ILa Tali
Waxaan ahay wiil somaliyed dadaydu waa 35jir waxaan deganahay dalka maraykanka waxaan is jecelahay gabar aan is jeclayn mudo 20 sano ah runtii aad baan u jeclahay iyaduna aad bay ii jeceshahay waana gabar aanu meel ku wada kornay,hadaba dhibaatada na haysata ayaa ah anigu waxaan deganahay dalka maraykanka iyadunwaxay joogtaa somalia shan iyo toban sano oo aan dalkii ka maqnaa ayaa wax badan is bedeleen gabadhiina sadex sano oo aan Amerika joogay waxaan ku dedaalayey in aan sharci helo iyadana soo kexeeyo taasna iima suura gelin gabadhii reerkoodi waxay leeyihiin guurso ninkan kuuma soo socdo anigana waxaa ii roon in aan dhinto intaan la guursan gabadhaan jeclahay hadaba walaal ila taliya wali maskaxdayda gabar kale kumay soo dhicin iyaduna cidkasta way diiday ismana hayno waqtiguna wuu socdaa. Ahmad

Talo
Inaad muddo 20 sano ah is jeceshihiin waa arrin run ahaantii la idin ku qadarin karo, waa wanaagsan tahay inaad daacad u tahay gabadha oo aadan gabar kale ku fakarayn si kastaba arrin ha ahaatee waxa idin hortaagan waa duruuf. Gabadha waalidkeed waa ku saxsan yihiin in ay ka fakaraan sidii ay gabdhooda ugu guurin lahayeen. Adiga waxaa lagaa doonayaa inaad sida ugu dhakhsaha badan u aadid Soomaliya oo aad gabdha soo mehersatid kadibna aad waqti la soo joogtid waa haddii duruufta sharciga iyo tan dhaqaaluhu kuu saamaxayaan. Haddii aad u tagtid oo aad isguursataan arrintu inta waa dhaamaysaa, waana lagu rumaysanayaa. Haddii aan duruuftu kuu saamaxayn gabadha waqti danbe ha ka lumin waayo sida aad ogtahay waqtigu macne weyn ayuu u samaynayaa dumarka.


Ila Tali
Salaama calaykum. waxaan ahay gabar 19 jir ah oo ku nool wadanka Sweeden. waxaa xirir lahayn wiil soomaaliyeed oo aan ku wada nool nahay Sweeden,ma fiicna qofka in la xaqiro lakiin wuxuu i tusay rabitaan taas oo igu dhalisay in aan aad u jeclaado,aana aamino oo aan ku fakaro waa kii nolasha aad wada qaybsan lahaydeen,sidii aan saas u ahayn ayuu maalin maalmaha ka mida wuxuu ii sheegay inuu rabo inuu wadanka ka tago oo uu America u guuro,taasoo igu noqotay lama filaan maxaa yeelay ima dhihin waan kuu soo laaban wakhtigaas,anigiina asagii waan jeclahay oo in aan nolol la waago ayaan ku faraxsanaa oo aan dhowraayey,waxaan doorbiday inaan iraahdo aan is mahersano ka dib waan ku sugayaa iska tag asna waa diiday wuxuu yiri diyaar ma u ihi. marka walalyaalow ila taliya anigii waan jeclahay oo kama hari kari asagiina saas u ileeyahay maxaan sameeya.waad mahadsantihiin (fahmo)

Talo
Waxaa muuqata in wiilku uusan kuu jeclayn sida aad u jceshay, waayo labada qof oo isjecel waxa ay markasta kawada tashadaan sida dantu ugu jirto, haddii uu ku yiri waa guurayaa ee uusan ku oran ma guurnaa? waxa ay ku tusaysaa in uu kuu sheegayo in xiriirkiinii dhamaaday. Marka aad meherka u soo bandhigtay oo uu diiday waxa ay ku tusaysaa in uu yahay nin wanaagsan oo aan doonayn in uu waqti kaa lumiyo waayo haddii uu ahaan lahaa nin xun wuxuu ku oran lahaa aan is mehersano kadibna waa uu iska safri lahaa. Waxaan talo ahaan kuugu soo jeedinaynaa in aad ka talo baxdid oo aad jacaylkaagana ka soo qaadid mid fashilmay. Maadaama aad 19 sano jirtid wali waxaad haysataa waqti badan, waxaadna ku jirtaa waqtigii aad ku fakari lahayd waxbarashadaada iyo sidii aad horumar u samayn lahayd. Inaad ilowdid wiilkaasna waa arrin adiga kugu xiran, markastana maskaxda ku hay in uu jiro calaf ayna suurto gal tahay in uusan khayr kuu ahayn.
 

Ila Tali:
WALAALAYAAL WAXAAN AHAY WIIL SOOMAALIYEED KUNA NOOL WADANKA DENMARK WAXAAN JIRAA 25 WAXAA LAIGU DARAY MAALIN DHAWAYD NAAG ANA HADA IYO MAR U DHAW NAAG DIYAAR UMA AHI MANA RABO IANAAN INTAAN ADUUNKAAN SAARNAHAY AAN NAAG SOOMALIYEED AAN SIRO ANOO AAN NAAGAAHA KAHELIN MAXAA YEELAY NAAGTU WAXAY UBAAHANTAHAY NIN BUUXA ANA SAAS MA AHI MANA RABO INAAN KA IN KAARSADO BAL ILA TALIYA BYYYYYY

Talo
Arrintaadu waa arrin sahlan maadaama aadan diyaar u ahayn, waxaa lagaa doonayay inaad dadka gabdha kugu daray u sheegtid inaadan diyaar ahayn. Hadda oo gabdhii lagugu daray waxaa haboon inaad gabadha u sheegtid inaadan doonayn, khasab maahan in aad sababta u sheegtid, waa haddii ay dhibaatada ku haysata tahay mid aan la sheegi karin. Si fudud ayaad uga lug bixi kartaa. Waa arrin wanaagsan inaadan doonayn inaad gabdhaha ka inkaar galabsatid.

Ila Tali
Waan idiin salaamay ta ugu horay sa walaal, walaal yaal site kina mataan helay waxaan aad ugu far xay sida wanag san ee u dhis teen, waanan idin ku "flicitation". Walaal yaal waxaan ahay wil reer Djibouti ah waxaan nan jogaa qurbaha, walaalhi in 3bilods ah iyaan lo socdaa gabadh reer somlia ah oo "reer muqdisho", gavbadhasi aad iyaan u jeclahay "infection", iyaduna sido keleh iyay il ledahay. Markaas waxaan gabadhasi ka arkay iyar oo been ah exemple "Sabtidii iyaan ka idhi ii imo waxay igu jewab tay inay imaan karaay, markay 3dii tahay waxaan ku arkay magalada iyo la soco ta wil aan magalada ku arag oo gacmaha ku sidata ubax, gacan ta midig iyaa iga sallatay". Walaal yaal gabadhasi ma dacad baa? Walaal yaal ila taliya arday iyaan ahay, miyaan ka hadhaa gabadhasi mise waan u adkaystaa? Waad mahad san tihiin.
Iga rali noqda walaal yaal fartay somaliga ah oo aad
u ficnaay...merci d\'avance!

Talo
Run ahaantii in qofku daacad yahay iyo in kale waa adagtahay sida lagu ogaado isla markaas haddii aan fiirino dhibaatooyinka aad gabadha ka sheeganaysid oo ay beentu ugu horrayso. Qofku haddii uu been yaqaan dhibaatooyin fara badan ayuu xiriirka u keeni karaa. Adiga waxaa lagaa doonayaa inaad hubsatid in ay been taqaan iyo in ay halkaas mar been kuu sheegtay. Si aadan xiriirkiina khalad uga galin waxaa habboon inaad hubsatid sida wax u jiraan haddii aad ogaatid in ay taqaan been waxaan kugula talin lahayn in aadan waqti badan ku lumin. Arrinta in ay ku tiri kuuma imaan karo kadibna ay wiil kale magaalada u raacday waa inaad iyada waydiisid sida ay ku dhacday arrintaas.

Ila Tali
Asalama calaykum walaal, waxaan ahay gabar soomaliyed 24 jir ah isla markaasna leh laba caruur ah waxaana jeclaan lahay in aad ila talisaan dhibatada iga heesato ninkayga, taasoo ah in ay iiga muuqato in uusan maraka qaar idaneynenin tusaale ahaan marki uu iguursaday waxuu idajiyay guriga rerkisa walaladis iyo walidkis isaga an ila tashanin lakin waxba ku ma dhihin wayo waxan is dhahay yusan ka xuman waxaa tas iga sii darne uu sameyay aniga ayaa uur yeshay wax dhaqaala ahna ima siin jirin marki uu helana wuxuu yiri hadii ad cunto qas ah u bahato lacag ayan hoyaday kugu dhibay ad ayan uga naxay hadalkas , kadib marki an dhalay ayan ka codsaday in aan dagno guri an anaga lenahay , wuu ila diriray laakin waan guurnay kadibna waxaa dhacday in an urkale yeshay uuna igu yiri maad ilmaha iska soo xaqdidi hada ilmo marabno laakin aniga ad ayan ujeclahay in ilahay ilmo isiyo waana kanaxay islamarkana wan kadiiday , waxaa dhacday in aan dhaqaale heesan isgana uusan rabin in uu shaqeeyo marki an dhalayna aan waynay lacagti taxsiga uuna waeydistay walidkis anigana taas ad ayay idhibesa waayo waxan jeclahay in uu shaqeesto nabiilo noqdo nin isku filan aan markasto dad wax waydisanin waxaa hadana dhacday in uu igu sameyay waxyabo badan anan halkan ku soo koobi karin lakin qalbigayga wax ugestay wuxuu gatay gaari waxaana dhacday marki aan ku dhaho waxaas idoon in uu san meel kaqadin uu idhaho haye hadhow ayan donaya amaba uu iska iloobo ,lakin hadii mayhalan ay soo wacan rag saxibadis ah ama rerkisa dhalay in uu isla markiiba udoono marki an waydiyayna uu iixanaqo ana ku dirirno marka walal ila taliya in aan iska furo ninkan iyo inkale . waliba marki anku irahdo qaladkisa wuxuu idhaha hadii ad rabto furiin marqaati kenso sadaxdaada waan ku siinayaye.

Talo
Run ahaantii arrintaadu waa arrin murug leh waayo waxaad ku haysta dhibaatooyin fara badan oo ay qaarkood adag tahay in xal loo helo. Haddii aynu fiirino dhibaatooyinka:
Mid dhaqaale, ma shaqaystanimo, tixgalin laaan iyo isaga oo aan doonayn inaad carruur dhashid. Midda in uusan shaqaysanayn waa arrin aan wax laga qaban karin waayo nin isaga oo xaas iyo carruur leh shaqaysan waayay waxa ay u egtaahy inaan wax laga qaban karin. Ma shaqaystanimada ayaa keentay in dhibaato dhaqaale idin soo foodsaarto.
Tan ah in uusan doonayn inaad carruur dhashid oo waliba ku yiri ilamaha iska soo xaaq, waa arrin ku tusaysa in uu yahay qof Ilaahay aad uga fog, waana danbi isaga ku kooban oo adigu maadaama aad ka diiday waxba kaaga imaan mayaan. Midda in uusan hadalkaaga qiimayn iyaduna waa arrin aan wax laga qaban karin. Talo ahaan waxaan ku siin lahayn in aad iska furtid waayo waxaa muuqata in uu leeyahay ceebo badan oo aan la daawayn karin. Waxaan talo ahaan kuugu daraynaa inta aadan goaanka furriinka qaadan in aad isbarbardhigtid faaiidada ka imaanaysa haddii aad iska furtid iyo khasaaraha kuugu jira haddii aadan iska furin, haddii ay kuu soo baxdo in faaiidadu badan tahay iska fur si aad waqtigaaga uga faaiidaysatid oo aan waqti badan oo danbe kaaga lumin

Ila Tali
Waxan ahay wiil dhalinyaro ah..waxa jirta in aan aad u jeclahay gabar ..gabartaas o xogaa iga yar aniga..marka si aan ugu shego jacaylkaan u qabo wax ii sahlikara ma ii sheegikartaan.... abdi
Talo: Siyaalo badan ayaad ugu sheegi kartaa sida Talefoonb, E-mail, waraaq iwm. Waxa ugu muhiimsan waa inaad xiriir la yeelatid oo la sheekaysatid kadibna adiga ayaa qaab heli doona aad ugu sheegtid.

Ila Tali
Waxaan ahay gabar toban iyo todobo jirah waxaan jeclay will aan wallaalo ku imaanay.wiilkii waan usheegtay lakiin wuu igu gacan seyray wuxuu iyiri malalo baan nahay ee hana kashifin. lakiin aniga aad ayaan ujeclay maxaan sameeyaa aan kufahansiyaa in eeysan walaal run aanu aheeyn ee guur naga dhexeeny karo. ila tali walaal.

Talo
Waxaa dhici karta in uu kaa saxsan yahay waayo waxaad waddanka ku soo gasheen in aad walaalo tihiin. Haddii xiriirki idiin hagaago waxaa imaan kara inaad caruur isu dhashaan oo aad diiwaan galisaan carruurta. Koley wiilku waa ogyahay inaydnaan walaalo ahayn. Waxaa kale oo dhici karta in uusan xiriirka ku qanacsanayn oo uu doonayo inaad sheekadaas iska ilowdid, haddii kale wuxuu ku oran lahaa waa ku jeclahay laakiin arrintaan maxaan ka samaynaa. Waxaan talo kuugu soo jedin lahayn inaadan waqti badan ku lumin wiil aan kuu soo jeedin.