka Suuq Bacaad ee magaalada Muqdisho, waana weerarkii ugu horeeyay ee ka dhacay magaalada intii uu istaagay dagaalkii ka dhacay Muqdisho.