Taladii akhristayaashu ay u soo jeediyeen gabadhii ninkeeda ka wayday raganimadii.waxaan ahay gabadh da\'deedu tahay 22 waxaan ku noolahay wadanka dibadiisa waxan guursaday wiil dhalin yaro ah alxamdulilaah iska shqaysta aan ka helay nolol fiican oo aad u sarysa maadama ay reerkenu ahayeen dad foqoro ah si walba aan raali uga noqday ilaahay wuxu markiiba igu arsaaqay wiil hadda jira labo sano ninkayga waxan hada aanan ninmo ka helin mudo dhan ilaa sagaal bilood ana aan aad ugu bahanahy aanan ka codsaday in aan u bahanahay si walba aan ugu ban dhigay xaaladayada waxbase ay iga caawini wayday, ima necba aad buu ii jecel yahay, caafimadkiisu waa okey laakiin waxa uu igu yiri u danbyntii waan ogahay wiilka aad dhashy rafaadka aad ka soo martay ha koro si aan dhaqale fiican ugu helo kuwa danbe arrintas maxan ka yeelaa haddii aan ka tago danbi ma iigu jiraa walal ii soo jawaaba marka aad heshiin qoralkaygan si dhaqso leh waayo dhibtayda ayaan ogahay.

TALO: (1)
Annaga oo isugu jirna guruub rag & dumarba leh, waxaanu gabadha taladoonka ah ee ninkeedu inaanu la seexan ka cabanaysa kula talin lahayn markii aanu akhrinay arrintaada aadna uga fiirsanay. haddii ay ninkaaga ka tahay in uu doonayo in wiilkaagu koro, waad iska ilaalin kartaan dhasha sida isaga oo condom xidhan kara ama aad adigu dawooyin kala duwan qaadan kartid. wadamo caalami ah ayaynu joognaa and it\'s the 21st century. haddii aad waxan oo dhan hore u soo marteen wax isbedel ahina aanay dhicin ninakani ama wuu bukaa oo dareen la,aan ayaa ku dhacday mana rabo inuu kuu sheego, Ama niyad ayaanu kuu haynin oo waanu ku doonaynin. waan ka xumahay inaan niyada kaa jebino hase yeeshee gabadh dhalin yar ayaad tahay sidaad noo sheegtay. Waxaana nala haboon inaanad wakhti iska lumin ee aad dhexda xidhato oo ka tahsatid intaan naftaada ciilin oo is odhan maxaa kaa siya adiga. Good luck walaalo, khayr ayaanu kuu rajaynaynaa dhamaantayo. By: Khadra

Talo Walaaltinimo: (2)
S/Calaykum Walaalayaal meelkasta aad ku nooshihiin.
Anigoo la i yidhaahdo Fardus waxaan jecleystey in aan wax ka dhiibto fikradeyda arrintan waxey u qeexmaysaa sidatan. Marka Hore Ilaahey raali buu kaaga yahey in aad xaaskaada/ninkaada waxey jeceshahey sidey jeceshahey inaad isu sameysaan xagga gogosha (raaxada). Bini aadan ayaynu nahey oo dadka mar -mar way ka caagi karaan (isutegidda) for example haduu ninkaada daalan yahey uusan awoodin in uu wax kula qabto waa iney xaaska u dul qaadata inkasta oo ay ayada dooneyso, hadduu ninka u baahdo xaaskana ay ka caagan tahey waa iney u oggolaataa ninkeeda markasta waa ineysan marnaba ku odhan maya ninkeeda. Hadduu ninkaada xanuunsan yahey xagga caafimaadka uusan dooneynin in uu kula wadaago waxaa haboon in uu dhaqaatiir ula kulmo maadaama casri wax kasta laga hor tagi karo aynu ku jirno. Sagaal (9) bilood inaad kala moognaantaan adiga iyo ninkaada xagga sariirta walaahi taasi waa arrin cajiib ah waayo bini aadan ayeynu nahey dareen iyo naxariisna waynu leenahey oo lagama maarmaan weeye isutegidda maadaama aad isu qabtaan xalaal. Hadduu ninkaada diidayo ilmo kale maadaama daruuftiina ay u badan tahey xagga dhaqaalaha waxaad markasta ogaataan waxkasta in horumar laga gaadhey sanadkan hadeysan diinta oggoleen inaad cirbad ama kiniini isticmaasho ogow markasta asaga wuxuu isticmaali karaa (Condom) oo celineysa ilmo abuurista. Maadama aan Somali nahey oo xishmo nalagu yaqaano waxaad mooda hadalada badh kaliya in ay sheegaan oo ay ka xishoodaan kalmadaha qaarkood taasina waxey dhalineysaa ruuxa aanan ku dhawaaqi karin kalmadaha qaarkood in uusan marnaba u faa\'iidayneynin ruuxa kale. Ninkaada ha is baaro oo dhaqtarka u raac adiga qudhaada keligii haku sii dayn si aad u ogaato xaqiiqda ama sababta uusan kuu haweesanin adiga oo xaaskiisa ah ilaa mudo (9) bilood. Walaal haka tegin oo gurigiina ha dumin balse dhinac kasta ka fiirso oo ninkaada wax la qabo. NAAG UNBAA GURI DHISTA HADANA DUMIN KARTA. hadaan fikradeyda ku qaldanahey ama igu raacsan tihiin fadlan iiga soo jawaaba ama ii caqliyeeya hadaan qaldamey mahadsanidiin walashiin Fardus oo idin leh Ruux wax ku siiya waad heli balse ruux wax kuu sheego heli maysid.

Ila Tali:
Salamacaleykum after salan waxaan ahay wiil Somaliyed da\'deyduna wa 26 jir waxaa jirto in gabar xiriir na dhexmarey ayadoo joogto holland ana waxan ku nolahay USA waxaa jirto inaan isku qabsaney arrimo badan qaas ahan iney i tiri aroos weyn oo party noo dhig anna waan ku gacanseyrey xag diin iyo takabur alle iyo dhaqan gaaled waana ku kala dhaqaajiney mudo yar kadib ayey igu so laabatey ileyn cashaq baa wadee, muddo kadib waxan ku heshiiney inaan aroos caadi dhigano balse waxey igu tiri u soo guur UK anna waan u soo guuraa si aan halkas ugu wada noolaano anna waxaan ahay nin sharci deganansho ku leh USA ayadana Holand ku leh sharci pasporka lagu sugayo. Hadeer iyo qaxooti darted ayaan ugu gacanseyrey, wey iga carootey muddo yar kadib ayaan iskugu soo noqoney waxaan u sheegey inaan summer time ka u socdo Cairo, Masar oo aan rabey inaan waalidkey kula kulmo ayadana aan transet ahaan ugu soo maro holland balse waxey ii sheegtey inaan aan markan tago Holland aan UK tagno halkas oo ay joogaan walidkeed uuna ka dhaco meher weyn balse waxaan u sheegey duruufta dhaqale ineysan ii samaxeyn balse haddey rabto si caadi ah inaan isku mehersano oo aan nikaax yar sameesano walidkana duco ka qaadaano masajida Holland mid ka mid ah aan culumo Islam ah ka raadsano balse taas wey igu gacansertey .Muddo kadib waxey ii so dirtey ergo balse aniga waxaan ka istaagey meel adag balse waxan u adkeysan waayey erayada afkeeda ka so baxayey oo ahaa mid qiiro leh waxeyna oggalaatey wax walbo iney i sameyneso oo aan jeclahay balse dhibka jiro ayaa ah aniga ma awoodo inaan safar u aado mesha ay joogto xag dhaqale iyo durufo jiro ayadana waxey u heysataa inaan awoodo balse aanan u soo jeedin. Haddaba waxaan ka rabaa dad waxlataliyo inaan ku dhaho walal awoda ii diidesa iska ilow xirirkena waxana ogahay haddeer iyo wax u dhow ineysan ii sahlanen inaan sameyo howlahas dhan ayadana wey I jeceshahay beena sii socon meyso hadaan ku sii dayo ila taliya.

Talo:
Waxaa waraaqdaada ka muuqata in gabadhu ku jecshahay laakiin aadan adigu jeclayn. marka koowaad waxaad maskaxda galisaa in jacaylku ku dhisan yahay tanaazul ay labada qof ee is jecel wax isaga tanaasulaan. haddii ay gabdhu ku tiri "maadaama aanan imaan karin USA adiguna aadan Holland igula noolaanayn aynu meel 3aad ku fakarno, taas oo noqotay UK", waa ka diiday adiga oo diidmadaada ku salaynaya inaadan diyaar u ahayn nolol cusub iyo qaxid hor leh. Aynu is meherano oo aynu isku mehersano meel waalidkay joogo hadday ku tiri xaq ayay u leedahay, adigana waxaa kuu muuqda erayga "meher weyn". haddii aad u jeceshahay sida ay kuu jeceshaay wax uun ayaad daraadeed u samayn lahayd. Duruufta dhaqaale IWM waa laga gudbi karaa haddii labada qof ay daacad isu yihiin. Waxaan kugula talin lahayn inaadan ku caayarin gabadhaas ku jecel ee aad ku dadaashid sidii aad hal meel ah iskula noolaan lahaydeen. waxaa dhici karta in ay waqti badan kugu qaadato inaad heshid qof sidaas oo kale kuu jecel. Haddii aadan waxba u qaban karin haddeer inta goori goor tahay u sheeg inaadan niyad u hayn si aan waqti uga lumin. qofkii haya talo munaasab ah please u so dir: magazine@somalinet.com

Ila tali:
Aslaamu calaykum walaalahayga islaamka ahoow meelkasta oo aad joogtaanba.Walaalayaal waxaa i haysata arrin waxaan doonayaa inaa sida qayr leh igula talisaan, waxaan ahay gabar 21 jira ah, waxaan isbaranay wiil kadib markii aan isbaranay waxaan u jeclaaday si xad ah isna iga daran walaalayaal wuxuu ii sheegay inuu cabo Sigaarka cunana Jaadka markaa anna waxaan ku idhi haddii aad doonayso inaad i guursato iska daa jaadka iyo sigaarka wuxuu markasta iigu dhaartaa inuu iska daynayo uuna noqonayo nin Ilaahay ka cabsada oo reerkiisa dhaqan doona markaa anna waxaan jeclahay inaan isaga guursado waxaan ku diidaayo waa arrinta markaa anna ma aamino waxaan maqlay maahmaahda ah dumarka waxaa lagu soo xera galiyaa been runtana waa lagu dhaqaa markaa waxaan is dhahaa billuu hadhaw la soo baxaa markaa isna markastaa wuu iigu dhaartaa inaanu una la soo baxayn markaa walaalayaal sababta aan u aamini waayana waa isagoo magaalo iga fog degen markaa wuxuu igu dhaho uun baan ka shakiyaa xagga belwada sidee u aaminaa, malase aaminikaraa qof cuna jaad maxaysa u badan tahay arrintiisa inay hadhaw noqoto?. walaalayaal sidee loo aaminaa ila arag. walaalayaal waxaan idin ka codsanayaa inaa ila talisaan sida ugu dhaqsaha badan (Ilaahayna qayr ha idinka siiyo) aamiin

Talo:
Waxaad noo sheegtay in aad jecshahay isaguna ku jecel yahay, waliba waxaan qiyaasaynaa inaad jeclaatay isaga oo balwadaa leh. Marka haddii aad balwadda ku jeclaatay oo uu ku yiri waa iska daynayaa maxaa shaki keenay, waxaa intaas dheer haddii aad jacaylku idin dhex maray idinka oo laba magaalo jooga maxaa hadda shakiga keenay. Aaminaadda qofka waxaa xukuma hadba sida qofka shakhsiyadiisu tahay, waxaa suurto gal ah inaad aragtid qof jaad cuna ama sigaar cabba oo haddana shakhsiyad fiican oo reerkiisa si fiican u dhaqda iyo qof aan balwad lahayn oo isla markaas aan reer dhaqan karin. Taas macneheedu ma ahan inaan balwadda dhiirro galinayno ee waxaan ka hadlaynaa waxyaalaha dhaca. Waxaan kugula talin lahayn miisaanka aad ninkaan ku miisaamaysid in uu ku salaysnaado laba arrimood:

1. Jacaylka uu kuu qabo iyo jacaylka aad u qabtid.
2. Shakhsiyadiisa iyo in uu yahay qof la isku aamini karo iyo in kale.

Haddii markii aad miisaankaan cusub saartid uu ku baaso oo uu noqdo nin ku jecel oo nolol lala qaybsan karo markaas ku dadaal sidii aad gacan ugu siin lahayd sidii uu isaga dayn lahaa balwaddaan. waxaa xusid mudan in uu hadda diyaar u yahay in uu iska daayo. Waxaad kale oo ogaataa in laga fiican yahay in labada qof ee is guursanaya ay is xujeeyaan oo haddii aad tusaale ahaan aad tiraahdid "balwadda iska daa si aad ii gursatid" waxaa dhici karta in uu isaga oo aan ku qanacsanayn in uu iska daayo uu iska daayo, kadibna waxaa suurto gal ah in uu ku soo noqdo waqti kadib. haddiise uu isaga daayo kadib markuu ku qancay dhibaatada ay balwaddu leedahay waxa ay u badan tahay in uusan waligiis ku noqon. Waxaana fiican in labada qof is aaminaan oo wixii ay isu sheegaan iska rumaystaan ilaa ay yimaadaan wax shaki keeni kara markaas qofku xaq ayuu u leeyahay in uu shakiyo. Waxa hadhaw dhici doona lama qiyaasi karo, waa suurto gal in uu noqdo nin ballantii uu galay oofiya, waana suuro gal in uu noqdo nin aan go\'aan gaari karin. Haddii aad ragga oo dhan ka shakisan tahay waa dhibaato weyn, waana arrin saamayn karta guurkaaga. waxaan kuu rajaynaynaa khayr. qofkii haya talo munaasab ah please u so dir: magazine@somalinet.com

Ila tali:
Walalayaal waxaan ahay gabar dhib ka haysto nolosha oo dhan waxaana inta badan dhibka iigu wacan hooyaday. Ma rabo inaan caasi noqdo oon cadaab galo, wax aan sameeyana ma aqaan, waayo hooyaday calooshaydii way ka go\'day markay noloshaydii qashinka ku dartay, markaan arkay heerkaan ka gaarayna cadaab baan ka baqaa, waayo marmarka qaarkood inay dhimato baan ILLAAHAY ka baryaa.Waxaa dhacday inay hooyaday i soo korin, aanna soo mutay ibna Aadan, waad ogtihiin sida soomaalidu intooda badani u hagaajin caruurtay dhalin, waan koray Alxamdu LILLAAH, waxii dhacayba waan soo dhoofay markuu dagaalku Soomaliya ka dhacay hooyaday baan orod u galay, waan keenay Yurub iyada iyo carruur ay dhashay, hadda ilaa shan sano ah bay joogaan, laakiin shantaa sano waxaan cay, bahdil, qalbi jabis aan ahayn kuma qabo, xitaa inay suuqa ii galiso inaan waalanahay oon qabo jiniyo baa dhacday, meeshaan joogno oo dhan inaan waalanahay baa la igu xantaa, waayo Soomalidu waxa xun way fidiyaan, ciilkii iyo caradii aan ku jiray nin baan iskuul aan dhigan jiray ku bartay, markaas runtii maan ka helin ninka dabeecadihiisa wuxuu ahaa nin fusuq ah, laakiin waan wareersanaa kadib markaan ku jiray orod iyo ciil iyo oohin mudo ka badan sanad, waxaan is iri iska guurso, waayo inaan is guursano buu i waydiistay, laakiin waxaa dhacday inuusan guur rabin ee uu rabay inuu mustaqbalka igaga ciyaaro, wuuna ku guulaystay waayo qof i caawiya ma aanan haysan,waxaa dhacday inuu igu sameeyay wax caadinimadii iga kaxeeya ina kufsado. Waxaan sameeyo ma garanayn, aabahay baan wacay oon u sheegay arrintii, wuxuu i yiri iska samir ILLAAH baa ka goyn, noloshaada wado, farax, dadkana ha u sheegin magacay kaa dilayaanee. waan isku dayay wuxuu aabe ii sheegay laakiin sagaaal bilood kadib markaan iskuulkii ka haray , oohin ka daalay, noloshaydii oo dhamina gadoontay, waxaan isku dayay inaan is dilo laakiin maan dhiman, laba bari baan miyir la\'aa, laakiin waan dhiman waayay. hadda hooyaday kalmad hadaan is dhaafsano waxay igu dhahdaa dhilo,iyo wax dhaawac kulul, mana aqaan waxay u jeceshahay inay i dhaawacdo, waayo cadawgayga ugu xumi siday ii dhaawacdo iima dhaawaco.hadaan iska waramo waligay kuma fakarin sino, guur xalaal ah iyo reer fiican mooyee, waayo reer ma helin waligay, sidaas darteed inaan ilmahayga sidayda ku dhacdo ma rabo. hooyaday waxay leedahay gabadh kale oo iga yar wax xumaan ah kuma sameyso, kama caydo suuqa haduu qof wax ka sheegana way la dagaalantaa, aniga baana walaashay uga naxariis badnaa awal, walaashay way iga bulsho iyo wareeg badan tahay,ma shaqaysato, dadkoo dhan baa celi ku yiraahda, waxaan amaan ahayn kama sheegto ,waxay tiraahdaa waa caruur oo inay ilbaxdo intay indho xirnaan lahayd bay dadka ku dhahdaa, xitaa haday ka xun tahay wareegeeda si ay u asturto, anigana inaan si run u waalan gaaro bay i galisay siday suuqa been iigu galinaysay. kama xumi inay wanaajiso walaashey laakiin xaq ma aha siday ila dhaqanto,marka walaalayaal hadaan ka fogaado oon ka indho qarsado, aanana waligay la soo xiriirin una sheegin meeshaan joogo ma danbi baa?, waayo hooyanimo kuma haysto cadaab baan naftayda uga baqi waayo marka lagaa badiyo waad dhaafi xadka. way adag tahay waxa ay igu sameyso inaan soo koobo laakiin sharaf kuma lihi meeshaan joogo shantii sano ay joogtay bayna iga dhacday, ninaan isguursan lahayn markay timi bay siday nagu kala dili lahayd sameysay wayna dhacday, ciyaala-suuq baa naftaydii ka talaabsaday, eryadkeedii oo gabarnimadaydii way dhimatay, intay ii naxariisan lahayd ooy ka shalaaayi lahayd dhibkay ii gaysatay inay dhilo igu tidhaahdo mar kasta.walaalayaal ila taliya oo ha ila yaabina sidaan wax u qoray waan isku yaacsanahay.

Talo:
Run ahaantii e-mailkaagu waa mid aad murugo u leh, waxaan arrintaada u bandhignay dad aqoon u leh arrimaha bushada iyo kuwo diinta aqoon u leh. Markii aan isu gaynay fikradohoodii waxaa noo soo baxay sidaan.
1) Caasi noqon maysid haddii aad hooyadaa oo si xun kuula dhaqanta aad ka tagtid. Marka talada koowaad oo aan kuu soo jeedinayno waa inaad ku fakartid sidii aad ugu noolaan lahayd meel ka fog hooyadaa oo aad uga ammaan heli kartid sharteeda isugu jirta aflagaadada iyo sumcad dilidda. Isla markaas waxaad maskaxda ku haysaa in ay hooyadaa tahay oo aad ka warqabtid aadna ka hagran wixii aad u awoodid.
2) Marna ha ku fakarin in aad is dishid waayo in qofku is dilo waa danbi wayn oo naarta lagu mutaysto, waana inaad ka toobad keentid markii hore ee aad ku fakartay in aad isdishid.
3) isku day inaad soo celisid kalsoonidii aad naftaada ku qabtay waayo waxaa qoraalkaaga laga fahmayaa inaad ahayd qof karti badan oo hooyadeed iyo carruur walaaleheed ah ka soo kaxaysay Africa, waxbarashada aad ku jirtayna waxa ay ku tusaysaa inaad ahayd qof dadaal badan. hadaba si aad uga soo kabatid dhibaatada ay hooyadaa kuu gaystay iyo midda uu kuu gaystay ninkii aad u guursatay ciilka daraadiis. Binu aadamka inta badan waxaa soo foodsaara dhibaatooyin fara badan, waxa ay ku kala duwan yihiin sida ay dhibaatada u xalliyaan iyo sida ay ugu dulqaataan. Haddii aad ka xorowdid hooyadaa oo aad naftaada u soo jeensatid wali waqti ayaad haysataa aad nolol fiican u raadisid.
4) Haddii qof kugu xadgudbo sida kufsiga hadda kugu dhcay oo kale ku dadaal inaad qofkaas sharciga meeshaas ka jira la tiigsatid adiga oo u sheegaya wixii kugu dhacay oo aan waxba ka tagayn waxna ka reebayn taas waxa ay kaa caawinaysaa inaadan mar danbe ciil ku seexan.
5) Waxaan ku xusuusinaynaa inaad noqotid qof nafteeda ku xirta Ilaahay. Ilaahayna waa ku caawianayaa haddaad isaga ka baqdid.
6) Hooyadaa iska cafi. waxaan Ilaaahay kaaga baryaynaa in uu arrimahaaga kuu fududeeyo. qofkii haya talo munaasab ah please u so dir: magazine@somalinet.com

Ila Tali:
Salaama alle kuligiin. Walaal waxaan ahay gabar Soomaaliyeed degan Dalka Africa, walaalayaal ugu horeyntii aniga wax dhib oo I haysta oo aan ka tabanayo xag dhaqaale ma jirto, balse waxaan doonayaa in laygala taliyo dhibaato ah jacayl indho l\'a oo igu dhacay & Familkaygii oo isu xumaaday.! Waxaan ahay gabar ka dhex dhalatay reero aad iyo aad u ladan, waxbarasho ilaa heer Dugsi Sare, waxaan aad u jeclaaday wiil xoogaa iga d\'a weyn runtii aniga ayaa hor jeclaaday waxaana aan wada soconay 2 Sano wax kastana xagayga raali ayey ka ahaayeen, balse isaga markasta waan dareensanaaa in uusan iga helin amase uu san I jecleen balse aniga waxaas oo dhan uma jeedin, waxaan waxbarasho iyo shaqo u aaday waddanka banaankiisa, jacaylkiina wuu ii saamixi waayey in aan isu raacno, waxaan waddanka ka maqnaa Sannad (One Year) waddanka waan ku soo noqday, maalintii aan imid, runtii maalintii aan imid Airpor-ka aan ka soo degayba qofkii ugu horeeyey oo aan si fiican u qaabilo isaga ayuu ahaa wax kastana ninkaas wuu iigala qaali badnaa, waxaas oo dhan waxa iigala weynaa jeceylka oo aan u qabo ninkaas, waxaan habeen habeenada ka mid ah ku heshiinay in aan reerkayaga berito u bandhigo in aan jeclahay ninkaas oo aan is doonayno in aaynu iswada guursano, markuu wax kasta xagayga habeenkaas ka dhamaaday, ayaan reerkaygii u sheegay runtii way farxeen markaan u sheegay balse, qof ay iyaga moodeen iyo qofka aan wato isma ay lahayn, maalintii danbe ayaan reerka u keenay markaan reerkii u keenay ayey reerkii aad uga xumaadeen waayo waxuu ahaa nin aan leebalkayga ahayn balse uu Jacaylka ii indha tiray, Aabahay markuu ogaaday ayuu wuxuu wiilkii Guriga ka saaray sidii qof tuug ah, runtii maalintaas waxaan go\'aansaday wax yaabo badan oo diintayda mamnuuc ka ah, balse Hooyo ayaa ii caqli gelisay, markaan Aabe weydiiyey sababta uu wiilka ku eryey wuxuu iigu jawaabay Reer hebel ayuu ka dhashay oo Shimbirahooda iyo Shimbirahayaga aysan meel ka wada duulin, runtii Aabe habeenkaas si kasta waan ula hadlay si kastana oo aan ku iri aabe aniga reerkiina iyo waxa aad sheegayso aabe waxaa iigala weyn jacaylka aan ninkaas u qabo, waxan ku iri Aabe maxaad hebel iigu diideysaa, nasab dhiman maahan, kumuusan afligaadeen xataa noloshiisa kama warhaydid ee see wax u jiraan? family-gii oo dhan waa la ogaaday sharci dibadeed iyo waxaan reerka xuquuq ku lahaa waa layga tirtiray, Reerkii waxaan ka noqday sidii aan ka dhintay oo kale, reerkii dayro ayaan ka noqday. Wax kasta oo igu qaadatay ninkii waan is guursanay laakiin nasiib xumo, ninkii wuxuu noqday nin xun, xumaano aan horay ugu ogeyn ayaa ku soo baxay, balwado ayuu bartay, doodiisii ayaa badatay, runtii markii hore riyo weyn ayaan ku jiray balse, maalintii uu igu yiri waad furan tahay ayaa indhihii ii xirnaa ii furmeen, waxaa taas iiga sii daran reerkayga oo aan ku noqon karin, waalidkayga oo ii caraysan , waxaa taas iiga sii daran dhammaan family-kaygii Africa way ka baxeen oo dibadda ayey degeen, Aabahay maalintii aan ninkaas raacay ilaa hadda xaaladiisa ma fiicna, haddana Uur ayaan u leeyhay noloshayda ilaa hadda meel ay ku sugan tahay garan maayo, caafimaad daro ii haysa ee ah tan uurka waxaa iiga xanuun badan dhibaatada iga haysata jacaylkii aan u qabay horay weli waan u qabaa. Ila hada niyadayda iigama tirtirmin, markastana waan jeclaystaa in aan niyadayda ka saaro magaciisa ku qoran. Walaalaayaal waxaan doonayaa in aad arrintaas iga talisaan, runtii aad ayaan ugu farxi lahaa xalkiina, niyadana iigu dhismi lahayd hadii aad iga soo talo siisaan. Mahadsanidiin. Muna - Somalia

Talo:
Marar badan ayay dhacdaa in gabdhu inta ay waalidkeed ku gacan sayrto ay guursato nin aan lala doonayn kadibna uu ninkii reerkeeda ka jaray uu noqon waayaa sidii ay ka filanaysay. Haddii aan arrintaada u soo noqono, waxaad noo sheegtay in aad tahay qof wax bartay isla markaasna ayan hayn duruuf dhaqaale. Wax danbi ah kuma lihid guurkii aad guursatay ninkaas waayo waad jeclayd laakiin waxaa la yaab ah inaad leedahay ninkii ayaan wali jeclahay. Waxaan kugula talin lahayn inaad ku dadaashid sidii aad ninkaas u illaawi lahayd mana ahan wax dhib badan in la illaawo qofkii la jeclaa waa haddii uu noqon waayo sidii la filayay, waxaad u baahan tahay inaad isku qancisid in uusan ninkaasi ahayn ninkii saxda ahaa ee aad ku khaldantay. waxaad u baahan tahay in aad nooqtid qof go\'aan leh isla markaasna kala garan kara waxa dantu ugu jirto iyo waxa kale. haddii aadan go\'aan noocaas oo kale ah gaarin waxaa suurto gal ah in aad marar badan shalaaydid oo hadda haddii uu kuu soo noqdo oo uu mar labaad iyo mar saddexaad ku furo soo dhibkii kugu sii badan maayo waxaa kale oo suurto gal in aad carruur kale u dhashid ugu danbayntiina ay sheekadiinu ku danbayso furriin. waqtigaan hadda ah waxaad u baahan tahay in aad ka fakartid caafimaadkaaga iyo caafimaadka ilmaha uurkaaga ku jira, si aad caafimaadka ilmaha uga fakartid waa inaad iska ilaalisid wax kasta oo adiga caafimaadkaaga saamayn kara sida walwalka iwm. Waxaad kale oo u baahan tahay in aad ku fakartid sidii aad horumar u samayn lahayd si aan berri ilmahaagu ugu baahan bini Aadam kale. waxaad u baahan tahay inaad waalidkaa la heshiisid adiga oo aabahaa u sheegaya in aad khaldanayd markii aad taladiisa diiday haddana aad khaladkaagii qirsan tahay, waa waalid oo waxa ay u badan tahay in uu kaa aqbalo. Haddii uu kaa diido waxaad la kaashan kartaa adeeradaa, waa haddii aad adeerro leedahay ama aabahaa ilma adeertiis ama saaxiibadiis. waxaad haystaa fursad aad nolol cusub ku bilowdid ee ka faa\'aaiidayso. waxaan kuu rajaynaynaa nolol aan buuq lahyn. qofkii haya talo munaasab ah please u so dir: magazine@somalinet.com