BREAKING NEWS Guddoomiyihii degmada H/wadaag killed

[Hiiraan boy]

Guddoomiyihii degmada H/wadaag oo caawa lagu dilay Muqdisho

Click here to find shabelle news in English

Mogadishu 01, June.07 ( Sh.M.Network) Guddoomiyihii degmada H/wadaag ayaa caawa lagu dilay magaalada Muqdisho, xilli ay sii kordhayaan dilalka iyo dhaca ka jira caasimadda, iyadoo dilka Mas'uulkaan uu ka dhigayo kii labaad oo ka tirsan maamulada degmooyinka gobolka Banadir oo lagu qaarjiyo Muqdisho 72 dii saac ee la soo dhaafay.

Sida ay shabelle u xaqiijiyeen dad goobjoogayaal ah, Abaarihii 6:25 Pm ayay aheyd markii kooxo dabley ah oo tiradooda lagu sheegay 3 ay toogasho ku dileen Marxuum Xasan Fareey oo ah gudoomiyaha degmada H/wadaag, xilli uu ka soo baxay masjid uu ku dukaday salaadii Maqrib.

Goobjoogayaasha ayaa waxa ay intaasi ku dareen in kooxihii falkaan geystay ay ka baxsadeen halkaasi.

Meydka Marxuumka ayaa waxaa halkaasi ka soo qaaday dad ehel la ah, iyadoo markii dilka dhacay ka dib ciidamo dowladda ka tirsan ay isku gadaameen halkaasi.

Arbacadii la soo dhaafay ayay aheyd markii taliyaha nabad sugidda degmada X/weyne kooxo aan la garaneyn ay toogasho ku dileen xilli uu ku guda hirey howlihiisa shaqo.

Tan iyo markii magaalada Muqdisho ay gacanta ku dhigeen ciidamada dowladda oo kaashanaya kuwa Ethiopia ayaa waxaa ku soo badanayay caasmadda dilal kala duwan oo loo geysanayo dad rayid ah.