Qaybtii labaad

Nostradamus waxyaabahauu saadaaliyey qarniyadaan danbe oo la arkay way badnaayeen waxaan ka soo qaadan karnaa:

Wuxuu gabay ku yiri: London waxaa aafayn doona dab ayan horey u arag dabkaas oo daadin doona dhiig badan hanti badana khasaarin doona, dabkaasi joogsan maayo ilaa uu gubo meesha ay wax ku caabudaan middooda ugu weyn, sanadku markuu yahay 3x20+6 waa sadex lagu dhuftay labaatan laguna daray lix ( oo la mid ah 66)

Xaalada dabkaani waxay u dhacday siduu u sheegay, waxaa ku naf waayey kumanaan qof , dabkuna wuxuu istaagay markay gubatay kiniisadii ugu caansanayd uguna weyneyd xiligaas (St.Paul Cathedral) waxaa kaloo yaab lahaa siduu u sheegay sanadka dabku qarxayo oo uu ku sheegay (66) Nostradamus wuxuu xisaab sanadeedka ka qaadan jirey labada lambar oo ugu danbeeya (tusaale 1999 waxaa loo qoraa 99) dabkuna wuxuu London gubay (1666).

Nostradamus wuxuu gabay kale ku yiri: meelu dhow magaalada Rhine ee ku taal buuraha Austaria waxaaku dhalan doona nin dunida caan ka noqon doona ninkaasi wuxuu qabsan doonaa Poland iyo Hungary, kadibna wuuu ku fidi doonaa Yurub oo dhan, lamase garan doono meeshuu ku danbayn doono aakhirka.

Hitler ama Hister
Wuxuu gabaygaas ku sii sheegay, Geyiga Yurub waxaa saamayn doona balaayo iyo dagaalo xanbaarsan dhibaato badan oo isaga gooshta webiyada, badaha, iyo buuraha dushooda, dagaaladaas waxay dunidu kula diriri doontaa ninkii weynaa ee (Hister)(oo loo fasirtay Hitler).
Wuxuu kaloo sheegay in dekadaha labada magaalo ee yar yar lagu arki doono uuro kulul iyo sun madow oo magaalooyinkaas halaagta , qaraxaas oo aan horey dunidu u arag (waxaa loo fasirtay Nuclear bomkii lagu riday Dekedii Hirooshiima iyo Nagasaaki).
Nostradamus wuxuu sheegay soo bixitaankii Napileon, wuxuu sheegay dilkii boqor Charles iyo cayrintii diktaytarkii Spain (Faranco).
wuxuu sheegay in boqor Edward boqortinimada laga qaadi doono markuu guursado haweenaydii la soo furay kadibna lagu badeli doono wiil yar oo aan khibrad u lahayn boqortooyada.
Boqorkaas Edward waxaa laga qaaday boqortinimada 1936 markuu guursaday carmali Maraykan ah iyadoo lagu eedeynayo inaysan haweenaydaasi u qalmin qoyska Boqortooyada, waxayna ku badaleen wiil yar oo aan khibrad u lahayn hogaaminta. kaasoo ahaa George VI.
Nostradamus wuxuu in yar ka hor dhacay markuu yiri,1999 oo lagu daray 7 bilood waxaa cirka ka imaan doona torooriistaha kii ugu balaarnaa uguna weynaa, taasoo ay ku micneeyeen dhacdadii Sep.11
Wuxuu si cad u sheegay in madaxweynayaasha labada quwadoodee dunidu heshiin doonaan (Maraykan iyo Ruush) uuna dhulka cusubi (Maraykanku) gaari doono awooda ugu balaaran dunida.