Gabaygaan maga ciisa la yiraahdo ku wii cararay waxaa tiriyay (sayid maxamed c/dulle xasan) ilaahay ha u naxariistee,waxa uu tiriyay mar rag ka mid ah daraawiishta oo markaas dagaalka ku cusbaa ay soo baqdeen. Sidaad og soon tahay waxaa daraawiishta ceeb ka ahaa cararka iyo baqashada ragaa cusubaa oon horay u duulin baa duulaan qaaday.Mar ay ka war heleen in ciidan ingiriiska ah fooda ku soo hayo bay waxayar kabacdi waxay is ku heleen caynaba, dabadeed markay xabadii isku dhacday bay baqo dhabarka jeed sheen. sayidka isagoo canaanaya una sheegaya in ay waxa cusub oo daraawiish caado u aheey ay curiyeen buu gabaygaan mariyay.

Kuwii cararay maantii kufrigu,ciiro soo kiciyey
Coodkooda nimankii baxshayee, ciiska rogi waayey 
Carabtey ku joogeen kuwii, cayris kaga rooray 
Cakuyey! Kuwii dib u curtaa, ceebta noo dilaye 
Cudurlaaga waa lagu yaqaan ,inay cabsoodaane
Waa caadadood baqo inay, caga caddeeyaane 
Maantaan cirroobiyo anoo, canug ah oowiila
Carradaba wax badan baan maroo, coobir baan ahaye 
Cawroo kalay noqdeen , caabuqii didaye 
Allahayoo, canjeelkii tanaa ,iiga ciil badane 
Anna carada wax iigu wacan , waa cid liidiiye 
Cashadii daraawiish haday , cidaha noo joogto 
Cindigaan ka suuraynayaa, camalladoodiiye 
Sidii aar cargaaagtamahayey ,caran lahaayeene 
Ciyoontaba waxaa dhici lahaa ,dirir cafaariide 
Caddaan miiran iyo sowjar bay, cuni lahaayeene 
Cafi ma laha nimankii dorraad, gaalka caawiyaye 
Cadowgood alluu-jebigu waa nagu ciyaareene 
Casiisow cadaab duulku waa ,caasi khayr darane!