BREAKING NEWS Qarax xoogan oo ka dhacay wadada Aadan Cadde e

[Hiiraan boy]

Qarax xoogan oo ka dhacay wadada Aadan Cadde ee Muqdisho

Click here to find shabelle news in english

Mogadishu 07, May.07 ( Sh.M.Network) Qarax xoogan ayaa ka dhacay agagaarka Wadada Cago dhiig ee ku dhow xarunta villa Somalia, iyadoo qaraxaasi markii uu dhacay ka dib la maqlay rasaas xoogan.

Qaraxaan oo ahaa mid sawaxankiisa gil gilay xaafado ka mid ah degmooyinka Wardhiigleey iyo H/wadaag ayaa waxa uu ka dhashay miino dhulka lagu aasay oo lala beegsaday gaari ay leeyihiin ciidamada Booliska oo nuuciisu ahaa Toyoto.

Qaraxaan oo ka dhacay wadada Aadan Cadde ee tagta xarunta Villa Somalia ayaa markii uu dhacay waxaa laga maqlay halkaasi rasaas xoogan oo ay fureen ciidamada dowladda sida ay sheegeen dad goobjoogayaal ah.

Ilaa 5 ruux oo isugu jira dhimasho iyo dhaawac ayaa laga bixiyay gaariga lala beegsaday qaraxa sida ay shabelle u sheegeen dad goobjoogayaal ah.

Qaraxaan ayaa waxa uu ka haleelay gaariga qeybta hore sida uu sheegay wariye ka tirsan shabelle oo halkaasi gaaray marka qaraxa uu dhacay ka dib.

Qaraxaan ayaa inta uusan dhicin ka hor waxaa wadadaasi maray kolonyo ay wateen ciidamada Uganda.

Ma jiro wali wax war ah oo ka soo baxay dowladda KMG ah ee Somalia oo ku aadan qaraxaan.

Waa qarixii labaad ee ka dhaca caasimadda Somalia, tan iyo markii ciidamada dowladda KMG ah ee Somalia oo kaashanaya kuwa Ethiopia ay dhowaan la wareegeen caasimadda Somalia ee Muqdisho.

Wixii ku soo kordha kala soco shabelle.net



Click here to find shabelle news in english

Axmed Cumar Saalixi

Shabelle Media Network Gedo
E-mail us: info@shabelle.net